CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dijòus, 17 d'octòbre

Eric Roulet

Dimècres, 24.9.2014 03h00

Sèm dens lo nòste dreit


Comentaris 19 comentaris    
Dolent Fluix Bo Molt bo Fabulós (10 vòtes)
carregant En cargament


Atau dit, nat occitanista s’anirà díser o pensar lo contrari…
 
Solide lo subervíver de la cultura nòsta es un dreit qu’avem de deféner e d’exigir.
 
Egau, se tròba qu’a còps, me demandi se tots n’en son tant convençuts …

Amassada au Conselh Generau de Gironda: demandi publicament un “dreit de reparacion istorica”. L’idèia tota simpla es de díser que: estant que l’Estat francés a destruït conscienciosament la cultura occitana, aqueth medish estat a  lo dever adara de s’endralhar de cap a sa sauvaguarda.
 
N’èi pas comprés çò de risolèir dens çò que dishori, mes tota l’amassada s’espotit de ríser com d’una peguejada… E los quites defensors de la cultura occitana de trobar qu’en damandavi un chic de tròp. Me carèri en tot pensar egau l’idèia pas tant extremista qu’aquò…
 
Solide que lo suberviu de la cultura nòsta pòt pas mei sonque passar adara per l’ensenhament: la transmision familhau s’acaba, e se se tròba encara quauquas familhas on la lenga es coneishuda daus vielhs, los joens son destacats dau banh linguistic. Egau, deisham doçatament (au mens a nòste) desaparéisher los cors e cabussar las classas bilinguas. Lo sordèir, es que, a còps, los arguments administratius semblan de convéncer, o au mens d’estar partejats per los quites professors d’occitan o auts militans: fin-finau, milhor deisharàn davant lo risc de sortir de la nòrma.
 
Atau, entenori deféner la mudacion obligatòri (tres ans en seguit) d’una joena professora,  luenh dau son parçan, quan aqueth medish parçan mancava de professors: es una mudacion nacionau de las règlas nacionaus dishot l’administracion… E los occitanistas de carar: laissèra o paur de s’oposar au model estatau?
 
Per estar eficaça, la  defensa de la cultura d’Òc, n’a pas d’estar un divertiment ideologic, una mena de decoracion folclorica dens una pensada ja bastida. L’engatjament necessari diu estar a la mesura de l’enjòc: sauvar de la mòrt anonçada e programada una cultura milénaria que tant portèt a la pensada europeenca.
 
Aquò supausa solide de se tirar de las cadenas estataus qu’escanan la cultura nòsta: podem pas sauvar una lenga hòrabandida en tot voler manténer los varrolhs que l’an tuada. L’escòla francesa estèt bastida per ensenhar la supremacia de la cultura francesa, reviscolar l’occitan es inventar una auta escòla e un auta relacion a la coneishença. Los problemas admnistratius, las causidas ieologicas centralistas son los de l’Estat que nos escana: son pas los nòstes. Avem d’exigir una plaça plena e sancèira e avem  d’apitar un contengut navèth.
 
Aus que puirén pensar aquesta pausicion coma extremista, vorrí contar la libertat extraordinària que pòt provesir l’amira nòsta: la possibilitat de tornar soscar lo caminament dau monde hòra de tota ideologia “enreligiosada” e de l’abanit autoengolit. Non es pas solide “la fin justifica los mejans”, es meilèu la causida de la fin e daus mejans en tota libertat de l’esperit.
 
Sauvaram pas la cultura occitana dab las migas de pan dau centralisme: la pluralitat culturau es una fèiçon de víver, una navèra relacion au monde qu’avem de cambiar.
 
Un navèth “Sègle de las Lutz”?



publicitat
BANER1-2-3: DGPL DICTADES



Comentaris

25 de setembre 18.24h

E aquò t'estona ? França tanben se crei " una cultura milénaria que tant portèt a la pensada europeenca" e se defend coma pòt, amb una arma fargada de longa: l'ostau qua fa venir pèc.
E quora serà, encara un còp, lenga administrativa l'occitan ?
Que siá la nòstra cultura una contra-cultura.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

25 de setembre 06.59h

#4 Contra-òda al soldatòt inconegut

Per aver lo front d'argumentar sus " rien "
Per aver gausat aver pas qu'un paure mot miserable
T'èi donat un " point "
Sabes as una chança del diable


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

24 de setembre 21.23h

Un article exemplàri; ambiciós, coratjós, necessàri.
Lo jorn ont serèm mai nombroses a far coma En Rolet, riran pas pus.


Valora aquest comentari:   votar positiu 15   votar negatiu 2
Respondre comentari replica Comentari inadequat   Formulari d'abús de comentari

24 de setembre 19.33h

Per un còp, dise Osca perque lo mot "reparacion" es pas tròp fòrt, an laissat crebar nòstra lenga e mai an tot fach per que crebe.
L'i a quauquas annadas, aviá pres la paraula en public dins una amassa organizada per lo Conselh General de la Nauta Viena/Vinanha e dissei çò qu'aviá de dire sus la responsabilitat estatala e territoriala dins la mòrt de nòstra lenga (per chas nos, an ren fach e faràn per nòstra lenga, malurosadament). Vos responde que an pas rit dins la sala, fau dire ... Legir la seguida


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

24 de setembre 16.53h

#13 Era tanben la forula utilizaa per Enric Giordan dins son raport a Lang, "démocratie culturelle et droit à la différence". mas èra en 1982, e tot lo mond o a eissubliat, a començar, efectivament, per los notables locaus analfabèts que Rolet a fach rire.
Per los ensenhaires mutats en defora de l'academia : en defora de l'istoria dau movement nacionau dins lo segondari, es tot simplament que lo rectorat de Bordeus demanda ren, non pas qe lo rector d'Ais, regularament, demanda de certifia... Legir la seguida


Valora aquest comentari:   votar positiu 9   votar negatiu 0
Respondre comentari replica Comentari inadequat   Formulari d'abús de comentari

24 de setembre 15.25h

#4- As perfeitament rason, JCC de la Pietat, de far la remarca a l'autor de l'article que, sol a s'ameritar lo títol d'occitanista valorós, o sap dire.


Valora aquest comentari:   votar positiu 6   votar negatiu 8
Respondre comentari replica Comentari inadequat   Formulari d'abús de comentari

24 de setembre 15.07h

Òsca !
Qu'aurés podut mençonat Mitterrand François qu'avèva parlat de "reparation historique" dens lo libe de las soas cent dètz proposicions publicat ende la soa campanha electorau de 1981
Atau los socialistas que's serén abstenguts de ríser benlèu mès n'es pas segur !


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

24 de setembre 13.40h

Un brave article!! Òsca!

Lo reparacion, d'efièit, es un dreit dels occitans cap a França.

Sens reparacion jamai non i aurà cap de possibilitat de normalizacion de las relacions entre Occitània e l'estat francés.

Pel moment los que rison a bèl cais o dins lor barba s'ameritan sonque la nòstre mesprètz fins al jorn que riràn pas mai: l'ignominia francista non durarà pas totjorn


Valora aquest comentari:   votar positiu 10   votar negatiu 7
Respondre comentari replica Comentari inadequat   Formulari d'abús de comentari

24 de setembre 13.22h

#8
Seré fòrt aimable de pas tròp citar mon blòg per hèser de correccions de fòrma a tota aucasion sus Jornalet ! Hiri aquò au debut mès aquò's pas tròp productiu nimèi agradiu.


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

24 de setembre 13.18h

Article coratjós e senat que totes los occitanistas aurián de legir!


Valora aquest comentari:   votar positiu 9   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Eric Roulet

Eric Roulet logo rss

Creator, compositor e contaire de la companhia de musica occitana Gric de Prat. Pedagòg e especialista en educacion. Es adara musician e professor d'occitan

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions