CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Divendres, 23 d'agost

Fabien Lecuyer

Dimenge, 11.8.2019 03h00

Quin occitan (o galò, o breton, ...) volèm? Lengas de societat o lengas de sècta?


Comentaris 29 comentaris    
Dolent Fluix Bo Molt bo Fabulós (27 vòtes)
carregant En cargament


Torni prene lo títol au Gerard Joan Barceló per parlar d’un problèma important dins nòstes mitans: l’embarrament ideologic.Barceló escriu: “en Occitània, la lenga nòstra es mai sovent una lenga de clubs, limitada a qualques corses, a de cercles e cafès occitanistas e de curioses”.
 
Sei ben d’acordi amb lo Gerard. Mas voldriai anar mai luenh: en Occitània e Bretanha las lengas nòstras son mai sovent de lengas de clubs o des sèctas esquerristas.
 
Lo mot es dit: “esquerrista”, es a dire la malaudiá infantila de l’esquerra. Per çò que... quand legi lo Jornalet o d’autras publicacions occitanistas ai lo sentiment qu’Occitània es un grand camp d’estiu d’Alternative Libertaire. Pasmens, quand espïi una mapa electorala, i vesi gaireben.... l’antitèsi!
 
Jornalet es lo rebat del movement occitanista? Benlèu... non... òc... un pauc forçadament d’aprèp çò que sabi... mas es lo rebat de la societat occitana? Alavetz, cossí un movement de liberacion nacionala pot esser a còntra-corrent de sa populacion ?
 
 
En Bretanha  ‘quò es tot parèir, rasseguratz-vos. E tot aquò vira coma un estranglader. Dins las annadas 70 chaliá èsser, en gròs, de l’esquerra CFDT per esser militant breton. O “marxista” coma l’UDB (d’aquel temp, tot s’explicava pel marxisme, sabetz ben, de la recèpta de l’aïoli a la deriva delhs continents). Or, ara, per èsser militant breton chal èsser e d’esquerra, e antifa, e feminista, e vegan, etc. Crèsetz que la populacion bretona es tot aquò? Non, de segur. Mas lo movement breton a creat un estranglader d’ont pòt pus se sauvar.
 
Un jorn, demandèri a un amic perque voliá pas s’engatjar dins lo movement breton. “Pechaire?” Que s’exclamèt “me veses dedins aqueste mitan? Es l’aliança de la ZAD e de Boboland. Mercés ben mas ieu sei normal”.
 
En vertat avèm seguit las derivas de l’esquerra dempuèi quauques annadas: esquerra liberala d’un costat (Strauss-Khann > Macron), l’esquerra societala d’un autre. L’esquerra liberala s’emmoca de las lengas nòstras per çò que rentran pas dins lo mite de la “Start-up nation” que parla globish, demora l’esquerra societala... E aquì, ‘quò es una vertadierà deriva sectària. Per ço que l’esquerra societala europèa es dins una deriva sectària mortifèra ! Suicidària ! E nos-autres, seguisson coma un tropèl d’oelhas. Gara! Sei pas de dreita per aquò. Mas pensi sovent dins la frasa de Cècè Buteau cantador de Canta U Populu Corsu e militant FLNC “avèm tròp politizat la lenga”[i]. Duscas a ne faire una lenga de sècta?
 
A una epoca m’ocupavi d’una emission politica en breton, francés e galò sus la radio RBG: le “parlement breton”. Arrestèri après doas o tres emissions: quand era lo torn del debat en breton trobavi pas de britofònes de dreita! Tot simplament! Los neo-locutors avián totes lo meime perfiu.
 
Alavetz, que volèm? L’occitan, lo galò e lo breton lengas de comunautats omogenèas, menas de messas en latin, o volèm que sián de lengas de societat? De tota la societat !?
 
 
 
 
 
 
 

 
[i] Documentari “Génération FLNC”



 



publicitat
BANER1-2-3: DGPL AN LAFONT



Comentaris

19 d'agost 15.53h

#16 Usatz d'un faus silllogisme, Gandhi tanben era en favor daus drechs de las bèstias. Bardot, l'i escupisse au cuòu.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

13 d'agost 18.52h

#18
Incultes ? E ben, me damande ben perqué disetz 'quò-'quí.

#23
A mens que chausisse de se paiar lo mesme salari que sos emplejats, non ? Mas 'quò deu pas 'ribar suvent !


Valora aquest comentari:   votar positiu 4   votar negatiu 2
Respondre comentari replica Comentari inadequat   Formulari d'abús de comentari

13 d'agost 18.45h

#16
Hitler era vegetarian.
Donc estre vegetarian , a partir de 'queu moment, ven un compòrtament de nazi ?

S'aprene que Macron aima lo fromatge, coma io tanben aime beucòp lo fromatge, forriá qu'arrestesse de ne'n minjar perque fau p'un piau aver los mesmes gosts, las mesmas ideias que de las personas qu'aimem pas ?

Sens rire ! E dijatz-me, si un jorn Marine Le Pen ditz que fau far quauquarren per l'occitan, 'restaretz de lo parlar ? Voudriá ben veire 'quò !


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

13 d'agost 12.06h

Se vèi qu’es una discutida bufèca, tinda cuc. Los sia disent aparaire de la cultura nòstra, aparan en realitat quicòm mai, s’amagan darrièr 50 annadas de malparadas escossentas dins totis los domènis que cargan sus l’esquina dels autres.

Aquò rai se trachon ben que truca l’afar, d’aqui l’eslogan : « loccitanisme deu cambiar » aronçat als 4 vents. Solament l’occitanisme cambia brica e cambiarà brica, l’occitanisme a pas la mesolha de se tornar pensar, la malauti... Legir la seguida


Valora aquest comentari:   votar positiu 6   votar negatiu 3
Respondre comentari replica Comentari inadequat   Formulari d'abús de comentari

13 d'agost 11.46h

L'idèia principala es de saupre distingir entre luta politica et luta per la lenga.

Son doas cosas totalament diferentas (o parallelas) e es una error de las confondre.
Dins la luta per la lenga i pòdon aver plan de posicions politicas pas solament esquerristas ...
Es atal qu o fasèm en Catalonha ... (mas encara avèm pas ganhat ...) ...


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

13 d'agost 11.04h

#23 siam mau partits...


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

13 d'agost 09.17h

#21 cada cap d'entrepresa se ganha son argent del trabalh dels autres, indepentament que siá qualqu'un de formidable o d'afrós.


Valora aquest comentari:   votar positiu 7   votar negatiu 5
Respondre comentari replica Comentari inadequat   Formulari d'abús de comentari

13 d'agost 06.51h

#9 #11 #12 Gramecí per l'alen fresc, realista e descomplessat de vòstra paraula !
#15 La libertat de pensar es un astre, un drech amai un dever. Mès l'aupinion entestardida es un orguèlh entellectuau que mena au refús d'ENTENDRE l'Autre, a l'ora de remar de cotria...


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

13 d'agost 06.34h

#6 Perdequé ? Tot chap d'entrepresa, dise ben "tot chap d'entrepresa" es forçadament la tirania encarnada ?
Ieu vese una grand diferença entre militança sindicala bien plaçada, mesurada d'un costat e discriminacion automatica de l'autre...


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

12 d'agost 20.52h

#19 L'enemic del país es tanben, de segur, e sustot, l'imperialisme francés.


Valora aquest comentari:   votar positiu 5   votar negatiu 4
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Fabien Lecuyer

Fabien Lecuyer logo rss

Jornalista breton, es alcap del setmanier en galo Runje

mai d'informacions

contactar l'autor

Categorias

Las mai...

Mai d'articles

Archius




Etiquetas

lecuyer   lenga   societat  

D'autres articles


Jornalet, gaseta occitana d'informacions