CAPCALERA: Lo Diari

Jornalet, gaseta occitana d'informacions

Dijòus, 1 d'octòbre

Eric Roulet

Dimècres, 20.6.2012 03h00

De cap a las islas londanhas


Comentaris Pas cap de comentari    
Dolent Fluix Bo Molt bo Fabulós (5 vòtes)
carregant En cargament


Gabarra dens lo pòrt de Roian
© Josep Cairon




Etiquetas
bordèu, camilha, islas, pòrt, roulet

En seguit de l’article de la setmana passada, aquesta istueròta tirada de l’especatcle Bordèu de Gric de Prat pareish de trobar sa plaça dens las cronicas deu Jornalet. Lo Camilha deu conte se puiré plan d’estar lo Giròni-Armant Cairon de la setmana passada: destin de bordalés, segur, mes benlèu de tot pòrt e de tot imaginari…
 
De segur, Camilha totjorn se remembrarà deu planh de las sirenas deus naviris, alà suu pòrt.

Aqueras sirenas que s’emportavan suus saunèis de mainatge de cap a las islas londanhas, quan s’acocorava dens lo lheit petit de l’ostau vielh deu Cors deu Capèth Roge.
 
Probable qu’es pr’amor d’aqueste remembrís, que, quan lo capitani de Rocahuelha hasut saber dens tota la ciutat que lèu se’n aniré har un viramonde suu naviri lo Bordalés, Camilha se presentèt. Non i ajut pas de besunh de nada paraula, sonque d’espiar de sos uelhs negres, lusents coma la brasa: lo Capitani jà coneishèva lo cant de las Sirenas.
 
Mes la vita non era pas aisida suu naviri lo Bordalés, e de còps, lo dròlle tornava soscar au Cors deu Capèth Roge e au mainat endromit au cant de las Sirenas que s’emportavan los saunèis de cap a las islas londanhas… Alavetz colavan las lagrimas e alavetz lo capitani que te l’espiava e que li sonrisèva, e aquò sufiseva per apasimar lo mainat, non era pas mèi lo sol, d’auts que sabevan… Es atau que fau váser gran suu naviri lo Bordalés.
 
E lo viatge durèt longtemps, longtemps dinc’a las islas londanhas de Maurici.
 
Era negra coma la lenha d’ebèn, e bèra coma la nueit. Dens los sos braçs, Camilha descubrit lo plaser que se pòt sentir dab lo son còs, e milhor que dab nada gojata de Bordèu, descubrit que se pòt ríser dab lo son còs, qu’aqueste ríser es un bonur que i pas nada rason d’en aver vergonha.
 
Es per aquò que, quan lo naviri lo Bordalés seguit son camin, Camilha damorèt. Es tanben per aquò que vasèren Jausep e Alcide, dens la libertat de las islas londanhas. Mes a còps, e de mèi en mèi sovent, Camilha tornava soscar au cors deu Capèth Roge e au mainat endromit au cant de las Sirenas que s’emportavan los saunèis de cap a las islas londanhas. Alavetz colavan las lagrimas. Mes era, hilha de las islas, non podeva sentir atau com eth, aquí se trovava lo son monde, aquí vivèva son saunèi.
 
Atau quan lo naviri lo Bordalés s’en tornèt de son viramonde, Camilha se presentèt. Non i ajut pas de besunh de nada paraula, sonque d’espiar de sos uelhs negres, lusents coma la brasa: lo Capitani jà coneishèva lo cant de las Sirenas.
 
Mes au jorn de s’anar, eran tres, Camilha sarrava hòrt dens cada de sas mans las manòtas de Jausèp e Alcida. E jà contunhava de las sarrar quan apercebut dens la nuèit las lutz de Cordoan. Alavetz comprenot que non tornaré pas jamèi partir... Atau s’acabèt lo cant de las Sirenas.
 
La pòrta de l’ostau vieilh deu Cors deu capeth rotge s’aubrit, Alcide e Jausep entreren dens la sala grana, pui se botèren a jogar. Eran a l’ostau.
 
Saurà pas jamèi lo Camilha, qu’alà, dens los braçs d’una beutat negra coma la lenha d’ebena e bèra coma la nuèit, una mainada venèva de váser, e que portaré lo son nom.
 
Jausep e Alcida esturen ensenhats a Bordèu, l’un es vasut armator coma lo pair, l’aut Maire-adjunt de Bordèu. Aquò se debanava plan d’annadas davant l’ablolicion de l’esclavatge, dens Bordèu, pòrt negrèir.



publicitat
BANNER1: IEO Arièja



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Eric Roulet

Eric Roulet logo rss

Creator, compositor e contaire de la companhia de musica occitana Gric de Prat. Pedagòg e especialista en educacion. Es adara musician e professor d'occitan

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions