CAPCALERA: la botiga

Jornalet, gaseta occitana d'informacions

Dimenge, 25 de julh

Bernat Bergé

Divendres, 18.6.2021 03h00

Morir en silenci


Comentaris 2 comentaris    
Dolent Fluix Bo Molt bo Fabulós (3 vòtes)
carregant En cargament


Nicolas Tucat / AFP




Àudios Morir en silenci (MP3, 2' 41'')

Escolta audio


Lo 5 de mai, en Avinhon, un policièr en servici sus un punt de revenda —deal en francés—, foguèt tuat. Pas que qualques oras aprèp, lo Ministre de l’Interior èra sus plaça per li far omenatge, en saludant aquel “soldat de la guèrra que menam cap a la dròga, mòrt al combat”. Ajustèt: “Aquel combat lo perseguirem e lo ganharem”. E lo governament declarèt França tota en dòl. E totes los mediàs de bolegar la maionesa dins un tarrabastal de declaracions, reportatges, analisis, comentaris.
 
Set jorns mai tard, dins l’Auba, una assistenta sociala èra trapada tuada per bala davant la pòrta de l’òme que veniá de visitar, coma fasiá cada mes. Cap de medià ne parlèt sul còp. Cap de reaccion dels poders publics, pas d’omenatge nacional: l’assistenta sociala èra mòrta dins una assordissenta indiferéncia. Es pas qu’aprèp una marcha blanca dels trabalhaires socials, esmoguts, indignats e en colèra, lo 14 de mai, e aprèp l’omenatge dels elegits e agents del Conselh departamental lo 17 , que Lo President de la Republica, dus jorns mai tard declarèt sus Tiwter voler “un estatut de mòrt pel servici de la Republica”, pels agents del servici public “mòrts dins de circonstàncias excepcionalas”, mas sens citar la tragèdia d’Avinhon.
 
Lo murtrièr de l’assistenta sociala que s’èra balhat la mòrt dins son ostal, un òme de 83 ans, segurament destimborlat pel plaçament recent, en EHPAD, de la siá esposa tocada per Alzheimer, aviá pas res d’un islamista radicalizat, d’un terrorista o d’un traficant de dròga, e los trabalhaires socials anirián pas assetjat lo Parlament per durcir las leis de la Republica.
 
Res d’interessant pels politics e pels mediàs: res per far pujar lo sentit d’insecuritat, res per conflar l’audimat: la paura assistenta se moriguèt dins lo silenci.
 

 
abonar los amics de Jornalet
 
 


 



publicitat
BANNER1 - AMICS DE JORNALET 07/21



Comentaris

23 de junh 08.08h

Tot simplament mercé.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

18 de junh 12.55h

Òsca per lo vòstre escrich Bernat!
un còp de mai nos ballatz quicòm per soscar.
Maldita societat del espectacle!


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions