CAPÇALERA: IEA-AALO
CAPÇALERA2: Botiga

Jornalet, gaseta occitana d'informacions

Dissabte, 4 de decembre

Gèli Grande

Diluns, 6.9.2021 03h00

L’Amor de la Lenga


Comentaris 2 comentaris    
Dolent Fluix Bo Molt bo Fabulós (6 vòtes)
carregant En cargament


Myriams photos




L’occitan non es ma lenga mairala, ni tanpauc ma lenga pairala. L’occitan es una longa conquista amorosa.
 
Cinquanta dos ans fa descobriguèri l’existéncia e l’istòria d’aquesta lenga. Prenguèri consciencia de la messòrga e del mesprètz qu’entornejavan los que la parlavan.
 
Decidiguèri de l’aprendre e de la prendre per companha de viatge damb totas las consequéncias possiblas dins la vida vidanta. I a de femnas que son estadas e que son gelosas del temps que li consagri cada jorn.
 
Quand comencèri d’aprendre l’occitan viviái (e vivi totjorn) dins un mitan popular que lo francés parlat del biais occitan i èra ja majoritari.
 
D’occitans d’origina occitanò-parlants o lenga copats del parlar mai o mens passiu, costejavan d’occitans d’adopcion recenta coma mon monde.
 
De parla ponchuts n’aviá quasiment pas d’aqueste temps.
 
L’occitan s’ausissiá encara aisidament pels mercats o d’autras manifestacions socialas de las festivas.
 
Alavètz cossi faguèri e fau per entreténer la flamba de la lenga?
 
Trobèri una solucion plan simpla que i caliá pensar. La lenga m’atissèri e m’atissi tostemps a l’escriure e a la me parlar. E cada còp que posquèri e que pòdi, m’anèri e me vau confrontar a la vertat de la lenga dels locutors naturals. Lo pòble qué!
 
Quand se tiran lo morralh de la vergonha, te dobrisson lo cledon d’un paradis idiomatic e lexical d’un ample e d’una beutat qu’es pas de dire.
 
Per aquò cal saber èsser pacient que non sai.
 
 
 
 
 
abonar los amics de Jornalet
 
 


 



publicitat
BANNER1 - IEO 09 divendres espaci occitan



Comentaris

6 de setembre 10.30h

L'amor de la lenga, sufis pas.
çò que compte quò es l'amor de se? Qua fasam de nòstra vita a part pacientar en esperar la mòrt?
Lo sistem economic nos a barrat dins un esclavatge que pensam nonmas a obeir, ganhar sa vita, e per aquò trabalhar, trabalhar en contre-partida d'un salairi.
Benleu que la vita es pas qu'aquò. Avem laissat de biais nòstra creativitat e pas solament dins lo domeine de l'art. L'artisan, lo paisan, que siaja un òme o una femna creava totjorn quauqu'a ren que p... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

6 de setembre 08.21h

Tenèm aqui l’equacion qu’avèm de resòlver : Balhar l’amor de la lenga als occitans que l’an perduda, per que posquesson la tornar parlar, lèu e plan.
L’escòla es pas lo mejan màger, amai s’es òps. La politica i far coma un rebruga bartàs e empusa las rancors.

Cossi balhar l’ envetja d’aver envetja perficients essent ?


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Gèli Grande

Gèli Grande logo rss

Emplegat a La Pòsta, escriu de cronicas dins la revista Lo Lugarn. Es afogat de rugbi (subretot) de XV, de bona literatura e de bon cinemà quina que siaga la lenga.

mai d'informacions

contactar l'autor

Las mai...


  • Agnostic
    Amb un comentari. 1 de novembre 03h00

Mai d'articles

Archius




D'autres articles


Jornalet, gaseta occitana d'informacions