CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Divendres, 18 d'octòbre

Eric Roulet

Dimècres, 15.10.2014 03h00

Ensenhar e tornar ensenhar


Comentaris 7 comentaris    
Dolent Fluix Bo Molt bo Fabulós (8 vòtes)
carregant En cargament


Es una envidéncia: la lenga se parla pas mei dens la familha, o tant chic…
 
Mantenguda atau la situacion,  au mens a nòste,  pòt pas sonque desembocar sus una lenga mòrta, léser d’una còla d’intelectuaus. Lèu, va desaparéisher la quita consciéncia de l’existéncia d’una cultura occitana. Ja, chic son los bordalés que saben l’istòria  d’Aquitània e sa cultura… La lei dau silenci, la tarribla lei dau silenci, acaba de tuar la memòria dau pòble en tot guardar aus captaus la consciéncia bona: perqué héser quauquarren pui que i a pas nada demanda…
 
Com puiren demandar o exigir que que sii a los que n’an pas nada coneishença de la cultura d’Òc?  Nat programa escolar compren l’istòria dau país, ni mei sa cultura e l’Educacion Nacionau de barrar los cors per manca de professors e d’escolans…
 
Acaban de tuar l’occitan dab l’argument de sa mòrt, qu’an egau organisat eths medish dempui sègles. Atau pòden contunhar de deishar s’espandir l’ignorença…
 
Fin finau, se contunha d’escanar la cultura nòsta atau com hasoren dempui sègles, en tot justificar lo genocidi dab las nhafraduras dau passat! E nos tornam trobar copables de la nòsta mòrt programada qu’avem d’acceptar com una fatalitat.
 
Sufís pas per nosauts d’exigir d’aubrir cors d’occitan, sufís pas d’exigir un ensenhament bilingue, nos fau exigir que l’istòria e la civilisacion nòsta entrin dens los programas de totas matèrias atau de guardar lo saber de la quita existéncia de la cultura nòsta e aquò per tots e pas sonque per los qu’aprenen la lenga. Deishar atau la situacion es condemnar l’ensenhament de l’occitan: a mesura que se quita la consciència de l’existéncia de la lenga, lo public potenciau se hèi de mei en mei estreit.
 
Au nom d’aqueth “drèit de reparacion istorica” que ne’n parlèrem dens un article passat, avem d’exigir una comunicacion normau e eficaça de la promocion de la lenga. Valent a díser que los arguments qu’entenem tostemps de barradura daus cors per manca d’eslhèves son pas de nos héser plegar l’esquina e de nos culpabilisar. Solide que, dens aqueth contexte, i a chic de volontaris! Mes rai! A l’Estat de tornar adobar çò qu’a destruit dens lo passat, e a nosauts de l’ajudar dab lo saber qu’avem. Atau enversam la situacion: la dèuta e la culpabiliitat son dau costat de l’Estat e pas de l’occitanisme que hèi la jogaria dau suberviu.
 
Aquò’s dit, nos estauviaram pas de soscar lo perdequé de la baishada daus efectius, e se i a de las cuentas administrativas, i a solide una maishanta analisa, dens lo passat, dau viscut de l’ensenhament de l’occitan.
 
Coma avem podut pensar que l’occitan suberviuré ad aqueth hilat inagotable de reglaments de l’admnistracion francesa? Com avem podut pensar qu’auré, un jorn,  lo medish estatut que non pas lo francés o las matematicas? Com avem podut pensar que podeva vàser una matèria coma las autas? Com avem podut pensar que la lenga nòsta, tota sancèira emplenhada d’afectiu se puiré passar de pensar l’afectiu, atau com (ic disen au mens) hèsen los auts domènis escolars?
 
Lo revolum qu’avem d’exigir daus auts, lo devem tanben apitar per nosauts: ensenhar l’occitan en lo tirar de son passat istoric e de son encastre socioculturau es lo tuar autant segur com hèsen los qu’organisan lo desbromb.



publicitat
BANER1-2-3: DGPL TRADUCTOR



Comentaris

19 d'octòbre 19.43h

Una causa me sembla segura : al delai de la diferéncia dels punts de vista e de las demandas, res arribarà pas sens accion collectiva. Es pas una colleccion d’individualitats coratjosas o bramairas que fai un moviment, es sa capacitat de mobilizacion a l’entorn d’el, non solament de militants purs e durs, mas tanben de capital de simpatia e de partenariats possibles.
Per l’amic Forment d’Agen. Plan d’accòrdi amb tu sus d’eveniment, flash-mobs, o autres happening que permetèsso... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

