CAPÇALERA: IEO09-01
CAPÇALERA2: Botiga

Jornalet, gaseta occitana d'informacions

Dimars, 29 de novembre

Bernat Fruchier

Divendres, 19.8.2022 03h00

Comentari


Comentaris Pas cap de comentari    
Dolent Fluix Bo Molt bo Fabulós (2 vòtes)
carregant En cargament


Richard Revel




Los utelians son sonats coteliers perqué la Regina Joana auria confirmat en 1352 li sieus privilegis de que lo drech de portar un cotel mai lònc que cen qu’era autorisat.
 
Dal ver, fuguèron pas li solets qu’òutenguèron aquel drech.
 
Lo trobam aquí (Luceram) confirmat ai luceramencs en 1343/1344, pi encara en 1363.
 
De mai, un passatge d’una enquesta escarenasca de 1367 que polem liéger en lo Cartulari de Sant Pôns precisa:
 

Quarto: probare intendunt quod, juxta consuetudinem dicti castri et generalem in Provincia, homines dicti loci portant et portare consueverunt per dictum castrum eundo et redeundo et etiam per territorium dicti castri et aliorum itinerando, eorum arma prohibita, libere et impune et absque contradictione officialium dicti loci curie reginalis.
 
Traduccieu:
 
Quart: intèndon desmonstrar que, segont la costuma dal dich vilatge e generala en Provença, los òmes dal dich luec pôrton e auguèron costuma de portar, per anar e revenir dal dich vilatge e meme per viajar per lo terraor dal dich vilatge ò dals autres, lai sieus armas interdichas librament e impunament e sensa contradiccieu dals officiers de la curia reginala d’aquel luec.
 
Ensin, lo pôrt dal cotel devia estre mai espandit que cen qu’auriam posgut creire. Polem pas saupre a que epòca fuguet acordat aquel drech que sonàvon privilegi. Tres constatacieus nos porrion endralhar vers una solucieu:
 
— veirem pus luenh li problemas naissuts de la cavalcàia personala que desmônstron al manco que los estajants políon (ò devíon) possedir bensai d’armas;
 
— despí la vendua de la màger part dei vilatges dal Comtat de Ventimilha en 1257/1258, li Còmtes de Tenda quitèron gaire de menar de razzias en li vilatges de Vesúbia d’ont se cresíon de possedir encara de drechs;
 
— ja, en la lucha còntra Génoa, li Còmtes catalans avíon acordat (ò solament confirmat?) lo consulat a Pelha per òutenir d’els una ajua militària.
 
 
 
abonar los amics de Jornalet

 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Bernat Fruchier

Bernat Fruchier logo rss

Niça, 1948. Ensenhaire de filosofia e d'occitan niçard pensionat, ansin coma païsan. Ancian conselhier municipal en lo vilatge de Luceram ont demòra.

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions