CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dissabte, 7 de decembre

Eric Roulet

Dimècres, 6.9.2017 03h00

Un gojat de 15 ans!


Comentaris Un comentari    
Dolent Fluix Bo Molt bo Fabulós (7 vòtes)
carregant En cargament


Los gojats e las gojatas qu’an un imatge mauaisit dens lo monde nòste. Au sordèir, que hèn paur, au milhor que hèn pietat mes sufrissen totjorn d’una vista estereotipada.
 
Çò  que son vertadièrament? Digun s’en maina, sufis d’escotar los ressons deu média, lo mei sovent negatius.
 
De víver cada jorn dab eths, estori de longa esmavut: mau-adrèits, tristes, agressius, urós, gaujós....E sovent lo tot a l’encòp.
 
S’avetz de mau de compréner, espiatz: un dròlle sap pas estujar son espiada. Espiatz,  e seratz, vosauts tanben, esmavuts.


***
 


Aqueth sentit navèth de perta de l’enfança s’espelís chic a chic....  Au tornar d’un jòc, d’aqueths jòcs  numerós qu’enlusissen la vita de mainatge.
 
A la debuta, es pas sonqu’una pensada, suu pic, mes qu’arrapa e que trenca lo saunei,  atau que  lo jòc se pusquí pas mei endralhar... Jogar ne hèi pas mei enveja.
 
Atau s’acaba lo temps deu drollet...
 
Dab l’ideia de la mòrt existenta e deu temps qu’es comptat, de la vita que passa  e que’s deu emplenhar...
 
De qué? Com?  Dab l’ideia, d’un còp,  que sonque víver es pas pro...
 
A la debuta una pensada corteta, au tornar d’un jòc que s’arrefusa de mei en mei...
 
Digun aima pas de vàder gran, atau viste, shens contrarotlar emocions e sentits navèths. Egau i a pas de causir: lo dròlle qu’a bèth ensajar, la caminada en solitari es començada. Pair e mair, que davant tot pensavan per eth, s’eslunhan doçament en tot deishar lo vuide.
 
Dab l’ideia, d’un còp,  que sonque víver es pas pro...
 
Alavetz lo vuide que s’emplenha e lo cap s’i claufis de paraulas pesugas, de questions shens responsas... E doman, doman?
 
E lo joen qu’espia...Qu’espia  lo monde e s’i vorrí compréner, mes se tot li sembla triste, egau los auts, alentorn,  semblan de ríser e de préner plaser dens una vita aisida. Com hèm? Com s’an escapat aus problemas?
 
E lo gojat que crèi qu’es sonque lo son cap  qu’atau s’emplenha de cuentas e de questions shens responsas. Com plorar quan tots semblan gaujós? Com parlar quan tots se caran?
 
Pr’aquò, eth que se cara, embarra sas pensadas. Aqueras pensadas vasudas una vertadèira mesclanha!                                                           
 
Que digun sabi!
 
E sustot que coneishin pas aqueth sentit que peshica au baish,  aqueth vam que te hèi espiar las gojatas. Las gojatas, que tot d’un còp existissen, tant diferentas de si-medish a n’i pas arren compréner. Seré tant plan milhor de se las guardar luenh deu son monde.
 
Mes, damòra aqueth sentit que peshica au baish...
 
Es pas aisit d’aver 15 ans.
 
E lo joenòt espia, e lo  monde e los grans que l’an portat suu camin dinc aquí. Segur, aqueth monde vielh es pas lo bon e de tot biais pas lo que vòu víver.
 
Mes lo dròlle sap pas çò que deu esperar.
 
Jutja que jutjarà, dab la fòrça de l’ignorància...
 
O Grans! Escotatz! Atau de pas jamei tornar au dròlle lo maishantèir que sembla amuishar: nòste gojat es a se bastir e... Diu vivant! Es pas aisit d’aver 15 ans!
 
 


Eric Roulet e Natalia Casaucau
 
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

8 de setembre 22.34h

Polit article esmovent...
Problèma d'atge e/o de societat?
Tot lo monde pòt pas s'acontentar del monde e de la vida, e disen qu'es de la depression...
E d'unes o d'unas laissan l'afar...sens avisar... E mai pus tard qu'a quinze...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Eric Roulet

Eric Roulet logo rss

Creator, compositor e contaire de la companhia de musica occitana Gric de Prat. Pedagòg e especialista en educacion. Es adara musician e professor d'occitan

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions