CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Diluns, 20 de novembre

Dàvid Grosclaude

Dimècres, 18.10.2017 03h00

E l’Euròpa que ditz? Que deu parlar!


Comentaris 15 comentaris    
Dolent Fluix Bo Molt bo Fabulós (11 vòtes)
carregant En cargament


Quau que sia la nosta opinion sus la question de l’independéncia non podem pas deishar shens reaccion un govèrn d’Euròpa méter en preson personas per un delicte qui ei prumèr un delicte d’opinion. De tota faiçon l’empresonament d’aqueras duas personas no’s pòt pas justificar. Lo perilh qui representarén los dus presidents n’existeish pas, o alavetz sonque deu punt de vista d’aqueths qui vòlen empachar la difusion d’un messatge qui, solide, non correspon pas a la letra de la constitucion espanhòla, mes qui n’ei pas un messatge qui crida a la violéncia.
 
Jordi Sànchez e Jordi Cuixart que son los presidents de l’Omnium Cultural e de l’Assemblea Nacional Catalana. Que son duas organizacions ciutadanas hòrt importantas. Que son acusats de “sedicion” entà aver organizat manifestacions autanlèu lo 21 de seteme mentre que la polícia arrestava responsables catalans entà essajar d’empachar lo referèndum deu 1èr d’octobre.
 
Los dus presidents non son pas poduts sortir libres aqueste diluns de l’Audiéncia Nacional e son estats enviats dirèctament en preson. La “sedicion” de qui son acusats que sembla sustot un pretèxte entà méter hòra-jòc duas personalitats qui son estadas en capacitat de mobilizar centenats de milierats de personas en mantuas manifestacions. Que sembla tanben un pretèxte entà méter hòra-jòc duas personas qui an pres posicions clarament independentistas. Que prengón la paraula lo ser deu referèndum sus la plaça de Catalonha entà díser que volèvan la Republica catalana. Que i estón aplaudits per milierats de personas. N’èi pas entenut ua sola paraula qui aperava a la revòlta o a quauque susmauta violenta.
 
Vertat ei qu’an evocat la creacion de la Republica catalana e qu’an confirmat atau la lors posicions independentistas. E alavetz? Ei aquò ua rason entà’us enviar en preson? Non, que s’ageish d’ua opinion.
 
Aquera decision de la justícia espanhòla qu’ei un messatge hòrt inquitetant per las libertats en Euròpa. Non i avó pas nada violéncia en las manifestacions organizadas per aqueras duas entitats qui representan los dus òmis. Los centenats de milierats de catalans qui son devarats per carrèras au moment quan l’ANC e Omnium Cultural aperavan a manifestar que i son anadas librament, shens que i estossen obligadas o constrenhtas. Que son donc centenats de milierats de sediciós qui cau jutjar e méter en preson.
 
L’Union europèa que deu reagir.
 
Se l’UE non hè pas arren centenats de milierats de catalans que perderàn tota fe en aquera Euròpa qui s’ei bastida sus granas esparanças e suus grans principis qui son los de l’unitat dens la diversitat, de la libertat de pensar e de parlar. Se l’UE non ditz pas arren que son centenats de ciutadans de Catalonha e d’endacòm mei qui consideraràn que los grans principis aficats per l’Euròpa non son pas arren mei que “papèr molhat”.
 
 


abonar los amics de Jornalet
 



publicitat



Comentaris

23 d'octòbre 18.26h

#10 En tot contestar a E Passa Que T Ai Vist Lo Clapàs (Montpelhièr):
Àges pas pòur, es catalans non n'àuem!!!


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

20 d'octòbre 22.24h

#13 Aquesta remarca que s'adreçava tà D. Grosclaude.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

20 d'octòbre 22.23h

#12 Atencion. "L'Euròpa" qu'ei un òrre gallicisme. Que'vs caleré díser meilèu "Euròpa".


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

19 d'octòbre 23.13h

Francament, ne m’a pas calut aténer los eveniments recents en Catalonha entà aver dobtes. Quan se debana ua experiença d’esquèrra en Grècia, lo país qu’ei hicat de jolhs. Quan ua politica de dreta dura e musclada e s’aplica en Polonha, Ongría o aute aquiu l’Euròpa que vad ineficaça. Que’n va parièr de l’independentisme com deu socialisme qu’as lo dret de militar entà l’un o l’aute mes qu’ei defenut d’anar mei luenh.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

19 d'octòbre 22.22h

#10 "Ne sèm a la debuta".
E òc! Ailàs! Perqué lo recors à l'article 155 e leis eleccions "liuras" enebidas ais independentistas provocaran una responsa fòrta dei Catalans, mai parierament en País Basc e en Galícia.
En País Basc, apareisse coma una evidéncia tragica que consideraran qu'aver depausat leis armas (solucion rasonabla e democratica dins un país civilisat) lei mena en degun luèc fàcia à un Estat parier!
Sensa parlar de Corsega, que se lo govèrn francés prèn exemple so... Legir la seguida


Valora aquest comentari:   votar positiu 16   votar negatiu 0
Respondre comentari replica Comentari inadequat   Formulari d'abús de comentari

19 d'octòbre 20.58h

Fa un trentenat d'annadas, i-avia al nòstre l'esperança granda que gràcia a L’Union europèa seria possible d'escapar a l'emprèsa dau centralisma parisenc. E que las nacions sens estats, desliuras dels ligams impausats per las guèrras dels reis fòls e dels emperaires sagnoses , anavan enfin poder espelir. E renosar de ligams frairenals de part e d'autre d'autant de montanhas enfin abaissadas. A cha pauc sem anats de decepcions en desillusions, en constatant amb amargança qu'aquela UE ... Legir la seguida


Valora aquest comentari:   votar positiu 19   votar negatiu 0
Respondre comentari replica Comentari inadequat   Formulari d'abús de comentari

19 d'octòbre 19.51h

#3 Tè lo troll del Turcàs Erdogan qu'es tornat !!!


Valora aquest comentari:   votar positiu 15   votar negatiu 0
Respondre comentari replica Comentari inadequat   Formulari d'abús de comentari

19 d'octòbre 14.47h

#4 E ficar de ciutadans non-violents en preison per delicte d'opinion, maximalista, o es pas ?


Valora aquest comentari:   votar positiu 9   votar negatiu 0
Respondre comentari replica Comentari inadequat   Formulari d'abús de comentari

19 d'octòbre 14.47h

#4 E Rajoy, Macron e Junker que refusan obstinadament als pobles los dreit de dispausar l'eles meteisses, maximalistas, o son pas ?


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

19 d'octòbre 14.45h

#4 Romantics e maximalistas, los Catalans ? Si qu'o son, coma lo primièr qu'afortiguèt davant la gleisa catolica que la tèrra èra redonda e pas al centre del mond ? Benlèu èra solet per o far saber a la gleisa ; mas li empachèt pas d'aver rason.


Valora aquest comentari:   votar positiu 12   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Dàvid Grosclaude

Dàvid Grosclaude logo rss

Jornalista e politician. Participèt a la creacion dels primièrs programas de France 3, Ràdio País e La Setmana entre d'autres. Es delegat a la politica lingüistica en favor de las lengas basca e occitània al Conselh Regional d’Aquitània.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions