CAPÇALERA: IEA-AALO
CAPÇALERA2: Botiga

Jornalet, gaseta occitana d'informacions

Dissabte, 23 d'octòbre

Cedric Vergalh

Dimars, 10.11.2020 03h00

Manganas (XXV)


Comentaris Pas cap de comentari    
Dolent Fluix Bo Molt bo Fabulós
carregant En cargament


skitterphoto




— Mas èram a la fin del GAL, non?
 
— Òc. E a la debuta de l’impunitat per Carlos e son conhat e associat. Non solament dins aqueles afars de contra terrorisme mas tanben dins las loras activitats irregularas sus la Costa del Sol. Prostitucion, raubatòris, escrocariás... Per exemple, sabem que la gavidaira (e ex-proprietària) d’una saunà aviá reçaupudas d’unas “aimablas recomandacions” per part del clan de Bordèu per vendre son comèrci... que venguèt a amagar un centre de prostitucion secret. Quora la polícia de Màlaga inicièt una enquista, los servicis de Madrid li demandèron d’arrestar. E jamai foguèron pas pus inquietats.
 
— Tarrible! De qué venir tras que ric!
 
— Sus la Costa del sol Carlos montèt un empèri d’entrepresas immobiliàrias, restaurants, discotecas, clacas e locacion de veituras de luxe. Aviá un avocat qu’èra son òme de palha per dirigir sas entrepresas. Mas espèra!
 
En escambi de lors servicis presents e passats, Carlos e sos associats foguèron autorizats a organisar lo trafic a l’entorn de Marbella, nòva capitala europenca de la dròga. Un periòde d’impunitat totala pels manganas franceses e lo pairin vertadièr de la ciutat. Coma jamai foguèt pas constatada dins l’istòria: la policia espanhòla daissava descargar de tònas de cannabis vengut del Maròc qu’Andalosia es la pòrta d’intrada en Euròpa.
 
Marbella èra jos sa copa. Carlos e sos protegits realizèron lo sòmi de tot mangana: crear un territòri amb sas leis pròprias. Teniá ben la region en aparar totes los endreches o quasi per los quales lo monde venian sus la còsta: bars, bars a filhas, discotècas, restaurants... Los problèmas èran reglats sens que i aja pas jamai un còs per carrièra o dins un recanton. Desaparegut. Cande. Te ramenta endacòm mai?
 
— De segur...
 
- A partir de la fin de las annadas 80 los manganas venian totes en Espanha. Foguèt la debuta d’una parentèsi encantada pel mitan que revolucionèt l’importacion de cannabis en França ambe l’invencion del go fast. Dins las annadas 90, las condicions politicas èran reünidas per abeurar l’exagòn en narcotics. Amb aquesta ofèrta abondosa la venda al detalh venguèt aisida e una economia se desvolopèt, en particulièr dins las banlègas. Mas aquò es quicòm mai.
 
— E Carlos?
 
— Aquel òme de l’ombra, que ne demòra quitament pas una fotografia, finiguèt negat dins la piscina de son ostal de luxe.
 
— Nos anam arrestar: nos cal de gasolina e aimariai manjar un bocinon.
 
 
 
abonar los amics de Jornalet
 
 


 



publicitat
BANER1: Generalitat de catalunya



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Mai d'articles

Archius




D'autres articles


Jornalet, gaseta occitana d'informacions