CAPÇALERA: IEO09-01
CAPÇALERA2: Botiga

Jornalet, gaseta occitana d'informacions

Divendres, 2 de decembre

Dàvid Grosclaude

Dimècres, 10.3.2021 03h15

Eurodeputats! Quina Euròpa volètz?


Comentaris 7 comentaris    
Dolent Fluix Bo Molt bo Fabulós (23 vòtes)
carregant En cargament


Urós d’aver rencontrat a Carles Puigdemont au nom deu Partit Occitan e de l’aver dit lo sostien noste




La majoritat dels eurodeputats an votat en favor de retirar l’immunitat parlamentària de tres deputats catalans (404 contra 247). Los tres (Toní Comin, Carles Puigdemont e Clara Ponsatí) son acusats per l’Estat espanhòl d’aver participat de faiçon absoludament pacifica a l’organizacion d’un referèndum sus l’independéncia de Catalonha! Que sigó en 2017.

 
Tres eurodeputats que contèstan l’ordi actual dels Estats Nacions en Euròpa son donc condamnats e riscan d’èstre mandats entre las mans de jutges espanhòls.
 
Èran pas pro europeïstas? Non! N’èran tròp? Benlèu!
 
Explicatz-me, vosautres eurodeputats coma podètz justificar vòstra posicion? Sètz los aparaires de l’idèa europèa? Alara perqué vos metre al servici d’un Estat qu’a sabut sonque enviar la polícia per respondre a una volontat democratica?
 
Explicatz me perqué obritz la pòrta a la condamnacion de tres de vòstres collègas qu’an obrat en favor d’una consultacion democratica. La volontat d’inependéncia, qu’es l’afar dels catalans e sonque, ni la vòstra ni la meuna, foguèt confirmada dins las urnas fa tres setmanas. Ma preocupacion coma ciutadan europèu es la democracia e sonque. E la vòstra, coma eurodeputats, quala es?
 
E vos, acceptatz de liurar als jutges (disi pas a la Justícia) espanhòls aqueles tres eurodeputats? Mas quina Euròpa volètz? Me demandi se volètz una Euròpa?
 
Finalament es aquò la question? E la segonda question que ven es: es que volètz vertadièrament la democracia? Pr’amor aqueles tres deputats que condamnatz son estats elegits coma vosautres, amb la meteissa legitimitat.
 
Alavetz que volètz?
 
 
 
 
David Grosclaude
Partit Occitan Vice-president de l’ALE
david-grosclaude.com
 
 
Cal senhalar qu’èra un vòta dab bulletin secret. Lo Grop d’eurodeputats qui compta los de mon partit l’Aliança Libra Europèa amb los Verds (ALE –Verds) a fait saber que votava unanimament contra lo fait de retirar l’immunitat
 
 
 
abonar los amics de Jornalet
 
 

 
 



publicitat
BANNER1 - OPLO erasmus



Comentaris

10 de març 23.41h

#6 La confusion es estada establida tre las primièras votacions d'integracion a Euròpa economica : nos vendián Euròpa coma un ideal democratic e, tant val dire, maçonic, d'entrajuda mutuala dels pòbles cap a d'ideals de patz, de democracia e tot lo sant fum. Aquelas idèas, si qu'una majoritat de ciutadans — dins çò que nos apèlan França, al mens — las sostenon. Mas aquò èra lo messatge publicitari, e que non aviá cap de valor contractuala. La "concurréncia liura e non-falsad... Legir la seguida


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

10 de març 14.18h

Al prim, tot s'es apevat sus mantuns maltenduts.
Europa es estada fabregada pels banquiers internaconals jos l'aflat e lo prodèl dels estatunids, l'amira finala es de s'aprosmar del model american a totis los nivels politics, econòmics, culturals, d'èsser un espanci de consum per de merças fabregadas dins d'autres país, frança a perdut 50% de nòstra industria que representa sonque 10% del PIB, enant èra 20%, mentre Alemanha a poscut mantener e aumentar sa part industria qu'es ara a 23 ... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

10 de març 13.41h

#4 Qu'avetz rason, que pensi que la desaubediéncia a la lei ei ua bona causa quan permet de har avançar las valors democraticas: ei aquò qui'vs desranja ? Per contra, n'èi pas dit que ne i aja pas exemples on la lei empara la democracia, ni que la desaubediéncia a la lei estosse en si ua bona causa. Que deveretz apréner miélher lo gascon, o la pensada logica.


Valora aquest comentari:   votar positiu 1   votar negatiu 9
Respondre comentari replica Comentari inadequat   Formulari d'abús de comentari

10 de març 12.09h

#3 Qu'ac con.honetz tot, gojat! Qu'ei un abracat ninòi de qui hètz aquiu (com sovent d'aulhors). Que voletz cambiar la lei sonque quan ne va pas en lo sens de las vòstas conviccions! Perqué har un parallèla dab Rosa Parks sonque???? Ne pensatz pas qui ajan exemples en los quaus la lei e sauva la democracia??


Valora aquest comentari:   votar positiu 9   votar negatiu 5
Respondre comentari replica Comentari inadequat   Formulari d'abús de comentari

10 de març 11.11h

#1 Qu’auretz devut díser aquò a Rosa Parks.


Valora aquest comentari:   votar positiu 9   votar negatiu 10
Respondre comentari replica Comentari inadequat   Formulari d'abús de comentari

10 de març 10.15h

#1 Segon la lei, vos parlatz que francés, sénher. La constitucion francesa o ditz pro clar qu'en França i a qu'una lenga. Es la lei. Punt


Valora aquest comentari:   votar positiu 9   votar negatiu 5
Respondre comentari replica Comentari inadequat   Formulari d'abús de comentari

10 de març 06.11h

Que i a leis, que las cau arrespectar totun! Ne'ns podem pas organizar atau un referèndum, ne marcha pas com aquò! La lei qu'ei la lei, punt.


Valora aquest comentari:   votar positiu 9   votar negatiu 16
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Dàvid Grosclaude

Dàvid Grosclaude logo rss

Jornalista e politician. Participèt a la creacion dels primièrs programas de France 3, Ràdio País e La Setmana entre d'autres. Es delegat a la politica lingüistica en favor de las lengas basca e occitània al Conselh Regional d’Aquitània.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions