CAPCALERA: la botiga

Jornalet, gaseta occitana d'informacions

Dimenge, 16 de mai

Bernat Bergé

Divendres, 5.3.2021 03h00

Vèrb d’Estat


Comentaris Un comentari    
Dolent Fluix Bo Molt bo Fabulós (4 vòtes)
carregant En cargament


Pièyre Alexandre Anglade, «coordinator en carga de l’animacion de pòrta-paraula» del grope LREM a la Cramba, s’exprimissiá, a la ràdio, a prepaus de la modificacion de l’article 1 de la Constitucion
© Antoine Lamielle




Pièyre Alexandre Anglade, «coordinator en carga de l’animacion de pòrta-paraula» del grope LREM a la Cramba, s’exprimissiá, a la ràdio, a prepaus de la modificacion de l’article 1 de la Constitucion, que i vòlon apondre: «França garantís la preservacion de l’environament e de la diversitat biologica e lucha contra lo desreglament climatic».
 
Coma la causida del vèrb «garantir» pel President sembla pas far l’unanimitat, lo deputat interrogat respondèt que tenián a emplegar un «vèrb d’accion», per plan marcar la siá volontat de se bolegar.
 
Al Guston que l’escotava, li tornèt çò que lor disiá lo regent dels vèrbs: se classificavan en vèrbs d’estat, pas que sièis o sèt, li semblava, èsser, paréisser, demorar..., e en vèrbs d’accion, totes los autres.
 
— Seriá estat malurós que ne’n trapèsson pas un! s’espetèt lo Guston.
 
Lo regent ajustava que un vèrb d’accion se podiá emplegar a la votz activa, lo subjècte fasent l’accion, òc ben, mas tanben a la votz passiva, dins lo cas que lo subjècte subissiá l’accion, e doncas dins aquel cas, qu’èra pas pus actiu, e que lo vèrb d’accion podiá aital descriure un estat.
 
Li tornava al Guston, que parlavan tanben del Vèrb al cataquisme. S’escriviá ambe una majuscula, lor disiá lo curat; designava la Paraula divenca, aquela Paraula que creèt, que per Diu, li sufisiá de dire per far. 
 
Plan segur, sèm dins una Republica laïca, que lo nòstre President es pas, coma lo rei de l’ancian regime, lo representant de Diu sus tèrra, e que la siá paraula es pas pus un reson del Vèrb. 
 
Mas nos poiriam demandar se, eiretièrs d’una cultura crestiana, a d’unes, lor ne demòra pas la pesada d’aquela concepcion de la fòrça del Vèrb, e se per eles, pensan pas que «dire» es «far» e que, coma lo del Paire Celèsta, lo Vèrb d’Estat es Vèrb d’accion. 
 
 
 
 
 
 abonar los amics de Jornalet

 



 



publicitat
BANNER1: IEO 30 MARPOC



Comentaris

5 de març 19.17h

Sense levar res a las remarcas pertinentas de'N Bernat Bergé, remarcarai ieu, dos autres punts :

1) Qué pòt èsser, exactament, un "coordinator en carga de l’animacion de pòrta-paraula". S'ocupa benlèu sonque de los que pòrtan paraula, mentre que los autres an sonque de se calar ? E puèi, aqueles que, justament, la pòrta, aquela paraula, los cal reanimar ? Perqué aurián besonh d'un animator ? Benlèu qu'a fòrça de seguir un mariòl encravatat pretendent pensar a la lor plaça, s... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions