CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 22 d'octòbre

Calandreta

Dijòus, 1.1.2015 03h00

Sosténer l’occitan es investir: una proposicion per avançar


Comentaris Un comentari    
Dolent Fluix Bo Molt bo Fabulós (8 vòtes)
carregant En cargament


Lenga e cultura occitans son dins una situacion marridassa e amb de perspectivas mai qu’inquietantas.
 
L’ensenhament es en grand perilh e avèm publicada una alarma un pauc argumentada sus la question: i tornarem que caldrà una mobilizacion.
 
Amb aquò la crisi economica trenca los budgets e nos dison de pertot que los mejans per l’occitan faràn ongan coma los autres (o mai!): van baissar! Una illustracion n’es que la quita creacion d’un important organisme novèl, l’OPLO, se farà sens ges de credits novèls...
 
La conclusion del rencontre del mes de març per parlar de l’interegionalitat es plan justa: demorar “a credits constants” val una condemnacion per l’occitan.
 
Cap al tancatge que se passa, avèm imaginat e prepausam un biais que permetriá a las collectivitats de s’engatjar mai per la lenga occitana maldespièch lo temps de crisi.
 
Lenga e cultura occitanas son patrimòni, de França bel primièr, qu’aquò es marcat dins la Constitucion. Son atanben de Patrimòni Immaterial, categoria novèla del patrimòni definida per l’UNESCO.
 
Alavetz devèm faire passar l’idèia, lo concèpte, que l’argent mes per ajudar l’occitan, estent qu’es per un patrimòni, es d’investiment.
 
De fach, assegurar l’avenidor del patrimòni immaterial demanda de mejans diferents que per las parets, muralhas e teulissas, aquela mena de patrimòni material e istoric.
 
Per diferentas que sián, las despensas per se’n entrevar, aquò es plan un investiment  pel patrimòni.
 
E lo patrimòni se marca dins los comptes de bilanç e pas dins aqueles del foncionar de cada jorn, lo compte dich “de resultats”.
 
Las accions se poirián causir e faire per mercats publics, coma pel demai de l’investiment, que los mercats publics passats per bastir de licèus o per petaçar de monuments son d’investiments per la collectivitat que o paga, mas per las entrepresas que menan las òbras, aquò ven de mejans pel fonccionar.
 
Aital, en cambiant de categoria una part importanta de l’argent per l’occitan, las collectivitats poirián recuperar de marge d’accion a favor de la lenga e de la cultura occitana, e bastir una basa vertadièra per una politica e d’aisinas lingüisticas per melhorar lo patrimòni del país.
 
Segur que totas las ajudas i tombarián pas, aquí dedins, mas se poiriá establir una avaloracion concertada (regions, deptartaments) per i metre aumens los budgets de las estructuras màgers.
 
Evidentament los comptables e administrators van cridar, dire qu’es pas possible, que s’es pas jamai fach, que las règlas l’an pas previst....
 
De segur. Mas amb aquel principi que çò que se fasiá pas abans se pòt jamai faire, la comptabilitat se fariá encara amb de bilhas e auriam pas la comptabilitat en partida dobla o la compabilitat analitica.
 
Nòstra proposicion es conceptualament justa. Mas li cal véncer las resisténcias e rencontrar una volontat per la faire dintrar dins las règlas. Aquò quièr, d’en primièr, un pauc de fòrça sociala per portar l’idèa e la sosténer.
 
Es l’interés màger del movement d’òc, qu’autrament dintrarem dins de perilhs dels grands.



Joan-Loís Blenet



publicitat
BANER1-2-3: DGPL TRADUCTOR



Comentaris

2 de genièr 11.03h

La comptabilitat publica diferís de la comerciala. Dins la comptabilitat de las entrepresas, marcar una sortida a l'investiment a al foncionament càmbia lo resultat e doncas l'imposicion. D'aquí un dels interesses de jogar amb los investiments.

Res d'aquò en comptabilitat publica. Del punt de vista de las possibilitats financièras d'una collectivitat publica, non fa pas cap de diferéncia d'inscriure una despensa a la seccion dels investiments coma de l'inscriure a la seccion del fonciona... Legir la seguida


Valora aquest comentari:   votar positiu 8   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Calandreta

Calandreta logo rss

Los establiments escolars Calandreta son d'escòlas ont l'ensenhament se fa en occitan de faiçon immersiva.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions