CAPÇALERA: ETH LO
CAPÇALERA2: ESTRENA DE L'AN

Jornalet, gaseta occitana d'informacions

Dijòus, 20 de febrièr

Eric Roulet

Dimècres, 9.5.2012 03h00




Lo secret deu bonur


Comentaris 5 comentaris    
Dolent Fluix Bo Molt bo Fabulós (8 vòtes)
carregant En cargament


Escrivuri aquesta petita istuèra i a bèra pausa. Quan me tornèt a la memòria, me pensèri que se podèva trobar plaça dens las cronicas deu Jornalet.

Lo vielh Nadau que’ m balhèt lo secret deu bonur.

Atau, un jorn que devisavam dens la cosina. Lo Nadau qu’es un vielh òmi, e lo bonur, que s’i coneish, qu’ ajut lo temps de l’estudiar.
 
"Tot es dens los ulhs", me disèva, "dens los ulhs d’un òmi, se pòt  legir tot çò qu’es o tot çò que se pensa d’estar. Se pòt legir sas jòias tanben com sas penas, sos espers tanben com sas paurs. Me sustot, te pòs negar dens los ulhs de l’aut. Es aquí lo secret deu bonur”.
 
En tot díser aquò, lo vielh Nadau m’espiava de sos ulhs clars com los d’un mainatge, d’aqueth ulhs que s’an sabut de non pas vielhir. Atau comprenori lo secret de Nadau.
 
Mes  es pas de bon guardar, lo secret de Nadau. Lo que lo ten, ten tanben lo besunh de l’escampilhar, d’u pertatjar dab los que lo pòden compréner. E jo tanben, me lo  falut partatjar.
 
Es atau qu’ajuri l’idèia d’anar véser los grans d’aqueth monde, eths, solide, pòden escampilhar lo secret  de Nadau de pertot, de cap aus que lo pòden compréner.
 
A Bordèu, los grans d’aqueth monde, damoran dens un gran ostau de vèire, aqueth que d’enlà s’i pòt véser passar Garona.

Alavetz, m’i presentèri, i esturi recebut per un gran Mossur, dens una  grana peça deus shèitis prigonds e confortables. Darrèir una grana taula, me dishot:

 - "Vos escoti".

 Alavetz li èi tot contat, Nadau, la cosina e lo secret deu bonur que fau escampilhar de cap au monde. E parlavi, parlavi, lo Mossur escotava, escotava.

E com  parlavi deu secret de Nadau, m’èi volut gahar son espiada: mes los ulhs perhumats deu Mossur èran vuides, talament vuides qu’en travers d’aqueths, s‘i vesèva passar Garona, enlà, au  darrèir deu gran ostau de vèire.
 
Se levèt :

- "Nat problema, vos telefonaram, vos faxaram, vos imèilaram...”

M’a pas jamei telefonat, m’a pas jamei faxat, m’a pas jamèi imèilat.

Alavetz,  comprenori, que los que pensan nòste bonur, los que saben çò qu’es bon per nosauts, non volen pas deu secret de Nadau. Dempui lo gran ostau de vèire, las solucions son tant aisidas e apareishen tant claras que n’i puirim pas sonque guastar las causas.  Los i devem har fisança, eths que saben.
 
Jo ne sèi pas çò qu’es bon per nosauts, medish non sèi pas çò qu’es bon per jo. Èi plan comprés: n’aurèi pas ma plaça dens lo gran ostau de vèire.

Es per aquò que soi aquí, a contar mas istuèras shens solucion, a escotar en travers deus sègles las questions shens responsas deus que s’an viscut aquí, davant nosauts.



publicitat
BANER1: AOF



Comentaris

10 de mai 23.40h

#3
Eh Pep, balhaire de leiçon, ès de Pepinhan o de PeRpinhan?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 de mai 20.55h

#3
Pep, es de bordalès...nat chepics a emplegar aquestas fòrmas...


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

9 de mai 16.37h

"me lo falut" ??
"istuèra" òrre francisme, òu!


Valora aquest comentari:   votar positiu 0   votar negatiu 7
Respondre comentari replica Comentari inadequat   Formulari d'abús de comentari

9 de mai 14.52h

Gràcies per compartir eth secret de Nadau. Quin article mès polit!


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

9 de mai 14.30h

Gràcies per compartir eth secret de Nadau. Quin article mès polit!


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Eric Roulet

Eric Roulet logo rss

Creator, compositor e contaire de la companhia de musica occitana Gric de Prat. Pedagòg e especialista en educacion. Es adara musician e professor d'occitan

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions