CAPÇALERA2: FAI-TE SOCI

Jornalet, gaseta occitana d'informacions

Divendres, 22 de febrièr

Fabien Lecuyer

Divendres, 20.1.2017 03h00

Espòrts tradicionals: los exemples bretons e normands


Comentaris 3 comentaris    
Dolent Fluix Bo Molt bo Fabulós (1 vòte)
carregant En cargament


A l’ora d’ara, i a fòrça clubs de Gouren en Bretanha qu’amassan entorn dos mila “gourenerion” (lutaires)
© Monique Pinguilly




Etiquetas
bretanha, espòrts tradicionals, gallò, lecuyer

Coneissi pas pro la situacion occitana per tot çò que pertòca los espòrts tradicionals. Aquò fai que sabi pas s’avetz d’espòrts nacionals qu’an un vertadièr succès popular dins la societat occitana.
 
En Bretanha avèm quauques espòrts coma aquò que son pas unicamant d’espòrts confidencials. Pensi subretot al Gouren, la “luta bretona”. A l’ora d’ara, i a fòrça clubs de Gouren en Bretanha qu’amassan entorn dos mila “gourenerion” (lutaires). A l’ora de lutar dins un tornèg, los gourenerion prèstan jurament en breton o en gallò de lutar leialament. Totas los entressenhas, punts e penalitats son balhadas en breton (un pauc com al judo amb lo japonés). Chal notar qu’aqueste espòrt èra pas un espòrt bas o naut breton autrescòps mas un espòrt breton. Un vertadièr espòrt nacional breton: Anueit lo jorn i a de clubs un pauc pertot suls 5 departaments e de competicions regularament. Entre clubs bretons o contra d’autres nacions. D’efièch totas las lutas tradicionalas europèas son amassadas dins una federacion europèa. E aquesta federacion organiza un campionat internacional. Lo darrièr se debanèt a Brest l’an passat. Dins los tornègs de Gouren i a una ambient un pauc... nacionalista (breton ben segur!)
 
En mai d’aquò, avem tanben un fum d’espòrts tradicionals que jogam, prumèir, dins lo cercle familial, mas qu’an tanben en de competicions e campionats. Los palets sus chaplador per exemple. Es tipicament lo joc breton (o mai precisament gallò). Un pauc coma la vòstra petanca. De concors son organizats cada dimenjada un pauc pertot en Nauta Bretanha e, ara, quitament en Bassa Bretanha ont los palets (gallòs) ganhan de terren. Cada annada, èra organizat lo campionat de France a La Gherche/La Guerche (35). Mas dempuèi 2005, es achabat. En 2005, 900 còlas participèron quand mesme! Quauques tèrmes en gallò son emplegats dins aqueste joc. An joc a d’autres jòcs de palets en Bretanha mas èran mens populars.
 
Per çò que pertòca los espòrts per esquipas, n’i a un qu’a pres fòrca en Bretanha, es lo fotbòl gaelic. A l’ora d’ara i a un campionat de França e un campionat de Bretanha! Dins lo campionat breton i a 10 clubs e doas divisions! Dins lo francés, 12 clubs e una division solament. En Occitània avètz un club a Tolosa (lo cap del campionat de “France”), un a Clarmont d’Auvernhe, un a Bordèu e dos en Provença. Ben segur, los clubs bretons son los mai fòrts! (zo chal díser!)
 
En Normandia i a tanben un espòrt tradicional que marcha ben: la choule. Es una mena d’hockey sus pelon. Los militants normands son fòrça implicats dins son desvolopament. I a d’autres espòrts tradicionals normands tanben mas son mens populars. Chal visitar aqueste lo sit jeuxtradinormandie.fr per los descobrir.





Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat



Comentaris

22 de genièr 11.24h

E las Ajustas lengadocianas, cau venir lo jorn de la Sant Loís (aquela puta) a Seta per veire quant es popular. Sensa doblidar la Targa provençala.
Viva las ajustas!
(Vos remande a la cançon de Josep Solet "l'ajustaire" e au trabalh remirable de F. Carcasses)


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

20 de genièr 11.53h

"Aquò fai que sabi pas s’avetz d’espòrts nacionals qu’an un vertadièr succès popular dins la societat occitana."

Ai mancat m'estofar au legir d'aquò !!

LA PETANCA, TRÒN DE DISQUI !!!


Valora aquest comentari:   votar positiu 9   votar negatiu 0
Respondre comentari replica Comentari inadequat   Formulari d'abús de comentari

20 de genièr 11.36h

En Roèrgue avèm las quilhqs de uècch qu'es lo segond espòrt en nombre de licenciat en Aveiron, aprèp lo foot e qu'es estat codificat i a un pauc mai d'un sègle pels emigrats parisencs.


Valora aquest comentari:   votar positiu 12   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Fabien Lecuyer

Fabien Lecuyer logo rss

Jornalista breton, es alcap del setmanier en galo Runje

mai d'informacions

contactar l'autor

Mai d'articles

Archius




Etiquetas

D'autres articles


Jornalet, gaseta occitana d'informacions