Bandièra01 1180x150: Comuna de Tolosa

Opinion

Manganas (XXVII)

Bon. E aprèp? Lo K. sonariá El Jefe per li demandar de nos ajudar. El Jefe èra benlèu al fial que quicòm trucava? De tot biais se
 
quauqu’un ven querre lo K. sià:
 
1/ me creban
 
2/ me daissan endacòm per tornar a Bordèu
 
3/ me prenon amb eles per:
 
3.1/ qu’ El Jefe me crebe el meteis
 
3.2/ me cosinar per saber çò qu’ai dins lo cap. E puèi me crebar.
 
3.3/ que l’organizacion profieche de ma preséncia a Marbella per me demandar un servici. Enfin, per far una corsa o quicòm mai
 
Mai d’una probabilitat sus dos que siague la fin per ieu. Entendut que soi jogaire mas bon...
 
Me viri e vesi lo K. que ven cap a ieu, la cigareta al bec.
 
“ De qué fas, pichon? Voliás fugir e me daissar aquì tot solet?
 
— An raubada la 406.
 
— Eèè! Qual faguèt aquò?
 
— Ben sabi pas. Dos tipes. Los ai vistes. Ai corregut mas...
 
— Fotre! Vau sonar El Jefe. As un telefonilhet?
 
— Ten.
 
— Abans... I tenes a aquesta veitura? I a quicòm de saber? Es ligada a un afar?
 
— E ben...
 
— La cal tornar trapar còp sec o pas?
 
— I a una edicion originala d’”Accidents” totun! Amai dins la mala i a lo Z.”
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article