16 d'octòbre 17.23h

@ P.J.M. : Compreni pas : de sindicats d’ensenhaires, n’i a mai d’un !
Sul sit de la FELCO, ensajam d’informar lo mond de las posicions sindicalas de cap a las lengas dichas regionalas. I publicam tot sus aquel sicut, pro que ne siam assabentats (cf : http://www.felco-creo.org/mdoc/index_fr.php?categ=syndicat)...
E i a de collègas al dintre d’aqueles divèrses sindicats, e que i fan avançar sas... Legir la seguida


Valora aquest comentari:   votar positiu 7   votar negatiu 3
Respondre comentari replica Comentari inadequat   Formulari d'abús de comentari

16 d'octòbre 17.22h

Generalizacion de l’ofèrta d’ensenhament de la lenga e de la cultura.
Òc. Deu èsser nòstra demanda, e es aquela que la FELCO quita pas de faire remontar de mai en mai fòrt dempuèi los 30 ans qu’existissèm. Es encara redich dins lo dorsièr de 50 paginas que portam al Ministèri lo 18 de novembre : « Bien sûr, nous nous réjouissons de cette prise en compte par les textes et par la représentation parlementaire. Mais il est temps que ce qui a été inscrit en clair dans la Loi r... Legir la seguida


Valora aquest comentari:   votar positiu 7   votar negatiu 2
Respondre comentari replica Comentari inadequat   Formulari d'abús de comentari

16 d'octòbre 17.21h

De causas plan interessantas dins aquel article, mai que mai aquò : « l’istòria e la civilisacion nòsta entrin dens los programas de totas matèrias atau de guardar lo saber de la quita existéncia de la cultura nòsta e aquò per tots e pas sonque per los qu’aprenen la lenga. » Es una demanda reiterada de laFELCO que i aja una informacion generalizada en França, dins los programas generals, sus l’existénciade la diversitat linguistica e culturala del país tot, e pas solament din... Legir la seguida


Valora aquest comentari:   votar positiu 6   votar negatiu 2
Respondre comentari replica Comentari inadequat   Formulari d'abús de comentari

15 d'octòbre 11.46h

#2- Un constat qu'èra de far, que cal far abans de se calcular un metòde ... Parlant d'aquò, aqueste quite maitin èi perpausat de que se fasquèssen de recitacions poeticas sus la plaça major de Vilanuèva d'òut, declamacions de Jansemin, Froment, Salèras... Òc, s'adreiçar al monde, armats d'un autavotz d'un apròchi resolgudament bilingüe del non triat, d'una frequéncia d'accion pro repetitiva e d'un esperit d'ampatia fòrt.
Qui viurà, veirà.


Valora aquest comentari:   votar positiu 16   votar negatiu 2
Respondre comentari replica Comentari inadequat   Formulari d'abús de comentari

15 d'octòbre 08.43h

Solide que fau anar cap a l'ensenhament obligatòri de la lenga o/e en la lenga nòsta. Solide tanben que l'istòria e la cultura son necessàrias per bastir una consciéncia nacionala (Anaram Au Patac ic didè déjà i a 10 ans). Pasmens lo grand problèma, l'eternau problèma per Occitània, es de trobar un biaish d'organizar un rapòrt de fòrça. Aquí ne sèm ben incapables, e aquò anirà pas en milhorant.
Shens sendicat deus ensenhaires, shens mèdia nacionau capable d'influençar l'opi... Legir la seguida


Valora aquest comentari:   votar positiu 10   votar negatiu 6
Respondre comentari replica Comentari inadequat   Formulari d'abús de comentari

15 d'octòbre 07.48h

La question a una responsa simpla, simplassa.
L'avenidor de l'ensenhament de l'occitan passarà per l'ensenhament obligatòri de l'occitan, obligatòri e universal.

Totes los que nos dison qu'es pas possible nos enganan. Es pas perqué es pas possible ara que cal pas preparar una transicion cap a aqueste objectiu ( per exemple amb l'etapa d'una ofèrta generalizada, coma o fan en Corsega). Refusar de demandar l'obligacion de l'ensenhament de l'occitan al motiu que i auriá pas pro de professor... Legir la seguida


Valora aquest comentari:   votar positiu 11   votar negatiu 9
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Eric Roulet

Eric Roulet logo rss

Creator, compositor e contaire de la companhia de musica occitana Gric de Prat. Pedagòg e especialista en educacion. Es adara musician e professor d'occitan

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions