CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Eric Roulet

Dimècres, 13.11.2013 03h00

Bretanha: una revòlta de l’identitat


Comentaris 3 comentaris    
Dolent Fluix Bo Molt bo Fabulós (2 vòtes)
carregant En cargament


“Un homme averti en vaut deux”

 
Nos aurà pas escapat: la revòlta daus “bonets roges” es una revòlta identitària.
 
I avot pas sonque los mediàs francés per ic non pas véser…
 
Dab una beròia lenga de mut, radiòs e televisions son a charrar dempui una setmana atau de saber perqué son los bretons qui, çò purmèir, an levat la bandèra de la revòlta.
 
Solide que te tròban a pièla de las rasons economicas especificas d’aqueth parçan de França e son pas economicas, son sociologoicas o politicas…
 
I a pas qu’una causa que los i escapèt: dens la mareja umana daus protestaires, i avè pas sonque de bandèras bretonas e los capdaus, tranquillòts, parlavan de l’economia bretona coma bretons que son. Nat nacionalisme revindicat, nada exclusion dau çò d’aute de França: la revòlta daus “bonets roges” s’acontenta d’estar bretona.
 
E los mediàs francés de non pas compréner…
 
Solide, es pas doman que comprendràn, eths que pareishen de ne pas saber que Bretanha es pas sonque un endrèit geografic barrejat de danças folcloricas. A mens que i agi consigna de non pas véser.
 
Aquò explica plan de causas: en delà dau refùs de reconeishença de las culturas regionaus e de mei dau jacobonisme (pas jamei mòrt e en plen reviscòu), i a la desconeishença prigonda de l’existéncia d’autas culturas dau territòri nacionau.
 
L’istòria farlabicada e lo mespretz de las lengas regionaus estèren talament prigonds dens lo passat, que los mèdias, e probable bèra tropa de gents dau nòrd, poden pas mei concéver una auta cultura que non pas la lora.
 
A nosauts, adara, d’eslissar sus l’ignorança per milhor davançar.
 
Lo poder francés n’a pas vist venir la revòlta pr’amor dau son mespretz de l’istòria de Bretanha: lo “bonet roge” semblèt pas sonque qu’un vestit folcloric.
 
Qu’èra de ne pas saber que la mesclanha de l’identitat e de las talhas amolonadas, tant de còps dens lo passat, amainadèt de las revòltas… A Bordèu, la causa se torna trobar casi cada sègle enter la conquista francesa (1453) e la Revolucion: la de la “gabela” en 1542, la de l’Omada en 1651, la dau papier timbré en 1675, (que tanben se debanèt en Guiena) e pui son los deputats de Gironda que lutan prau federalisme.
 
Tant que i avot una identitat bordalesa, las talhas impausadas per un estat de mei e en mei chucaire, esturen viscudas per lo pòble coma una presa de poder de non pas suportar.
 
Prenuri l’exemple de Guiena que coneishi plan, mes solide que se torna trobar de pertot…
 
A nosauts donc, de desvelhar l’istòria e d’en tirar la fòrça de bastir, pas sonque dens la revòlta, mes tanben dens la lenga o dens l’economia. L’istòria damòra la via principau de desvelh de l’identitat, e los país de l’identitat reviscolada, trobaràn, solide, dens l’avenidor una fòrça navèra de creacion.
 
 
_____
– La révolte du papier-timbré (wikipedia)
– Ormée (révolte de l’). (Dictionnaire Larousse de l’Histoire de France édition 2005).



publicitat
BANER1-2-3: DGPL TRADUCTOR



Comentaris

27 de novembre 11.24h


Ua revolta de l'identitat? A bon, jo m'ei credut qu'era ua revolta de l'agricultura industriau arribada au cap de l'emposoament de las terras e que troba pas mes d'escolament peus sos produits entecats, la fin de l'ideologia de la FNSEA.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

15 de novembre 09.45h

"A mens que i agi consigna de non pas véser."

Ne cau pas véder complots pertot.
Endeus mèdia e endeu monde politic dens lo son ensems, ne i a pas nada identitat auta que la francesa. Las "regions" com disen que son utilasper l'exotisme deus… Parisencs que vòlen polsar…

Levat aquò, ne soi pas segur de l'"identitat" d'aqueras manifestacions. Dens tots aqueths grops de pression que repotègan, e damb rason, contra las taxas, son nombrós los que butan los autes endavant e que se content... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

13 de novembre 15.34h

Complidament d'acòrdi.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Eric Roulet

Eric Roulet logo rss

Creator, compositor e contaire de la companhia de musica occitana Gric de Prat. Pedagòg e especialista en educacion. Es adara musician e professor d'occitan

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions