CAPCALERA: la botiga

Jornalet, gaseta occitana d'informacions

Dimècres, 21 d'abril

Eric Gonzales

Dimenge, 7.3.2021 03h00

La polemica sus l’“islamogauchisme”


Comentaris 11 comentaris    
Dolent Fluix Bo Molt bo Fabulós (21 vòtes)
carregant En cargament





Lo 14 de heurèr passat, Frédérique Vidal, la ministra de l’ensenhament superior, que declarè sus CNews qu’anava demandar au CNRS ua enquèsta sus “l’islamogauchisme” a l’Universitat. Lo 16, davant l’Assemblada nacionau, qu’anonciava que comptava de demandar “un bilanç de l’ensemble de las recèrcas” qui’s hèn a l’Universitat, en vistas de distinguir “çò qui ei recèrca academica e çò qui ei militantisme e opinion”. Quauques dias apuish, que precisava la soa pensada, com ac podetz léger ací.
 
Çò qui mei me tesica ací qu’ei que semblan d’estar pòcs los qui an comprés que s’ageish d’ua manòbra entà accentuar las divisions existentas a l’endehens de l’esquèrra, dont, tà har brac, ua partida e’s pòt sentir ciblada per l’anament de la ministra e ua auta, pensar que tribalhs universitaris qui i a e pausan a tot de bon questions. Que sembla l’absurda polemica suus menuts deus restaurants escolars de Lion qu’avosse la medisha tòca: dividir, e tanben har paur a l’opinion dab ua decision presentada com ideologica, e mei qu’aquò extremista, de las parts d’un maire ecologista. Que s’ageish en realitat d’ua mesura qui prengó dejà lo precedent maire Gérard Collomb: qu’estó brombat, mes n’empachè pas la polemica de durar quauques dias, dab, au cap de davant, l’execrable Darmanin, com se los menuts deus restaurants escolars èran de la competéncia deu ministèri de l’Interior, e Jean-Baptiste Moreau, neuridor de bestiar e deputat de la Cruesa, qui ac assimilè a las campanhas anticarn.
 
Que cau donc estar conscients qu’èm davant ua manipulacion de las parts deu govèrn, dilhèu argansada de l’Élysée estant, entà apregonir las fracturas dens l’esquèrra. Per aquò, un còp aquò dit, n’ei pas defendut de’s pausar questions sus tribalhs universitaris recents qui i a. Que pensi, en especiau, aus estudis dits descoloniaus (qui, segon Pierre-André Taguieff, n’an pas, de mei, aportat guaire arren a la coneishença de la colonizacion; qu’ac ditz ací) e a l’apròcha de la question deu racisme e de las discriminacions dont ei a l’origina. Pierre-André Taguieff que parla de “psèudo-antiracisme”, dab rason ce’m sembla; en tot cap, quins mots e cau emplegar tà qualificar ua retorica segon la quau los blancs e son tots, chic o mic, racistas, e los non-blancs ne’n pòden pas estar, e qui afirma que i a dens las societats europèas un grop majoritari (tà har brac, los racistas (blancs)) e grops minoritaris (los “racizats”)? Que’m sembla, a jo qui ne soi pas un saberut de la question deu racisme mes qui èi lo dret d’aver ua opinion com tot ciutadan, que n’ei pas en dividint lo monde, en los montant los uns contra los autes, qui haram recular lo racisme. Lo combat contra lo racisme e las discriminacions, que l’avem a ganhar tots amassa, e que’m reconeishi dens l’antiracisme de SOS Racisme, deu MRAP e de la LICRA, fondat sus l’idea de fraternitat; per contra, dens l’antiracisme d’ua Rokhaya Diallo, sortit de la vision descoloniau, ne m’i reconeishi pas. Mei amplament, que pensi que caleré tractar la question de las discriminacions dab l’ensemble de la question de las inegalitats (e shens desbrombar las discriminacions dont son victimas las lengas de França, mes los navèths “antiracistas” ne parlan pas jamei d’eras, com se un “racizat” ne podè pas parlar occitan o breton).
 
 
Ua Occitania entà tots
 
Com occitan desirós de bastir lo men país, que refusi de véder la societat estrocicada. Que soi, tà plan díser, jacobin, a favor d’un jacobinisme occitan qui aja tà objectiu ultime ua societat on tots parlen occitan, on la lenga e la cultura nosta e sian l’ahar e la proprietat de tots, e non pas ua societat on los uns e sian occitans, e los autes, membres de minoritats qui’s tienen a l’endehòra de la lenga e de la cultura d’Òc. Contra la pretension de la França qui vòu que lo francés sia la clau de l’universalisme, qu’ei a un universalisme occitan qui saunegi[1].
 
Tà l’auta setmana, que poderatz léger la seguida deu men article sus las lengas provinciaus dens l’Empèri roman.
 
 
 
 

 
[1] Jacobinisme que vòu tanben díser centralizacion; que precisi que ne saunegi pas, per venciva, a ua Occitania centralizada!
 
 


abonar los amics de Jornalet

 



publicitat
BANNER1: IEO Arièja



Comentaris

29 de març 18.02h

#10 M'agrada de vèire tant de fauçei novèlas dins aquest messatge. Non, degun a jamai dich que lei terroristas islamistas èran mai victimas que borrèu. Es la drecha que ditz que la senèstra fa aquò car la senèstra, materialista, fa d'analisas sus leis estrategias islamistas o lei rasons dau radicalisme. Mai coma sempre, es prés solament lo ponch de vist dominant, aqueu dei medias e dei cronicaires, aqueu de drecha.
Parierament, es la meteissa senèstra qu'es a luchar per lei drechs pol... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

8 de març 12.50h

Aquel mond nos venon faire de leçons de tolerància e "d'amor revolucionari" en França, anant fins a dire que los terroristas islamistas son mai de victimas que de borrèu, quora tendrián pas 5mn en libertat dins l'Argeria de Botefliqa, la Tunisia de Ben Ali, lo Marròc de Mohamed VI, l'Egipte de Sissi, La Siria dels Al-Assad etc. Una panta d'ipocritas, de mèma farina que los estalinians, los maoïstas d'autrescòps e los polpotistas, qu'an totes las mans comoloas de sang.


Valora aquest comentari:   votar positiu 9   votar negatiu 3
Respondre comentari replica Comentari inadequat   Formulari d'abús de comentari

8 de març 08.12h

#2
"Un esquerrista es fondamentalament atèu" => Non.


Valora aquest comentari:   votar positiu 6   votar negatiu 2
Respondre comentari replica Comentari inadequat   Formulari d'abús de comentari

7 de març 21.02h

colonialisme? descolonialisme?
Aquò es una question central dins frança ueì, e frança pòrta aire de responsas , e se pausa pas de questions ça que la. Als estats units han lo meriti de portar aquel sicut a l'universitat. E tanbe han lo meriti d' estudiar Franz Fanon del quel aquì degun ne vol parlar. Mas se los occitan l'haviem legit , hauriem nosautres ligats nòstra lucha ambe la lucha anticolonial dels africans fa longtemps.( Per los que lo coneissen pas ,Fanon es un martiniquès que... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

7 de març 20.50h

Alain Soral e génération identitaire son consents amb vos.
De fach, se pot èsser un artista de gèni e un racista (Céline)
Se pot quitament esser un filosòf de gèni e un nazi (Heidegger)
Cambia pas res a l'infamia.


Valora aquest comentari:   votar positiu 9   votar negatiu 4
Respondre comentari replica Comentari inadequat   Formulari d'abús de comentari

7 de març 19.17h

#5 cent del cent d'acòrdi ambe tu! Dieudonné es un gèni!


Valora aquest comentari:   votar positiu 10   votar negatiu 2
Respondre comentari replica Comentari inadequat   Formulari d'abús de comentari

7 de març 15.18h

#2 Quiò, lo gran Diubalhat que n'a hèra patit, e que'n pateish enqüèra uei lo dia, malaja!
E podossen los criticaires primaris orbí's los uelhs e curà's la aurelhas!
Qu'ac explica tot hèra plan en los sons espectacles. Qu'ei de luenh l'umorista mei talentuós de la soa generacion.


Valora aquest comentari:   votar positiu 12   votar negatiu 5
Respondre comentari replica Comentari inadequat   Formulari d'abús de comentari

7 de març 11.46h

#2 Islamogauchisme, sai pas.
Per còntra antisemitisme amagat jos una concepcion "revolucionària" de l'Islam, caucionada per l'esquèrrisme nèc, que òc

Veire aquela critica del manifest de la pensada decoloniala, tant a la mòda
https://lundi.am/Une-indigene-au-visage-pale

"Mais vous (los josieus) vous êtes laissé gagner lentement à tel point qu’un préjugé tenace est né : tous les Juifs sont sionistes. Désormais, lorsque vous ne l’êtes pas, vous devez le prouver. Vous qui rêvi... Legir la seguida


Valora aquest comentari:   votar positiu 7   votar negatiu 3
Respondre comentari replica Comentari inadequat   Formulari d'abús de comentari

7 de març 11.12h

Adiu Éric, que's tròba aqueth antiracisme "navèth" que parla drin de las culturas regionaus, mei que l'anti-racisme tradicionau justament


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

7 de març 10.39h

Es evident qu'es una tecnica coneishuda de long, quan atz pas nat argument, de lançar mots e d'atacar las personas. Mes aqueste còp lo mot causit a pas nada significacion. Un esquerrista es fondamentalament atèu e un islamista fondamentalament religiós.
Lo tèrme "islamogauchiste" emplegat per la ministre a autan de valor que non pas "republicanoreialista" o "vegetarian-manjaire-de-carn".


Valora aquest comentari:   votar positiu 13   votar negatiu 5
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Eric Gonzales

Eric Gonzales logo rss

Eric Gonzales, licenciat en istòria e lètras classicas, escrivan, editor e traductor. A l’òra d’ara, que tribalha com expèrt a l’Institut Occitan d’Aquitània; qu’ei tanben membre deu Conselh lingüistic deu CPLO.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions