CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 23 de setembre

Dàvid Grosclaude

Dimècres, 27.5.2015 17h00

Que n’i a pro d’estar mespresats!


Comentaris 19 comentaris    
Dolent Fluix Bo Molt bo Fabulós (15 vòtes)
carregant En cargament


Los signes de mesprètz de las parts de l’Estat de cap a la lenga nosta que’s segueishen e que’s multiplican. Dab lo darrèr d’aqueths signes, lo pro qu’ei pro! Qu’èi decidit de miar ua accion e que demandi lo vòste sostien. Qu’ei ua accion en favor de la dignitat et de la legitimitat deu noste engatjament per la reconeishença de la lenga occitana.
 
Que m’installi aqueste dia, 27 de mai, a l’Ostau de Region de Bordèu, sièti deu Conselh Regionau d’Aquitània, e que i comenci ua grèva de la hami entà denonciar l’arrefús de l’Estat de dar ua seguida a un projècte votat per las duas assembladas d’Aquitània e de Miègjorn-Pirenèus. Lo vòte que’s hasó a l’unanimitat que harà lèu un an, en junh de 2014!
 
Entà estar operacionau, aqueth projècte que necessita la publicacion d’un decret au Jornau Oficiau. Que s’ageish de la creacion de l’Ofici Public de la Lenga Occitana (OPLO). Que serà un organisme interregionau destinat a promòver ua politica en favor de la lenga occitana. Que serà virat de faiçon clara de cap au desvolopament de la lenga. Que cau arrestar la baisha deu nombre de locutors e har tot çò qui cau entà qu’aqueth nombre posca créisher. L’accion de l’Ofici Public que serà virada en prioritat de cap a las joenas generacions.
 
Que las deliberacions de duas assembladas regionaus e sian tractadas dab aqueth mesprètz no’s pòt pas acceptar. Qu’ei ua faiçon de dar arguments a tots los qui pensan que la politica se resumeish a har promessas shens las tiéner. Que diseràn lavetz se las decisions presas non son pas aplicadas? Quan duas regions e prenen la decision de miar ua politica en favor de l’occitan, lenga miaçada de disparicion, l’Estat qu’ei absent mes tanben que hica entravas. Que’s compòrta atau sus d’autes dossièrs pertocant l’occitan; la lista qu’ei longa.
 
Aqueth blocatge de l’Estat centrau qu’ei permanent quan s’ageish de tractar las questions de las lengas ditas regionaus. Qu’ei lo cas uei lo dia dab la refòrma deu collègi. Quin serà l’ensenhament de l’occitan e en occitan doman? Lo perilh de’u véder a desaparéisher qu’ei evident.
 
Qu’estoi sollicitat en 2013 entà participar au tribalh d’ua comission creada per la ministra de la Cultura. Aquera comission qu’a audicionat detzenats de personas e que remetó un rapòrt. Que caló quate mes d’amassadas. Lo rapòrt publicat que hè proposicions concretas e de bon aplicar. Non i a pas avut nada seguida. Qu’ei moneda publica desperdiciada e ua manifestacion mei de mesprètz.
 
Que tieni a díser que, com elegit delegat, qu’èi tribalhat a aqueth projècte d’Ofici Public de la Lenga Occitana dab lo sostien sancèr de la Region Aquitània, que sia lo president e los servicis, e en ententa sancèra dab lo men collèga de Miègjorn-Pirenèus.
 
Mentre que lo mandat deus conselhs regionaus ei a s’acabar, que pensi d’aver comptes à rénder. Que hèi cap a las meas responsabilitats d’elegit e cadun que’s dèu acarar a las soas.
 
Que i a un vertadèr blocatge e deu men punt de vista qu’ei sustot mesprètz. La mea accion qu’a per mira d’entercalhar l’Estat e particularament los sons servicis centraus. Que cau acabar un còp a de bonas dab aqueth mesprètz.
 
Que coneishetz lo men engatjament en favor de la lenga; que compti dab lo vòste sostien.
 
Mercés a tots. 



publicitat
BANER1-2-3: DGPL DICTADES



Comentaris

29 de mai 10.29h

L'accion de David Grosclaude es d'una dignitat exemplaria.
Tot mon sosten e mon admiracion.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

28 de mai 19.28h

Car David Grosclaude

Lo Partit de la Nacion Occitana (P.N.O.) te pòrta tot lo seu sosten per aquesta accion coratjosa

Gèli Grande
Cò President del Partit de la Nacion Occitana


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

28 de mai 15.18h

Grand respèct a D. Grosclaude per aquela accion fòrta, importanta e determinada.
Tot lo mieu sosten.
Fòrça, coratge e que se saupe da pertot!


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

28 de mai 11.39h

#15 Coma o t'explicavi soi respectuó dels ancians e vòli pas brutlar las prioritats, demai amb lo trabalh es malaisit de far


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

28 de mai 11.34h

#12 Esparavi que sias volontari. O sias pas ? Soi decebut.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

28 de mai 10.40h

#13 Plan merces, pr'aquò iò soi brica occitanista, Vòli pas brutlar la prioritat al vièlhs es una question de respect....


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

28 de mai 10.29h

#12 Vos daissam la prioritat. I podètz anar antalya, Dàvid G. vos espera.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

28 de mai 09.31h

De se rementar la propausicion N° 56 demest las 60 de "s'èri president" ! Una messorga de mai !
Dins la realitat se pòt pas èsser socialista Francés e per las lengas minorizadas...Aqui coma enluòc mai lo jacobinisme ponchut fa rampèu als momentons de platussatje dins l'esquema de recercas de votz....!

Segur lo caldria sostener a-n-aqul òme..... esperavi que i auria agut un tolosenc, un marselhés, un lemozin, un auvernhàs , veèire un carcinòl e de segur gascon de mai per lo si... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

28 de mai 08.11h

L'opinion d'aqueu pichon pretencios de podempas es sens interés, e o serai encara escriguesse en biarnés, o sabesse far. Do'nt feed the troll.


Valora aquest comentari:   votar positiu 15   votar negatiu 0
Respondre comentari replica Comentari inadequat   Formulari d'abús de comentari

27 de mai 21.29h

Es un acte de valentia.
Espèri que l'estat francés rapidament serà sensible a aqueste gèste.

Coratge a Dàvid Grosclaude.


Valora aquest comentari:   votar positiu 15   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Dàvid Grosclaude

Dàvid Grosclaude logo rss

Jornalista e politician. Participèt a la creacion dels primièrs programas de France 3, Ràdio País e La Setmana entre d'autres. Es delegat a la politica lingüistica en favor de las lengas basca e occitània al Conselh Regional d’Aquitània.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions