CAPÇALERA: IEA-AALO
CAPÇALERA2: OPLO

Jornalet, gaseta occitana d'informacions

Divendres, 2 de decembre

Eric Astié

Dimècres, 11.3.2015 03h00

Comuniqui donc soi


Comentaris 6 comentaris    
Dolent Fluix Bo Molt bo Fabulós (7 vòtes)
carregant En cargament


Çò qu’auriá poscut dire René Descartes al jorn de uèi o encara André Malraux amb un “Lo sègle XXI serà comunicatiu o non serà”.
 
Comunicar, del latin communicare = èstre en relacion amb qualqu’un, es vengut un dels retintons existencials de totòm sul planeta. Un afar que tòrna donc pro sovent. L’aventura aviá començat en çò nòstre a la fin de las annadas 60, amb l’emission Les dossiers de l’écran. L’animator Alain Jérome aprèp un generic musical pro angoissós, presentava lo tèma de la serada, illustrat per un film e debatut en dirècte per una tièra d’especialistas convidats a-n-aquela escasença. Los espectators podián far part de lors questions e interrogacions pel biais de l’estandard, çò que n’èra pas ganhat a una epòca de pauca implantacion telefonica. Mas quina glòria de passar a la tele de París, quitament per l’intermediari d’una estandardista! Lo rendètz-vos se debanava dos còps per mes e durèt fins al 6 d’agost de 1991.
 
Apuèi, las ràdios se metèron a sollicitar los auditors, lo malhum telefonic se faguèt general, a mesura que un: “E mai que mai, sonatz-nos per nos balhar vòstre vejaire!” ritmava totas las emissions de la banda FM. Internet teissiguèt sa telaranha e la comunicacion sistematizada nos integrèt a de bon lo quotidian.
 
Levat que, a l’ora d’ara, s’agís pro de pollucion ont cercam lo sen, l’aubir, la competéncia o pus mal l’intelligéncia. D’intervencions de tota traca, gisclan en continú, a la tele, sus las ràdios e solide sus Internet. Existís en gascon lo vèrb jorgejar que se pòt revirar atal: jorgegi = per çò qu’es meu ieu pensi que, conjugable a totas las personas (!). Se i apondèm una fièra dels bramassaires, obtenèm un espectacle de sembla-escambis ont lo “Ieu ai rason e tu desparlas” senhoreja. Un abonde de comunicaires regnan suls sitis e forums. I van de reflexions, comentaris, jutjaments e a còps fions, que l’ecran balha de nhac. Se las intervencions pertinentas non mancan, pro sovent aquel monde autoproclamats de referéncia, s’autrejan foncions, competéncias, especialitats e lo vèrb comunicar per tot son sens. Al lòc d’apréner e de progressar amassas vivèm un trist flus de paraulas voidas, bregairas, estèrlas…
 
Comuniqui donc soi, e quora l’internauta es anonime, aquel d’aquí n’a tanta bravariá. Un chafre ben causit te me li balha coratge e impunitat. Sufís, per exemple, de legir, las colonas del Jornalet.
 
Vejam çò positiu e considerem los biaisses de far constructius. Los internautas que sèm participam a la bastison de tot projècte de la societat nòstra. Privilegiam l’escambi a l’orientala respècte al duèl a l’occidentala. Non oblidam que los sòus son los nèrvis de la guèrra (sens jòc de paraulas) e pagam regularament l’escotisson indispensabla, als Amics del Jornalet perqué pas (que lo benevolat non paga e que 70 sòcis’quò fa magrestin). Aprèp, nos podèm melhorar en comunicacion gràcia a de filosofias autras:
 

— Els quatre acords toltècas de M. Ruiz,
— La profecia del Andes de J. Redfield,
— la sofrologia = estudi de l’equilibri de la consciéncia
— lo bodisme
etc. (los libres citats en catalan non son encara revirats a l’occitan).
 
Comuniqui donc sèm.



publicitat
BANNER1 - OPLO erasmus



Comentaris

13 de març 10.03h

#5

De consent coma te, la sola via que coneisse es la dau mitan, e vòle pas purir lu fiau d'un bilhet que nos ditz de nos encontrar dins la vertadiera vita e daissar los « utilhs » numeriques.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

12 de març 23.25h

Oèi, afen, sei mesfiós me-mesma, mas me sembla quauqu'un pauc 'cepte tot fotre 'lai en jurar mas per la sciéncia dura. Me sembla 'n'autra entraupa etnocentrada e "presento-centrada". Segur que n'i a que profiechan de la credulitat daus autres mas crese pas que se pueschan disqualifiar totas las practicas d'un mesme 'lanç sens l'i 'nar veire de pus près. Los sceptiques que citas me fan l'efiech d'iperracionalistas que refusan tot çò que lor sembla pas e s'embarran dins 'na nuvela forma de... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

12 de març 08.50h

#3
De bon legir : Le New Age : son histoire, ses pratiques, ses arnaques, R. Marhic et E. Besnier, 1999, éd. Le Castor Astral.


Per alhor sus la tiala :
http://www.sceptiques.qc.ca/ressources/revue/articles/qs25p31


[...]
Ce qui m'amène à dire que nous jouons à la loto-santé lorsque nous décidons de recourir aux thérapies alternatives qui peuvent utiliser l'un ou l'autre des titres suivants : aimantothérapie, auriculothérapie, bioénergie, magnétothérapie, catharsis, champs magn... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

12 de març 05.18h

Filosofia = l'amor de la saviesa. Tot ço qu'ajuda a venir savi es filosofic.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

11 de març 13.32h

Son daus libres de filosofias aquò ? (— Els quatre acords toltècas de M. Ruiz, — La profecia del Andes de J. Redfield, — la sofrologia = estudi de l’equilibri de la consciéncia)

o b'etost dau Nuòu-Atge ?


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

11 de març 09.14h

Tot aquò's bien vrai, tè !


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Eric Astié

Eric Astié logo rss

Escrivan. Rugbi, espanhòu, occitan e musica trad en Agen, Lengon e Bordèu. 20 participacions a l'EOE. Professor d'espanhòu e d'occitan.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions