CAPÇALERA2: IEA-AALO

Jornalet, gaseta occitana d'informacions

Divendres, 14 de decembre

Fabien Lecuyer

Dimècres, 5.12.2018 03h00

Decepcion


Comentaris 10 comentaris    
Dolent Fluix Bo Molt bo Fabulós (7 vòtes)
carregant En cargament


Dins lo documentari celèbre sus lo movement nacionalista corse Génération FLNC, François Sargentini, elegit Corsica Libera a l’assemblada de Corsica, ditz: “quitament al pire de la guèrra entre nacionalistas dins las annadas 90, ai pas jamai dobtat del movement nacionalista còrse” (e chal saber que son fraire Natale foguèt tuat pel “Canal Habituel” durant aquesta guèrra)
 
Ieu, diriái pas la meima chausa, paubre!
 
Per aquò, presentament, sei DESESPERAT pel movement breton, “an Emsav”.
 
En 2013, l’Emsav foguèt a la punta del movement dels Bonets Roges. Cap e tot! Aquela passada foguèt lo rescontre entre l’Emsav e lo pòble breton. Un vertadièr rencontre! E per nosautres, foguèt un moment d’euforia. Maugrat las diferéncia de vejaire, TOTS LOS MOVEMENTS NACIONALISTAS BRETONS s’impliquèron dins la batalha sens cerchar lo nas darrier l’aurelha, sens cerchar garrolha per una virgula mal plaçada. E pasmens i aviá tots les vejaires dins los Bonets Roges. TOTS! Ai pagat plancardas per una lista independentista amb un Bonet Roge de mon parçan. La setmana passada aviá pagat ja per... Nicolas Dupont-Aignan. E un autre dins la meima cola èra un partisan de Mélenchon.
 
Mas, èrem tots bretons e sabiam qu’aquela passada èra una virada. Un moment d’unitat nacionala bretona. Los bretons desgotats per França eran tots ”tochats” per tal o tal partit protestatari frances, mas la crisi dels Bonets Roges aviá desvelhat lor “bretonitude”. E, atal, lo Gwenn-ha-du, lo drapèl breton era devenguda lo simbol de la protèsta e de l’espèr.
 
Alavetz, òc de segur, lo movement del Bonets Roges era un movement especificament breton. Òc, sabi tot aquò mas los militants bretons eràn dins los manifestacions, dins las amassadas, dins los convises per conscientizar los bretons. Puta! Al comencament los Bonets Roges volián res que la supression de l’ecotaxa e aprés quauques accions e amassadas reclamèron la reünificacion de Bretanha e de “Viure, trabalhar e DECIDIR al país”. L’amistat naissuda al pè dels portics cremats aviá fach son obra.
 
Mas, aqueste còp, l’Emsav es passat a costat del movement dels Gilets Jaunes. Franc! Completament!
 
Perqué? Sus los barratges, i aviá tot plen de bonets roges e de Bonets Roges. Tots los rotièrs, los artisans, los particulars qu’eràn amb nosautres i a 5 ans d’aquò eràn alà. A la meima plaça. Amb los Gwenn-ha-du, lo drapèl breton. Mas pas los “emsavourion” (los militants bretons). Òc-ben, lo Partit Breton aviá apelat lo monde a manifestar. Mas lo Partit Breton es puslèu lo partit de las reunions, dels convises e pas de l’accion.
 
Ont son los nacionalistas bretons doncas? A devisar sus Facebook. A cerchar se i a de “nazis” dins las amassadas dels Gilets Jaunes. A devisar òras e òras per saber se chal anar defilar amb de Gilets Jaunes que son possiblament de nebots del vesin d’un membre del RN. “Perque lo movement breton es d’esquèrra” comprenètz... A! E a la tele vesèm belcòp de drapels francés tanben. “Es ben pròva qu’avèm res a faire amb aqueste monde” pechaire!
 
Aquò’m fait mal. Es lamentable. Miserable. L’esquèrra francesa a abandonat lo poble “old school” e fasèm la meima causa. Sèm a abandonar nostre poble pròpri! Perque? Per esnobisme ideologic! Pr’amor sèm lasches. Per çò que sèm copats de la populacion. Per ço que sèm una secta.
 
Sabi pas cossí es la situacion pel movement occitanista. D’après çò que legissi sus Jornalet es pauc o pro la meima causa en çò vòstre. Quand legissi Jornalet sei totjorn esbaubit da veire tot lo vam manjat per saber se i a un “T” a “FADAT” en bas-gascon de Pojastruc. Es coma se l’occitanisme era puslèu un movement ortografic que politic. Puslèu mèstre Capello que Jean-Guy Talamoni d’un cèrt biais.
 
Vos demandi excusas per aquesta rigolada mas sei decebut per los nòstres movements. E sèm dignes de los nòstres pobles? Cresi pas.
 
 
 
 


abonar los amics de Jornalet
 



publicitat



Comentaris

7 de decembre 08.18h

#9 Benlèu o sabètz pas: ieu tanben ai una vision fòrça critica sus la direccion de Calandreta, o ai dich publicament mai d'un còp. E ieu tanben ai criticat la crisi de l'occitanisme. En luòc de m'atacar gratuitament, poiriatz assajar de saupre çò que ne pensi en realitat: https://www.assemblada.org/occitan/bulletin-crisi-de-l-occitanisme-intro/


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

7 de decembre 08.12h

#8 "Purisme" E MAI "sectarisme" : cal èsser complèt ! Ne sabi quicòm. N'ai pro vist e pro viscut dins l'occitanisme e, fa pauc de temps encara, al dintre de Calandreta, istitucion ont lo dialòg es vengut monològ e solesa dels mai afogats que, plan-plan, son convidats a sortir per lo portalet sens menar bruch, se vos plai, al risc de se véser acusats d'"element nosible". E ne tèni las pròvas escrichas per mai d'un sòci... descorat.
Es defuntat l'occitanisme-rebat de la societat, defunt... Legir la seguida


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

6 de decembre 22.35h

#6 Fasètz una ataca personala qu'a pas de rapòrt amb l'article de Fabien Lécuyer. Aicí sus aquesta pagina siáu vengut escriure un comentari per encoratjar l'opinion politica de Fabien Lécuyer, aicí siáu pas vengut per parlar de lingüistica.

Ara que m'atacatz sus mon pretendut purisme, mon article venent s'entitolarà "Còntra lo purisme lingüisitic".
:D :D :D


Valora aquest comentari:   votar positiu 4   votar negatiu 2
Respondre comentari replica Comentari inadequat   Formulari d'abús de comentari

6 de decembre 20.36h

#6 ??? filosòfia lenguistica ??
sui pas anat tant lunh, desolat. me podetz escarnir !


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

6 de decembre 08.35h

#4 Sètz vos que disètz aquò ? Assajatz de va aplicar dins la vòstra filosofia linguïstica per començar.
Sabi pas se devi rire, plorar o vos escarnir !
N'i auriá plan besonh d'un movement "Gilet Jaunes" al dintre de l'occitanisme e mai al dintre d'una istitucion que se sona... Calandreta. Per i aver obrat d'annadas e d'annadas dins aquelis dos, vos asseguri qu'un coma l'altre son plan malautes !


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

5 de decembre 22.34h

#4 as rason tiston. aquò's milhor de chucar lo client politic ende li héser créder la soa vision individualiste dreit-au-murista va cambiar lo monde, meilèu qu'ensajar de reflechir a s'organizar ende bastir quauquarren navèth e juste.
l'oportunisme politic, n'i a pas arren mei eficaç (l'etica e lo sens de l'istòria, pfff, quí s'i poiré interessar ?)

shens ironia adara : lo cinisme (lo vòste com lo deus gilets jaunes o lo deus macronistes), arriba un moment qu'aquò me hèi venir lo ... Legir la seguida


Valora aquest comentari:   votar positiu 3   votar negatiu 5
Respondre comentari replica Comentari inadequat   Formulari d'abús de comentari

5 de decembre 18.38h

Lo purisme e lo sectarisme son enemics de l'eficacitat politica.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 de decembre 10.37h

En mai 1968 e apres, crompavam pas dau numeric mas de las veituras e daus aparelhs menagers.
Sem dins una societat numerica e deman sera l'inteligença artificiala mas nòstra mentalitat es totjorn damorada aquela de la societat industriala ente sufisia de balhar un pauc mai d'argent per far taiser un estat d'amna.
Si lo movament daus gilets jaunas se planta après lo moratoire dau governament, lo movament tornara partir d'un autre biais perque nòstra mentalitat es pus adaptada a una societa... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

5 de decembre 07.51h

Òsca!
Es dit e plan dit, monsur Lecuyer.
Disiái a quicòm pròche la meteissa causa que tu fa un o dos meses. Aban les Gilets jaunes, rai.
Ei pas cambiat de vejaire, nos cal amassar e debrumbar un temps las guèrras pichonas abitualas que nos abestisson.


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

5 de decembre 07.39h

se pòden demandar tanben si lo puple es digne d'eth medish ? a un moment, fau sàber véder las responsabilitats en fàcia : es pas pr'amor de las idèas progressistas que s'aurén pas sabut adaptar au puple que tots som a venir individualistas shens idèa comuna.

n'èi pas francament enveja d'anar pérder mon temps ad una rotonda ende demandar l'esséncia pas cara, a costat de monde que passan son temps dens lo centre comerciau a causir lo navèth telefòne mobile, damb mei de gigas e de pix... Legir la seguida


Valora aquest comentari:   votar positiu 6   votar negatiu 20
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Fabien Lecuyer

Fabien Lecuyer logo rss

Jornalista breton, es alcap del setmanier en galo Runje

mai d'informacions

contactar l'autor

Las mai...


  • Decepcion
    Amb 10 comentaris. 5 de decembre 03h00

Mai d'articles

Archius




Etiquetas

D'autres articles


Jornalet, gaseta occitana d'informacions