CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Divendres, 22 de novembre

Eric Roulet

Dimècres, 22.10.2014 03h00

Escampilhar l’occitanisme


Comentaris 9 comentaris    
Dolent Fluix Bo Molt bo Fabulós (4 vòtes)
carregant En cargament


Car les langues qui parlent du bonheur des hommes
Ne méritent pas la mort…
 
(Spectacle Viatge de Gric de Prat 2014)
 
 
D’aquò sem tots d’acòrdi…Tots? Òc, la còla estequida daus occitanistas, es a díser, chic de monde. Tròp chic per poder cambiar lo monde solets, e, solide, per sauvar la lenga, au mens a nòste.
 
Plenhats qu’èram de l’idèia de “L’Estat providenciau”, pendent annadas pensèrem que la crida de cap a la autoritats harí davançar las causas en tot portar la lutz aus mossurs que nos gavidan…
 
Parla que parlaràs! Gèir angurim au Rectorat atau d’amuishar l’estat ridicul de l’ensenhament de l’occitan en çò nòste… Nos escotèren, en tot se carar,  dinc a la fin de l’entrevista e pui nos dishuren adiu, en tot prométer de nos tornar véser lèu….
 
Pas arren se passèt, nada discutida suu hons, nada negociacion.
 
Avem comprés, plan comprés que se trufan dau petit pòble que sem.
 
De que héser alavetz? Daubuns occitanistes s’agradan milhor de saunejar de milhorar lo monde, e tant que son daus sauneis, perqué pas?
 
I a pas sonque de rénder obligatòri l’ensenhament de l’occitan disèva un legidor dau Jornalet la setmana passada… Ne sabem pas se seré de bon o pas de bon, mes solide, sabem l’impossibilitat de la causa. Lo monde dau nòste amic es lo de son saunei e se li pòrta consolament, se tròba totun tirat de tota realitat.
 
Alavetz? De que héser?
 
Enter lo camin de la docilitat e lo dau saunei, benlèu s’en pòt trobar un aute.
 
Pui que sem tròp chic per cambiar lo monde, pui que sem convençuts que dau nòste bon drèit e de l’universaliat de la cultura nòsta, podem escampilhar las idèias atau d’estar de mei en mei a las portar. En tot deishar de pensar que d’en haut vendrà lo cambiament, nos podem virar cap au baish, cap au pòble de la carrèira, cap aus elegits de tarrenc, maires, responsables associatius o tot simplament de las personas de bona volontat.
 
S’agis pas de balhar leçons d’occitanisme: lo camin seré dau long e de mau suportar. Rai de las ideologias, mes en partir dau tarrenc, en partir de la hrèita de cada jorn, se tròba tostemps una tropa de bonas volontats.
 
Atau vira Gric de Prat dempui annadas, hòra de la mossurèra de l’organizacion daus espectacles, gessit de l’engatjament dau public.
 
Atau se sauvarà, ic espèri,  l’ensenhament de l’occitan au licèu locau, pr’amor que quauques dròlles s’an pensat que valèva lo còp de s’i engatjar… I a mei d’amistat dens tot aquò que non pas de fè occitanista e benlèu sonque  lo sentit que la fin de la lenga seré un chic coma la mòrt de l’aujòu: una perta definitiva.
 
Aqueth sentit afectiu, podem, nosauts, occitanistes, que milhor coneishem “la gran-mair”, lo gavidar cap a l’accion per que la cultura occitana sii l’ahar de tots…



publicitat
BANER1-2-3: DGPL DICTADES



Comentaris

24 d'octòbre 13.20h

#7 completament d'acòrd dab tu. S'establir dens la durada e la regularitat. Un tribalh d'ahromiga qui non se hèi per laurèrs e enqüèra mens per reconeishença. Per amor e per plaser.
#8 Bonjorn Gaby, espèri que tot se passa plan alai per tu. Legissi amb plaser totes tos articles. Ten-te fièr !
Soi a descobrir la realitat guadelopea, i a de qué díser e descobrir per nosautes


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

22 d'octòbre 17.36h

#4 - Solide, mès, d'abòrd, pensi que fau usar de demagogia e hèser de compromís. Aquò's atau qu'avançan, non ? Se vei bien en politica : los qu'hèsen aliganças son mèi fòrts, dau temps que LO s'en vai a la d'riva. La luta de les classas es bien bròia, mès dens la societat actuala sembla que sigi lo carròt de tèrra contra lo pòt de hèr.

#7 - Seré mèi interessant encara de montar una equipa ont cadun escriuré la cronica a son torn. Atau, i auré mens de trabalh per cadun. Jo,... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

22 d'octòbre 14.46h

#2 remarca interessanta mes qu'es mei aisit de'n parlar que d'ac har !
En Gasconha, que'm sem sembla que i a occitan dens La République des Pyrénées, l'amic Fénié qu'assegura ua présencia setmanèra dens Sud-Ouest Lanas dempuish annadas e jo que tengui ua Cronica occitana dens Le Petit Bleu de Lot-Et-Garonne desempuish 1978 cada setmana. Que ne'n devi oblidar...
Que i a monde dens los autes parçans d'Occitània : pensi au Barsotti dens La Marseillaise en particular.
Ne son pas que fenest... Legir la seguida


Valora aquest comentari:   votar positiu 5   votar negatiu 4
Respondre comentari replica Comentari inadequat   Formulari d'abús de comentari

22 d'octòbre 09.53h

Se poiriá dire, damb tant de "bonheur" : Car les langues qui parlent du malheur des hommes / Ne méritent pas la mort ...


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

22 d'octòbre 09.27h

#4 L’enemic prumièr es nosaus meteis e non pas frança, amai s’a una resposabilitat magèra dins lo desgalhament de nòstra lenga. Avèm pas d’ aver d’enemics, avèm d’èsser nosaus meteis d’en prumièr. Avèm de balhar un milhor imatge de l’occitan, avèm de lo far espelir e dirai qu’un que siaguessa lo sistèmi politic, l’occitan dèu fonccionar dins totis los parçans
Per aver d’enemics cal èsser fòrts e o s’en pas ! Amai I aguesse qualques ronfuts sufís pas de far ... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

22 d'octòbre 08.53h

E s'un camin possible foguèsse lo de desamistosar, desmanhagar, descordializar las nòstras relacions amb l'estat francés?

Aqueste estat es lo nòstre enemic politic e òm se deu pas mostrar amistós, manhac o cordial amb son enemic. La luta politica per nòstra lenga, cultura e país se farà dins lo rapòrt de fòrças o se farà pas. I a pas de plaça per la cortesiá e per mendiquejar dins aqueste combat. L'occitanisme ja deu se far popular, deu parlar al pòble per crear una demanda so... Legir la seguida


Valora aquest comentari:   votar positiu 6   votar negatiu 8
Respondre comentari replica Comentari inadequat   Formulari d'abús de comentari

22 d'octòbre 08.40h

Plan d’accòrdi amb aquel article.
L’Occitanisme s’es forabandit del meteis. A voler acorchar doas lèbres a l’encòp segur que mancaràs las doas.
(cambiar lo mond, aparar e far espelir l’occitan)
Coma ça dis lo vièlh provèrbi turc (VII sègle) « ölmeye sıçan mışık taşaklarını kasır » ( La mirga destinada a morir gratussa las testiculas del gat) es a diser que s’afanar d’encontrar lo son esvenidor qu’es de mòrt). Atal faguèc l’occitanisme lo paure d’el.
Par... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

22 d'octòbre 08.36h

Avant d'anar quèrre un sosten, de moneda, dens los CG, CR e auts rectorats, fadré benlèu consolidar l'usatge dau gascon e aviar de gropes de transmission vielhs-junes.
La revispolada dau gascon poiré tanben passar per lo consolidament dau francés regionau (conferéncias sus lo bordeluche, preséncia orala e visuala de mòts locaus p.ex. dens de noms d'assòs...).
Enfin, una causa entremitan les pus importantas seré la visibilitat (o l'audibilitat!) dens los mediàs!! Imagina s'i avèva... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

22 d'octòbre 06.46h

Plan interessant, mes de quin rectorat se trata?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Eric Roulet

Eric Roulet logo rss

Creator, compositor e contaire de la companhia de musica occitana Gric de Prat. Pedagòg e especialista en educacion. Es adara musician e professor d'occitan

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions