CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 18 de julh

Eric Roulet

Dimècres, 27.3.2013 03h00

Elègi de la tendressa


Comentaris 6 comentaris    
Dolent Fluix Bo Molt bo Fabulós (8 vòtes)
carregant En cargament


M’an dit que lo Papa navèth, lo Francés 1r, dens la sua purmèira messa, parlèt 5 còps au mens de tendressa… Sii pas estat un Papa, qu’agin trobat aqueras paraulas au mens estranhas, passadas, risolèiras, de bon trufar… E vos en disi pas mei.
 
Dens lo Monde que vivem, los mots atau com “tendressa” o “amor” son mei o mens hòrabandits o condemnats a una conotacion sexuala.
 
Egau, a dus mil ans d’alà, un aute òmi, Jèsus, avè ja parlat d’amor e lançat a l’umanitat sa frasa famusa: “Aimatz -vos los uns los autes”. Una idèia plan mei revolucionària d’aqueste temps que non pas a l’ora d’ara, dens un Monde on l’esclavatge èra lo fondament principau de l’economia.
 
Dempui, esturen una tropa de tornar gahar la paraula dau Crist. Una paraula que traversèt l’istòria, sovent desvirada, sovent utilizada mes pas jamei desbrombada. Los quites trobadors, dab lora ideia de paratge, portèren un messatge d’amor daus òmis los uns cap auts autes, e digun se trufèt.
 
Me sembla, mes solide que me pui enganar, qu’es lo purmèir còp qu’amor e tendressa son vasuts de las paraulas vergonhosas o solament sexualas. E son pas sonque los mots que se pòden pas mei emplegar: son las ideias que pareishan d’estar passadas de mòda.
 
Digun pensa pas mei que se pòt aimar los auts, lo sol amor (non sexuau) reconeishut es lo de si-medish. Darrèir l’amor, cercatz l’interés personau: lo concèpte es en via de desaparicion.
 
Quala societat sem donc a bastir? La de l’interés materiau pemanent e de la mauhisança cap a l’aute? La que deisha càser tota ideia colaborativa per i véser sonque manipulacion?
 
Los mèdias, en tot tòrçer los mots, en tot héser l’elègi de l’escasuda personau, hésen entrar chic a chic dens los caps l’abandon de l’amor e de sa manifestacion umana: la tendressa.
 
Nos i sem pas mauhisats: la causa s’espandit lentament, a mesura que passèren las annadas. Tota paraula d’amor s’es trobada trufada, o desvirada cap a una sexualitat malaudiva. E pendent que las ideias de convivéncia passavan de mòda, los que ganhavan, dens los mespretz daus auts, los “vencidors” èran laudats.
 
Tots que sabem egau que l’éster uman non pòt pas víver plan shens aimar e shens estar aimat. Tots que sabem que la batalha contra los autes pòt desliurar lo poder e la riquessa, mes non pas lo bonur. Qu’ic sabem, mes gausam pas mei. La vergonha nos gaha e milhor causir lo malur que lo ridicule. Alavetz nos caram: nos caram sus las dolors nòstas, nos caram sau besunh de partejar dab l’aute. La soletat acaba de nos embarrar e de nos eslunhar: damòra las potingas e lo psicològ.
 
Mes on son passadas las idèias de l’educacion populària? On es passat l’Ostau Blu dau Maxime Leforestier? A l’escòla de la si-disenta crisi economica, cadun se diu petaçar com pòt.
 
Lo revolum que ven serà benlèu de refusar lo malastre au nom de l’economia atau de tornar trobar la frairetat. Lo revolum que ven serà benlèu de tornar bastir amassa un monde virat cap a la tendressa.
 
Fin finau, las paraulas dau Crist damòran un còp de mei d’espelir, e quan lo Papa s’en hèi lo relais, anonça benlèu la modernitat de doman.



publicitat
BANER1-2-3: DGPL DICTADES



Comentaris

29 de març 16.25h

Aquò dit, seré estat estonant que bfmtv = rmc (cadena deu pojadisme e de la dreta descomplexada), e lo figarò (presentam pas mei sas hèitas d'arma) tustin suu papa. Autant demandar a l'IEO de tustar suu PS !


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

28 de març 15.18h

E enquèra mai interessant :

http://www.bfmtv.com/international/un-ex-militant-victime-dictature-argentine-defend-pape-francois-476714.html


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

28 de març 15.14h

#2 Sul ròtle del Papa jos la dictatura argentina :

http://www.lefigaro.fr/international/2013/03/21/01003-20130321ARTFIG00599-argentine-une-victime-de-la-dictature-dedouane-le-pape.php


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

28 de març 09.08h

Que son los de la maison blua de Maxime Leforestier qu'an bastit aqueth monde de moneda...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

27 de març 11.47h

Completament d'acòrdi amb Masdiset.
Ont èra sa tendressa pendent la dictatura argentina ?

Una religion, es pas qu'una sècta qu'a ben fonccionat. Li fau combatre, totjorn !


Valora aquest comentari:   votar positiu 3   votar negatiu 4
Respondre comentari replica Comentari inadequat   Formulari d'abús de comentari

27 de març 10.00h

totun, aquò pòrta a sonríder qu'un papa parli de tendressa...
dab l'eiretatge de la glèisa, los massacres commes en son nom, dus mila ans de luta contre l'emancipacion populària, e dab las valors que promau encara uèi-lo-dia ! esperi que t'enganas, Eric, sus la modernitat de doman. la glèisa, com totas las glèisas, aquò's pas que paraulas vuitas. quand s'agís de defénder a las gents, causís tostemps lo medish costat : lo poder, los rics, l'economia e l'òrdi morau fàcia aus oprimi... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Eric Roulet

Eric Roulet logo rss

Creator, compositor e contaire de la companhia de musica occitana Gric de Prat. Pedagòg e especialista en educacion. Es adara musician e professor d'occitan

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions