CAPÇALERA: Generalitat de Catalunya
CAPÇALERA2: Botiga

Jornalet, gaseta occitana d'informacions

Dissabte, 23 d'octòbre

En d'Aquòs

Dimenge, 27.8.2017 03h00

La legenda de Bassacamba


Comentaris 2 comentaris    
Dolent Fluix Bo Molt bo Fabulós (7 vòtes)
carregant En cargament


Bassacamba o Baishacama en gascon, le luòc-dit, auèi es le terminal gascon del mètro A de Tolosa, que passa jos Garòna, e mai una zòna d’activitats
© Traumrune




Etiquetas
badinadas, bassacamba, en daquòs

Un còp èra un gus, qu’aviá arrestat de grandir tot jóven e s’apelava Bassacamba. Quand venguèt l’ora que se perdèssa l’innocéncia, i aviá pas diguna dròlla al ròdol de talha corta per el, e que n’aviá plan son confle de tot aquò.
 
De passatge per aquí, aquel tròtagarça de pelharòt tolosenc l’aconselhèt de s’anar desgordir en vila al comèrci coquin.
 
Un jorn qu’aquò le prusiá mai que de costuma e pron làs del tòca-solet, Bassacamba se sapèt, se prenguèt le petafum e s’en anguèt de trica ferma cap a Tolosa, traversèt le barri Sant-Çubran, passèt Garòna e arribèt a la carrièra de la gara Matabuòu, en arpentèt le trepador tot de long se cercant una brava poleta de las pitchonas.
 
Se sarrèt d’una galanta, l’acostèt en li tiralhant la jupeta.
 

— E-ben ramponet! qué vòls?
 
— E-ben, montar!
 
— E badinas?, mistoflet, i ès pas!
 
— Que-òc! Que m’en veni a borsas plenas! De sòuses, tenètz aquí!
 
— E-òc! gorrinet. Aquò rai per una passeta, montarem pas, farem la braceta..., de-dreit dins le corredor...t’en fasques pas! çò-diguèt, manièra...
 
La filha sens trigar, le desbragueta, se regussa, e un genolh replegat, s’apuèja esquina a la paret, le lèva e se le ten a bel braçat...
 
Alavètz començèt, cara a cara, a palpas, le mònta-davala preliminar:
 
— Tròp naut
 
— Tròp bas
 
— Tròp naut
 
— Tròp bas
 
— Tròp tard ... e flac...
 
— E-ben, cortet! O me fas a desconons e desbandada! E amb aquò, romègas, tu colhonet! E vòls en mai petar pus naut que ton cuòl?
 
E sens s’atardar mai, la garça le larguèt, e le Bassacamba s’en tornèt trica bassa en tot maldisent totas las putas de la tèrra...
 
Bassacamba o Baishacama en gascon, le luòc-dit, auèi es le terminal gascon del mètro A de Tolosa, que passa jos Garòna, e mai una zòna d’activitats.
 
Braves usatgièrs, en legint “Basso Cambo” (que s’escriu atal) o en l’ausint del pòrta-votz, remembrats-vos la colhonada del paure Bassacamba...
 
 
 
 


abonar los amics de Jornalet
 



publicitat
BANNER1 - IEO 09 divendres espaci occitan



Comentaris

27 d'agost 11.38h

#1 juste! Ai trentalhat amb desquilhada...


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

27 d'agost 10.32h

Polida istòria! Fa plaser de sortir de còp en còp- emai se n'avèm besonh- dels debats sens fin sus la linguistica, eca....
A, si, çaquelà, una remarca de vocabulari; en çò meu, se ditz pas" bandar" mas "quilhar".
"Se i arribas pas, te cal beure de quilhandrina!" ( quicòm que te farà tornar quilhar, se pòt dire per galejar)
Tot aquò per lançar la crida del besonh qu'avèm al pus lèu d'un diccionari calhòl normalisat pluricentric. Cercaires, saberuts, al trabalh!


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

En d'Aquòs

En d'Aquòs logo rss

Mestre trufandièr e blagotecari; ara retirat prèp de Tolosa.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions