CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Divendres, 19 de julh

Dàvid Grosclaude

Dimècres, 1.11.2017 03h00

E voletz tuar aquera esperança d’Euròpa qui avem au còr?


Comentaris 11 comentaris    
Dolent Fluix Bo Molt bo Fabulós (6 vòtes)
carregant En cargament


Que v’escrivi de Barcelona. Mes on soi? En Republica de Catalonha, au Reiaume d’Espanha? Taus uns que soi suu territòri de l’ua, taus autes que soi suu territòri de l’aute. Que soi en Euròpa, aquò segur! Mes l’Union Europèa que vien d’abandonar los catalans.

 
Catalonha”, ua Republica navèra en l’encastre de l’Union europèa. L’idea republicana que va au-delà de la d’Estat-nacion e que’ns deverem arregaudir que se desvolòpe en Euròpa. Per autant los caps d’Estats de l’Union qu’an reagit com s’estosse ua agression contra l’Euròpa. Qu’an avut lo reflèxe de protegir un sòci d’un club barrat.
 
Qu’arremarqui lo sostien de E. Macron qu’anè a Mariano Rajoy. Paradòxa! En la soa logica qu’averé devut sostiéner lo pòble espanhòu, o alavetz lo rei, lo cap de l’Estat d’un punt de vista constitucionau, qui ei lo son vertadèr equivalent. Mes un president de la Republica qui sostien un rei no’s hè lhèu pas?
 
Qu’arremarqui que Junker considèra l’Euròpa non seré pas de bon governar i avosse ua multiplicacion d’Estats. Estranh qu’ei, de la part d’un òmi qui estó prumèr ministre d’un Estat qui dab los sons 600 000 poblants representa mensh deu 10% de la populacion catalana. Non pensi pas que lo critèri numeric sia lo bon entà jutjar de la plaça de tau o tau en l’Union europèa. Mes en la logica de Junker, perqué non pas fusionar lo Gran Ducat en ua entitat mei grana entà facilitar la governabilitat de l’UE?
 
D’ua aute costat, abandonar — qu’ei lo mot— milions de ciutadans europèus acarats a un conflicte dab lo poder centrau d’un Estat n’ei pas de segur la via mei eficaça entà har l’Euròpa deus ciutadans. Mes n’ei pas, solide, çò qui interèssa Junker, Macron e d’autes mei.
 
Abandonar los catalans mentre que lo poder centrau avó l’idea de méter au pas los mèdias publics catalans, quitament se la sembla estremar peu moment, pròva que los caps d’Estats europèus que s’estiman mei deishar desvolopà’s en Euròpa ua ideologia inspirada de la politica deu vesin turc qui, eth, e govèrna en hicar a la preson los jornalistas. Quin pòden acceptar qu’ua tau idea agi espelit hens lo cap d’un responsable europèu shens gausar díser arren?
 
E voletz tuar l’Euròpa en barrar lo camin a ua organizacion diferenta de l’Union? Pr’amor au dia de uei non vedem pas a puntejar arren qui posca perméter de tornar aviar aquera Union europèa.
 
La via federau estosse la bona? Ua Euròpa federau respectuosa deus territòris estosse la solucion? Estosse necessària la creacion d’un Senat europèu on se trobarén a l’encòp representants deus Estats e de las regions europèas? Aqueth Senat e dispausèsse de poders a costat de l’indispensable Parlament europèu enfin dotat de poder decisius com aquò e deu estar en tota democracia?
 
Que seré ua Euròpa ingovernabla, çò disen! Mes, los Estats-Units e son ingovernables? Mes e la govèrnan l’Euròpa de uei? O meilèu la question qu’ei: quí essaja de la governar a la faiçon d’un club d’Estats de qui los mei petits non son pas mei considerats que son consideradas las reivindicacions deu pòble catalan?
 
Aqueth pòble, per la votz deu son govèrn democraticament elegit, en un messatge lançat peu president Puigdemont, qu’a demandat ajuda aus europèus. No’u responen pas o alavetz sonque dab mesprètz en disent que’u deishan sol fàcia a un govèrn centrau qui harà çò que volha, qui poderà har arrespectar un ordi constitucionau bastit sonque sus l’idea, lo dògma, que l’unitat de l’Estat espanhòl ei au dessús de tota demanda, quitament democraticament exprimida.
 
 
E voletz tuar l’Euròpa?
 
Que m’ac sembla, o meilèu qu’èi paur que v’estimetz mei d’empachar la soa evolucion pr’amor qu’ètz demorats blocats sus l’idea que l’Estat-nacion ei la sola via possibla. Mes lo monde que càmbia.
 
Non sabi pas se i cau véder ua ironia de l’Istòria quan Macron e torna dar lo son sostien a Rajoy de Guaiana estant? Quan vedem e audim quin l’Estat ei jutjat “mespresant” per uns habitants de de Guaiana que podem pagerar la distància que i a enter l’Euròpa e los son ciutadans, periferics o pas.
 
Qu’acabi d’entrar suu territòri de Catalonha au moment d’escríver aquestas linhas. Mes on soi? En Republica de Catalonha o au Reiaume d’Espanha qui acaba de decidir la dissolucion del parlament e del Govèrn de Catalonha?
 
Taus uns que soi suu territòri de l’ua, taus autes que soi suu territòri de l’aute; mes çò de segur qu’ei que soi en Euròpa, ençò deus vesins, qui parlan ua lenga sòr de la mea, qui an hèit la mustra d’ua maturitat politica qui deveré servir d’exemple a l’Union europèa. E totun l’Euròpa que plega, que’us abandona. E voletz vertadèrament tuar aquera esperança d’Euròpa qui avem au còr?
 
 
 


abonar los amics de Jornalet
 



publicitat
BANER1-2-3: DGPL TRADUCTOR



Comentaris

11 de novembre 16.13h

#9 EmonkükAquòsDePól ?


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

3 de novembre 20.24h

#9 Amb una tala Europa l'Oksitanlaştıramadıklarımızdanmısınız nos faria creire que Turquia es inocènta del genocidi armenian !


Valora aquest comentari:   votar positiu 20   votar negatiu 0
Respondre comentari replica Comentari inadequat   Formulari d'abús de comentari

3 de novembre 08.35h

#8 Mailèu que de far de suspechas e jos entenduts de sèrp aluserpida te rementi que:

1- Truquia : En fransa, país de la liure opinion e de las idèias, i a una lei que te dits çò que te cal pensar e de còps que saria pas de ton vejaire sarias condemnat a una esmeda pesugassa.. Me confòrmi a las leis del país que ne soi l’estatjant per ara. Ai ren de ren a te far crèire, la lei sufís !

2 Euròpa, aqui tanben mailèu que de fa jos entenduts, de demandi d’averigar çò qu’... Legir la seguida


Valora aquest comentari:   votar positiu 2   votar negatiu 18
Respondre comentari replica Comentari inadequat   Formulari d'abús de comentari

2 de novembre 18.40h

#7 Amb una tala Europa l'Oksitanlaştıramadıklarımızdanmısınız nos faria creire que Turquia es inocènta del genocidi armenian !


Valora aquest comentari:   votar positiu 23   votar negatiu 0
Respondre comentari replica Comentari inadequat   Formulari d'abús de comentari

2 de novembre 09.52h

E ara un pivhon jòc :
De qual fugèc lo primier president de la comission europenca ?

Fuguèc Walter Hallstein president de la comission europence de 1958 fins a 1967.

E de qual èra aquel d'aqui ?

Era un avocat nazi qu'es el qu'es establguèc lo protòcòl dentre Mussolini e Hitler. Fuguèc presonier de guerra en junh de 1944 entà cherborg. Mandat als usa fuguèc en preson entà USA al « camp Coma » dins Mississipi.
Reciclat pels americans, Walter Hallstein dintra al govèrn d’Aleman... Legir la seguida


Valora aquest comentari:   votar positiu 5   votar negatiu 18
Respondre comentari replica Comentari inadequat   Formulari d'abús de comentari

2 de novembre 09.21h

Lo contengut d'aqueste comentari es ocult perque es estat considerat inadeqüat pels legeires de Jornalet
Mostra'l


Valora aquest comentari:   votar positiu 0   votar negatiu 21
Respondre comentari replica Comentari inadequat   Formulari d'abús de comentari

2 de novembre 07.47h

Nihil novi sub sole. Lo valat qu'i a entre çò que ditz Europa d'èla e çò qu'es vertadièrament es idem qu'aquel entre çò que ditz Franca d'èla e çò qu'es vertadièrament o çò que ditz America d'èla e çò qu'es vertadièrament . Cal pas èsser ninòi, lor tòca unenca es de defendre e far fruchar los interesses dels dominants e de jogar "los fòrts contra los febles e los rics contra los paures." L'astucia es de far creire l'exacte contrari coma l'an plan explicat e desmaquinat ... Legir la seguida


Valora aquest comentari:   votar positiu 21   votar negatiu 3
Respondre comentari replica Comentari inadequat   Formulari d'abús de comentari

1 de novembre 17.09h

— E voletz tuar l’Euròpa ? Que m’ac sembla…
— E ben òc, paruòt. De la vòstra esperança, ne nos fotèm cap e tot ! Esperam solament defendre los fòrts contra los febles e los rics, contra los paures. Sèm de dreita e avèm pas lo dreit d'èsser d'esquèrra, estant qu'es de dreita la quita constitucion europèa que non se pòt mai discutir… La messa es dita.


Valora aquest comentari:   votar positiu 23   votar negatiu 0
Respondre comentari replica Comentari inadequat   Formulari d'abús de comentari

1 de novembre 11.15h

S'i a quauqu'a ren a far quo es ben de tuar aquela Union Europeeena qu'es sos la dominacion de l'argent. L'argent contre las idéias, qui ganha? Las idéias son fachas per l'argent perque l'argent a lo poder d'impausar las idéias dominantas e marginalisar las idéias que li convenan pas. L'argent a la possibilitat d'achaptar tots los medias.

Bastir l'Europe sur de las eurosregions m'es demorat en travers. Quò a permis de divisar l'Occitania en tres o quatre partidas pus rivalas las unas q... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

1 de novembre 10.53h

L'UE es una geopolitica de mercat, amb de mits fondators.

Espèri la contradiccion...


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Dàvid Grosclaude

Dàvid Grosclaude logo rss

Jornalista e politician. Participèt a la creacion dels primièrs programas de France 3, Ràdio País e La Setmana entre d'autres. Es delegat a la politica lingüistica en favor de las lengas basca e occitània al Conselh Regional d’Aquitània.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions