CAPÇALERA: Nit arpiatana occitana cat
CAPÇALERA2: FAI-TE SOCI

Jornalet, gaseta occitana d'informacions

Divendres, 21 de junh

Eric Roulet

Dijòus, 12.1.2017 03h00

 Una cultura abandonada…


Comentaris 12 comentaris    
Dolent Fluix Bo Molt bo Fabulós (8 vòtes)
carregant En cargament


Las sòrs èran de longa a Calandreta… Dempui l’escòla mairau dinc au collègi…
 
Discutida de la taula nadalenca sus l’istòria deu Biarn, se parla de Gaston Febus…
 
Las gojatinas escotan …E pui, una pausa, una question que  hèi revirar tota la taula deus biarnés “cap e tot”: “Fin-finau, qui ei aqueste Gaston Febus?” çò ditz la mainada.
 
Silenci, qui va contar? I a los que son escandalizats, i a los que son desesperats… 8 ans a Calandreta, las gojatas parlan naturaument lo biarnés, mes saben pas arren de l’istòria deu Biarn…
 
Pausi quauquas questions istoricas e culturaus…Silenci. Nada d’aqueras coneish pas briga los eveniments màgers de l’istòria de la cultura d’Òc, ni mei los escrivans, ni mei los musicaires ni mei, los sègles de luta desesperada contra lo desbromb…
 
La cultura occitana, son quauquas cançons popularis e lo grop Nadau de bon saber  pertot en Aquitània…
 
La discutida s’acaba quan las gojatinas m’explican que comprenen pas a de qué pòt servir de parlar lo biarnés que digun parla pas mei e que n’emplegan pas jamei la lenga dab los amics…
 
Solide: a de qué pòden servir un sarròt de mots e sonqu’aquò? Destacats de tota cultura, de tota istòria, de tot convivéncia e de tot avenidor… Milhor de parlar anglés, au mens se pòt viatjar…
 
Dab los programis, sabetz, i a pas lo temps d’estudiar la cultura occitana a Calandreta?
 
Una  professora d’occitan dens aqueste medish Biarn, tèrra de tradicions e d’identitat…
 
Nos explica qu’ensenha sonque dab los eveniments de l’actualitat: es hòrta fièra la dròlla!
 
“Los joens son harts de la cultura deu passat, fau bastir l’avenidor e amuishar una occitanitat de las joenessa, l’actualitat per la cultura e l’electronica per la musica...”
 
Autant d’ic har en anglés, solide la causida serà mei larga…
 
Fin finau, la question d’en devath damòra: a de qué pòt servir d’apréner l’occitan  uei?
 
Un còp pausada aquesta question, n’arriba una auta: quau es lo nòste projèit, a nosauts adultes? Perqué volem ensenhar una cultura qu’es a morir? Quau partida d’aquesta volem passar aus joens atau de nos subervíver?
 
Se la responsa es: volem guardar una cultura viva e una lenga parlada, solide que los joens an besunh de compréner lo perdequé de las causas, per se cargar d’aquesta “mission istorica”, an de conéisher l’istòria e la cultura qu’an de perlongar dens l’avenidor…
 
E la mission dèu estar clara. Se non, perqué s’endralhar dens tot aqueth rambalh?
 
Davançar de feiçon estujada en tot ensajar de har créser a una “subermodernitat” me sembla una estratégia de las maishantas: la modernitat son eths que se la bastiràn, son modernes per definicion…
 
Mes solide an besunh de compréner perqué, e dab qué bastir: çò qu’esperam d’eths e quau contengut volem transméter a las generacions venentas.
 
Atau auràn tanben lo drèit de refusar, mes perqué aver paur: perqué çò que nos a convençut en d’autres temps seré passat de mòda? On es la fisança que devem portar aus mainatges nòstes?






Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.
 



publicitat
BANER1-2-3: DGPL DICTADES



Comentaris

14 de genièr 20.15h

#11 Segur que lo plaser es important. E sovent lo plaser es dins çò qu'es pas impausat; doncas en classa... Comprenes plan qu'un escolan que demada "de qué servís?" es que tròba pas son plaser dins l'afar. Doncas li respondre "pel plaser" es pas, çò me sembla, un argument de pes. Mas es segur que lo plaser es lo sol motor del monde. (amb la paur, mas aquò's quicòm mai).


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

14 de genièr 15.15h

#10 Ad ua cap e tot. Manca ua pista regularament negligida : lo PLASER. Mainatge qu’esperuquèi l’enciclopèdia "Tout l’univers" dinc e la sabossi de cap o chic se’n manca, non pas pr’amor que m’ac impausèvan, senon peu gai qui’n tirèvi (e pr‘amor que la’m hesón disponibla, d’aviada).
La manca de cultura generau que tòca shens que l’istòria e la litteratura; las arts, las sciéncias, tot qu’i cap. Que’us disen lo futur qu’ei d’anar víver sus Mart e ne saben p... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

14 de genièr 12.07h

Lo questionament es bon : « de qué pòt servir d’apréner l’occitan  uei? » « quau es lo nòste projèit, a nosauts adultes? Perqué volem ensenhar una cultura qu’es a morir? Quau partida d’aquesta volem passar aus joens atau de nos subervíver? »
Aquò dich, cal pas tròp tirar pèira als escolans o als ensenhaires. Totes los ensenhaires del primari an pas la passion de l'istòria, e se parlan un còp de Febus dins l'escolaritat es plan. Pels escolans, çò que ne demòra qu... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

13 de genièr 12.20h

Just ua idea qui’m passa peu cap : https://www.youtube.com/watch?v=77yOptH8A5c
Es que seré hòrt complicat de hà’n un doblatge a Conta’m e d’i trobar ua canau de difusion?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

13 de genièr 09.34h

#6 L'i a d'annaas d'aquo, lo centre de formacion de calandreta a Besiers, en avent constatat que lors mestres ensenhavan l'istoria "de França" que caup fins los manuaus ordinaris sens se pausar de questions sus la dimension occitana m'avian demandat de participar a lor formacion. Aüra sabo pas ço que se passa sus aqueu ponch. Me pareis totun estranh que la persona que n'es question dins l'article aie vertadierament deguna conoissença de l'existéncia de la literatura d'oc. Bona part dels me... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

13 de genièr 02.45h

Un parelh d’ans a, qu’anèi tà un estagi on èram supausats apréner a "animar ua activitat periescolara en occitan", o quauquarren atau. Que’m pensèvi d’i trobar conselhs sus la pedagogia, adaptar lo nivèu de lenco segon l’atge deus mainatges, causas d’aqueras… Mes non pas non: qu’i s’agiva d‘apréner las comptinas (bon, perqué non…) e sustot a dançar lo rondèu e lo Jan Petit. La cultura occitana que consisteish a sauteriquejar de pataumas? Au cap deu purmèr jorn q... Legir la seguida


Valora aquest comentari:   votar positiu 15   votar negatiu 0
Respondre comentari replica Comentari inadequat   Formulari d'abús de comentari

12 de genièr 22.03h

Fòrt bon article que quicha ont aquò fa mal. E avèm besonh de luciditat se volèm anar endavant;. Legissètz o tornatz legir los trabalhs del sociològ bigordan Fabrice Bernissan. Ne parla de las Calandretas e dels enfants que ne sortisson.
Per ieu:
- Son pas los dròlles qu'an volgut anar a la Calandreta, son los parents que los i an inscriches; parents mai o mens ocitanofòns, mai o mens occitanistas, e sovent atraits sonque per la pedagogia que i es dispensada. En mai d'aquò, a l'ad... Legir la seguida


Valora aquest comentari:   votar positiu 13   votar negatiu 0
Respondre comentari replica Comentari inadequat   Formulari d'abús de comentari

12 de genièr 19.45h

#3 Tè, dos vòts negatius, m'agradaria de saupre perque, alara qu'ai fach pas que contar una convèrsa qu'ai aguda per cas amb quauqun que trabalha dins una calandrèta e que non sap que la cultura occitana es quicòm mai que contes-cançons nadalencas-carnaval-balètis. Aguèssi preferat lo contrari e que l'interessada confirmèsse que la cultura occitana èra tanben una pensada e une literatura, malurosament foguèt pas lo cas. Es pas una opinion o un punt de vista meu es tot simplament lo r... Legir la seguida


Valora aquest comentari:   votar positiu 15   votar negatiu 0
Respondre comentari replica Comentari inadequat   Formulari d'abús de comentari

12 de genièr 10.45h

#1 N'i a pro ara ambe los comentaris espanholistas de Jaume tercer, anatz veire endacòm mai se plòu a luòga de contar qué que siague sus Malhòrca.


Valora aquest comentari:   votar positiu 23   votar negatiu 26
Respondre comentari replica Comentari inadequat   Formulari d'abús de comentari

12 de genièr 10.06h

"La cultura occitana, son quauquas cançons popularis e lo grop Nadau de bon saber pertot en Aquitània…"
Estranhament aguèri gaireben la mèsma constatacion en charrant amb una trentenaria puslèu "bobò", emplegada a una de las calandrètas de Montpelhièr. Li demandèri ( inoçentament, per vèire) çò qu'èra la cultura occitana e me respondèt qu'èra: las sansonhas pels pichonèts,los contes, las cançons de nadal, de carnaval e los balètis. Li demandèri s'èra tot ? M'afortiguèt... Legir la seguida


Valora aquest comentari:   votar positiu 35   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Eric Roulet

Eric Roulet logo rss

Creator, compositor e contaire de la companhia de musica occitana Gric de Prat. Pedagòg e especialista en educacion. Es adara musician e professor d'occitan

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions