CAPÇALERA: IEO09-01
CAPÇALERA2: OPLO

Jornalet, gaseta occitana d'informacions

Dijòus, 1 de decembre

Cristina Barnier

Dimècres, 8.6.2022 03h00

Lo fial d’Ariana...Bilheran


Comentaris Un comentari    
Dolent Fluix Bo Molt bo Fabulós (6 vòtes)
carregant En cargament


AMaestrali / Wikimedia




Retorn sus mas legidas e visionatges de videòs, pendent la COVID... entre 2020 e 2022.

 
Ai descobèrt Ariane Bilheran dins lo film tant descridat que se sonava: Hold up, en 2020.
 
Qué que se ne pense d’aqueste film, Ariana me donèt enveja de legir sos libres.
 
Es una especialista que destricota e analisa amb seriós e competéncia, tot çò que se debanèt dins la nòstra societat, pendent la COVID 19, fins ara. S’apièja sovent suls ancians filosòfes de l’Antiquitat, e sul passat, per mièlhs esclairar lo present!
 
Ariana Bilheran es diplomada de l’escòla normala superiora, psicològa cliniciana, doctora en psicopatologia, e filosòfa. Especialista de la psicologia del poder, a fach de conferencias sus la paranoïa, l’empresa, lo secutament, la manipulacion e l’autoritat.


 













 
      Ai començat pel sol libre d’ela qu’èra dins la mediatèca de mon canton: Manipulacion. La reperar, se n’aparar. Editat en: 2013.
 
M’agradèt fòrça. M’esclairèt sus tot çò que se debanava dins los medias e cossi èrem manipulats.
 
Cal saupre que 6 Miliardaris possedisson en França, 90% dels medias. Dins lo mond es quasiment çò meteis. Doncas l’informacion dels medias es assujetida a lors financials.
 
Per trobar una informacion fisable, cal doncas ciblar los medias independents al nivèl financial, e de jornalistas que fan vertadièrament lor mestièr, e que sián pas assujetits a la Doxa.
 
Pendent tot lo confinhament, son acompanhament pels libres e videòs foguèt important per ieu. Pas a pas, nos dobrís los uelhs.
 
A editat tota mena de libres: los que nos fan de ben, dins los moments pesucs de la vida, e los que nos explican lo marrit foncionament de l’autoritat!
 
Lèu-lèu, me soi demandada quines èran los vertadièrs complotistes?
 


 

 
      Soyez solaire: Cossí èsser una personalitat solara, dardalhanta, e far lo ben a l’entorn de se. Aquestas personas an un solide poder sus elas e an pas besonh de lo practicar sus d’autres per se sentir existir. Podèm totes tornar venir mai solaris.

 

 
 

 
       Psychopathologie de l’autorité i: una interrogacion sus la legitimitat del poder sus se e suls autres, çò qu’es l’autoritat al mièg d’un grop, d’una institucion e sa foncion civilizatritz e umanisanta.

 

 
 
 



























 
      Psychopathologie de la paranoïa: “Folia raisonanta” tant que fascinanta, engimba un mond illusòri e exercís una empresa contagiosa.
 
Tre la debuta nos explicitèt lo foncionamet del regim totalitari que s’apièja sus las malautias mentalas:
 
— la paranòia que s’apièja sus la persecucion (cal trobar un enemic interior o exterior: foguèt lo virus, a la debuta; puèi lo non vaccinat,!) Dins aqueste deliri paranòiac, cal secutar l’enemic, perque es censat persecutir!
 
La terror e l’empatia son las dos motors d’aqueste foncionament.
 
Lo secutament es lo mejan per obténer dels individús çò que poirián pas donar sens que siagan secutats.
 
La psicòsis paronoiaca es lo deliri de persecucion. La mesfisança de totes contra totes!
 
L’individú es considerat coma un mejan, per obténer una finalitat, e doncas, deven possible de lo sacrificar! Amb en mai l’intencion de portar tòrt.
 
Mas alara, los complotistas vertadièrs serián los paranoiacs al poder?
 
L’agenda transumanista es pas jamai sortit del nazisme. Es la meteissa concepcion del mond.
 
— la perversion tòca tanben los que s’enriquisson sus las crisis.
 
E i a una contagion del deliri.
 
Intervencion d’Ariana sul Totalitarisme
 
 
 
Lo libre seguent:                 
 

 
   Se sentir en sécurité
 
Cossí se fargar un niu mofle, ont s’afortir, se centrar en sèu.
 
Es mai qu’important a l’ora d’ara e pel nòstre avnidor.
 

  





 
      Mon darrièr libre d’ela que legiguèri: le débat interdit/Lengatge, COVID e totalitarisme, escrich amb Vincent Pavan (matematician).
 
L’ataca de la lenga es una arma de destruccion massiva de totas las valors, al punt que l’òme renóncia pauc a chau pauc a son liure arbitri e a son umanitat.
 
La novèla utopia es tant deliranta que megalomaniaca: eradicar los virusses de la Tèrra per mièlhs protegir l’espècia umana dels dangièrs que la manaçarián!

 Ne’n parlan aquí totes dos:
 
 


***

 
E per acabar mon prepaus , nos devèm preparar:
 
Qualas son las principalas caracteristicas de las personas susceptiblas de participar activament al fenomèn totalitari?
 
Quales son los perfiles de las que son, al contrari , en mesura de li resistir?
 
 “Seuls 3 types de profils résistent au déferlement totalitaire
 
Sas responsas:
 

 


 
Per ne’n saupre mai, lo ligam de son siti: https://www.arianebilheran.com/
 
 
 
 
abonar los amics de Jornalet

 



publicitat
BANNER1 - OPLO erasmus



Comentaris

8 de junh 10.51h

Bèla internvencion. Quand legissi "M’agradèt fòrça. M’esclairèt sus tot çò que se debanava dins los medias e cossi èrem manipulats. Cal saupre que 6 Miliardaris possedisson en França, 90% dels medias. Dins lo mond es quasiment çò meteis. Doncas l’informacion dels medias es assujetida a lors financials.", non me pòdi empachar de pensar al nòstre Jornalet, que cap de miliardari non possedís pas !


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Cristina Barnier

Cristina Barnier logo rss

Cristina Barnier es regenta a la retirada. Menina de 3 felens, es reconvertida en contaira occitana, mas tanben fa de poèmas e haikus, d’aquarèlas, de poèmas afichas

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions