CAPÇALERA: IEA-AALO
CAPÇALERA2: Botiga

Jornalet, gaseta occitana d'informacions

Dimars, 26 d'octòbre

Cedric Vergalh

Dimars, 15.12.2020 03h00

Manganas (XXX)


Comentaris Pas cap de comentari    
Dolent Fluix Bo Molt bo Fabulós (1 vòte)
carregant En cargament


Eri a 140 sus l’autorota quora lo telefonilhet bronzinèt:
 

— Digatz!
 
— Lo K.?
 
— Non: lo K. es dins l’autra veitura. Sias El Jefe?
 
— Qual siás, tu?
 
— Qual se’n chauta? Soi digús.
 
— Diga, Digús: de qué se passa?
 
— Quauqu’un nos deu venir querre?
 
— Ja es partit.
 
— Bon. Anam sortir de l’autorota. Direccion la Serranía de Cuenca. Vos tendrai al fial.
 
— De qué se passa?
 
— Explicarai mai lèu.
 
Getèri lo ‘fòn sul sèti d’a costat e faguèri cluquejar lo lum. Darrièr lo K. faguèt parièr. Al luènh s’ausissián cantar las sirènas de la polícia.
 
Ara la rota èra pas que biscoètas sense fin. Lo Z. ne deviá rendre son vespralh. Pauròt, qu’aviá pas manjat dempuèi... lo dejunar: se deviá faire de bila.
 
Al cap d’un trentenat de quilomètres trapèrem una departamentala e lèu foguèrem dins una autra region, en Castilha.
 
Lo K. totjorn seguissiá. Passèrem una rota nacionala e foguèron pas que montanhas fins a la Serranía.
 
A son pè, a l’intrada d’un vilatge perdut, i aviá una pompa de gasolina, lo modèl 24/24 ont se pòt pagar amb la carta. Es çò que faguèri, emplenèri lo break e daissèri lo bec per tèrra. Avancèri e alara lo K. poguèt venir far lo plen a son torn.
 
Lo quitavi pas dels uèlhs dins lo retrò mentre que sonavi El Jef’:
 
— Digùs?
 
— Òc: soi ieu. Lèu seram a Cuenca. Prepausi un rescontre del costat de Valdepeñas.
 
— Mossur far de torisme, çò sembla.
 
— Ai fòrça viatjat en Espanha: coneissi un pauc...
 
— Bon. Ont es lo K.?
 
— Dins la veitura qu’una amiga me prestèt. Es un pauc complicat...
 
— Ai de temps. Un fum.
 
— Sem cadun dins una veitura, el coma t’ai dich e ieu dins un break raubat. Ambe lo Z. dins la mala.
 
— De qué es aquel Z. que lo K. me’n parlèt?
 
— Un polemista que s’amerita una leiçon.
 
— Perqué lo vòls menar fins a Marbella, fins a ieu? Aicí fasèm pas mai dins lo rescat dempuèi l’afar Nakache.
 
— De que’n fasèm alara?
 
— Bona question. Avètz quatre oras. Soi ieu que levarai las còpias.
 
— I anam.
 
— Vòli pas èsser mesclat a aqueste afar.
 
 
 
 
 
abonar los amics de Jornalet
 
 

 



publicitat
BANNER1 - IEO 09 divendres espaci occitan



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Mai d'articles

Archius




D'autres articles


Jornalet, gaseta occitana d'informacions