CAPÇALERA: IEO09-01
CAPÇALERA2: Botiga

Jornalet, gaseta occitana d'informacions

Divendres, 2 de decembre

Dàvid Grosclaude

Dimars, 15.3.2022 03h00

Corsega: perqué an esperat tant de temps?


Comentaris 5 comentaris    
Dolent Fluix Bo Molt bo Fabulós (11 vòtes)
carregant En cargament





Comunicat del Partit Occitan 
 
Çò que se passa a prepaus de Corsega sembla fòrça un biais d’encoratjar la violéncia. Es de non pas comprendre en Republica. 
 
Fa d’annadas que los partits nacionalistas ganhan las eleccions, que son majoritaris a l’Assemblada de Corsega e que presidisson l’executiu còrse.
 
Fa d’annadas que lo poder central parisenc refusa de dialogar amb los representants elegits del pòble còrse sus la question de l’autonomia. 
 
Es sonque en seguida de nueits e de jorns de manifestacions fòrça violentas que lo poder executiu francés pren, enfin, la decision de metre sus la taula las questions que son pausadas dempuèi d’annadas pels elegits còrses. S’agís plan d’un biais d’encoratjar la violéncia coma arma politica pr’amor las vias democraticas classicas foncionan pas. Sèm dins lo domèni de la provocacion. 
 
Aquò es vertat per las discussions sus l’estatut de l’isla coma es vertat per las discussions pertocant l’estatut dels prisonièrs còrses, que lo retorn dins una preson còrsa es demandat fa fòrça temps. 
 
L’incapacitat del poder central que per tractar amb serenitat de tèmas que preocupan las populacions es inquietanta. Es la manifestacion d’una flaquesa democratica, particularament sensibla dins los domènis que son la descentralizacion del poder e la reconeissença de las identitats culturalas e lingüisticas. 
 
Que la violéncia siá l’unica faiçon de se poder far ausir del poder central mòstra plan coma una administracion centrala, esclerozada, condescendenta, auturosa pòt èstre mespresanta.
 
Que los responsables politics practiquen aquel jòc nos pòrtan una pròva de mai que lo centralisme es un perilh per la democracia e la patz sociala. 
 
 
 
abonar los amics de Jornalet

 



 



publicitat
BANNER1 - OPLO erasmus



Comentaris

15 de març 11.38h

E Jacqueline Gourault, que foguèt un temps cargada de las negociacions amb los elegits còrses, es ara nomenada al Conselh Constitucional... segurament per recompensar sa vision iperjacobina que mancarà pas de guidar sas interpretacions de la constitucion.


Valora aquest comentari:   votar positiu 13   votar negatiu 0
Respondre comentari replica Comentari inadequat   Formulari d'abús de comentari

15 de març 10.11h

#1 Mossur Lachaud, podriatz eschivar de far tant d'errors de linga? Vòstra pròsa es pas 'cepte compréner. Que vòu dire "Libertat escricha ton nom" ? Voletz dire "Libertat, escrisse ton nom" ? E "qualque sian" ? Vòu dire "quals que sián" ? "cantat libertat" ? vòu dire "chantar libertat" ? Un pit'esfòrç, mercés (e vesetz, sei pas per tant un "aiatolà" de la linga puei qu'use de fòrmas non normalo-normalizadas).


Valora aquest comentari:   votar positiu 10   votar negatiu 2
Respondre comentari replica Comentari inadequat   Formulari d'abús de comentari

15 de març 08.24h

#2

Son 55 etnias en China e i son gaireben tantas lengas.

https://www.axl.cefan.ulaval.ca/asie/chine-ethnies.htm


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

15 de març 08.10h

Fa d’annadas que lo poder central parisian refusa de dialogar amb los representants elegits del pòble còrs, per amor que fa d'annadas (230 ?) que lo poder parisian, necessàriament centralista, es tanben autoritarista e que se chauta ben pro, en realitat, de la volontat del pòble, pièger encara dels pòbles !

Assumir o non las lengas e culturas d'un espaci donat, (aquí, França), aquò es un indicator particularament revelador del gra de "democratisme real e efectiu" d'un poder, quin q... Legir la seguida


Valora aquest comentari:   votar positiu 10   votar negatiu 4
Respondre comentari replica Comentari inadequat   Formulari d'abús de comentari

15 de març 07.56h

Lo peril pêr la democracia e la patz social es pas lo centralisme. Es lo poder qu'obeit a un cartel farmacò-financier e que tolera pas daus Estats- qualque sian , cors, frances, russe, irakien o libian o autre que volan far una economia autonoma.
Z'ai dich, zo tornarai dire que qu'ò es lo fonds dau problem. Paubre esquerra francesa o occitana que n'a ren a dire si quò es nonmas d'acusar lo centralisme.
Dictatura escricha ton nom, que si zo fasia pas porria pas cantat libertat.


Valora aquest comentari:   votar positiu 6   votar negatiu 11
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Dàvid Grosclaude

Dàvid Grosclaude logo rss

Jornalista e politician. Participèt a la creacion dels primièrs programas de France 3, Ràdio País e La Setmana entre d'autres. Es delegat a la politica lingüistica en favor de las lengas basca e occitània al Conselh Regional d’Aquitània.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions