CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimècres, 20 de novembre

Fabien Lecuyer

Dimenge, 5.3.2017 03h00

Occitània, un vejaire d’endacòm mai


Comentaris 5 comentaris    
Dolent Fluix Bo Molt bo Fabulós (8 vòtes)
carregant En cargament


Coma sabètz, sei pas occitan, sei breton. Ai descobèrt Occitània e la problematica nacionala occitana quand ai començat a militar per Bretanha. Dins lo partit ont militave, aviam de “relacions internacionalas”. E per Occitània nòstre partenari èra Anaram au Patac. Mas per ieu, a l’epòca, Occitània era quauqua ren de vague, d’ imprecís. Quauqua ren “ailaval”, “au sud”, “dins lo mèijorn”, dau costat dau Bascoat, de Catalonha. Mas ont precisament? Hmm... Per exemple, sabiá pas que mon oncle de “Souwchina” (Chaussenac) parlava l’occitan. El, disiá que parlava lo “patoès auvernhat” o “l’auvernhat” e ren d’autre. Dins mon vejaire d’alura, l’occitan èra puslèu la lenga de Bearn o de Tolosa.
 
E, levat los mitans militants, enluòc aviá ausit parlar d’Occitània. E crese qu’en Bretanha, lo monde aviá jamai ausit parlar d’Occitània.
 
Ben segur, aprèp, ai descobèrt Occitània amb totas sas richesas e sa grandor. E puèi ai descobèrt l’occitan gràcias a Jornalet e... Li Nouvello de Prouvènço.
 
Mas, dempuèi que la region qu’a pres lo nom d’Occitània es estada creada, ausisse parlar d’Occitània totes los jorns aicí en Bretanha. “D’Occitània” e “d’occitans” en mai d’aquò! Per la metèo, o a chasque cop que i a un fait divèrs, un eveniment, un meeting politic dins los 13 departaments, ausisse dire lo mot “Occitània” (o puslèu “Occitanie” de segur). E, d’ara enlà, en Bretanha, es pas rar d’ausir lo monde dire qu’anaràn “en vacanças en Occitània” a l’estiu.
 
Alura, sabe qu’aquesta region es pas tota Occitània. Sabe! Sabe tot aquò mas crese ça que la qu’aqueste nom per la region fa avançar vòstra causa. Benlèu que podètz utilizar amb astúcia la situacion en luòc de l’atacar, de s’opausar frontalamant. Carole Delga vos a fait un bèl don, de verai: lo nom de la region es pas “Occitània” mas “Occitanie - Pyrénées Méditerranée”. Benlèu que podètz imaginar una tactica sus aquesta subtilitat. Occitània es un grand país mentre que la region Occitanie - Pyrénées Méditerranée es una region administrativa. Reclamatz que las autras regions occitanas inclusan lo nom “Occitània” dins lo nom o dins lo sostítol: “Nòva Aquitània -Occitània”, “PACA-Occitània” quand se parla de regions occitanas daus territòris. O trabalhatz al nivèl dels departaments en prepausant de sostítols coma “país occitan” o “territòri occitan” sus l’exemple de Tarn “Cœur d’Occitanie”. Imaginatz “Cantal, l’Auvèrnhe occitan” per exemple o “Dordonha, l’autra tèrra occitana”. Chal profeitar dau renom novèl daus noms “Occitanie”, “occitan, “occitane” per traire profeit per la causa. D’ara enlà, “Occitanie” es devengut un produit marketing.
 
De còps que i a, de desfaitas son de victòrias desguisadas!
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

8 de març 11.14h

#4 Als que s'ocupan de la grafia condrecha dals toponimes occitans, a quau deve m'adreiçar precisament ? Que i a de noms que contenon de decas etimologicas dinc mon caire de Cevenas. Devon èstre corregits. Gramecí d'avança.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

7 de març 12.35h

Car amic, a la Wikipèdia occitana fasèm tot perque totes los noms de comunas occitans pòscan aver lor forma grafica corrècta sus nòstre sit, qu'es lo de tots los occitans. S'escriu Chaucenac, amb C etimologica. https://oc.wikipedia.org/wiki/Chaucenac


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

7 de març 09.31h

"Reclamatz que las autras regions occitanas inclusan lo nom “Occitània” dins lo nom o dins lo sostítol"

Es juridicament IMPOSSIBLE. Quant de còps va caler lo dire ?

Cau passar a autra causa ara, e inventar d'autrei formas de promóure l'idèa d'Òc. Lo temps de l'occitanisme unic deis Aups dins ai Pirenèus es acabat.


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

6 de març 16.02h

''lo nom de la region es pas “Occitània” mas “Occitanie - Pyrénées Méditerranée”.

Es sonque la region que se resèrva lo nom Occitània Pirenèus Mediterranèa. Lo decret ministerial parla de region Occitània (e pas d'Occitània Pirenèus Mediterranèa): https://www.legifrance.gouv.fr/eli/decret/2016/9/28/INTB1617888D/jo


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 de març 17.13h

Utilizar “Occitanie" dins un nom de region coma si era una sinècdòca d'"Occitania", es una idèa. Segur que ara se va ausir parlar d'“Occitanie" dins de mitans pauc abituals coma la premsa francesa, las prefecturas o las autras institucions de l'Estat. Dins la region dicha "Occitanie", pòt benlèu ajudar los locutors naturals (e ne demora mai que ço que se vetz) a comprene que parlan occitan et pas "patoès".


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Fabien Lecuyer

Fabien Lecuyer logo rss

Jornalista breton, es alcap del setmanier en galo Runje

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions