CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 22 de setembre

Gerard Joan Barceló

Dimenge, 14.2.2016 03h00

Siáu daufinenc, siáu provençau, siáu occitan


Comentaris 9 comentaris    
Dolent Fluix Bo Molt bo Fabulós (11 vòtes)
carregant En cargament


Volontàriament, vouguèri pas participar ai debats sus lo nom de la region que fusiona Lengadòc-Rosselhon e Miegjorn-Pirenèus. Promier, pr’amòr que non i vivi pus despuei ben lèu dètz ans : trobavi normau que leis estatjants decidiguèsson solets – se de verai pòdon decidir. Puei èri conscient, qué que faguessiam, diguessiam ò pensessiam, de la vanitat de nòstrei discussions, amb una reforma governamentala autoritària e una organizacion administrativa francesa que mesprèsa l’istòria e lei culturas despuei lòng temps... “Occitània es mai granda qu’aquò”, çò me disiáu.

Cèrtas, me decebèt de veire que lei debats occitanistas sus la reforma territoriala se concentrèsson sus lo nom de la nòva region LRMP, que degun ò quasi non parlèsse de l’incorporacion d’Auvèrnhe, de Vivarés e d’una bòna part dau Daufinat occitan dins una entitat enòrma, ni de l’òrre acronim de la region PACA que fai oblidar Provença, ni de la fin de Lemosin coma region pròpria, pasmens absorbida dins un ensems que fai pensar au prestigiós ducat d’Aquitània de nòstra gloriosa Edat Mejana. Tanben trobèri absurde, e mai ofensant, que s’organizèsse, una vegada de mai, e un cinquen còp consecutiu, una manifestacion unitària per l’occitan en Lengadòc, ont la lenga s’ensenha pasmens mielhs qu’autra part, coma se Marselha siguèsse un territòri tròp luenchenc ò que se desconeguèsse Lemòtges ò Clarmont coma vilas occitanas. Mai non diguèri quasi ren, perque l’unitat me semblava mai importanta que la poison deis etèrnei garrolhas.

Ara, pasmens, la nòva d’una peticion, pron seguida –mai de 13 200 signataris dau temps qu’escrivi aquest article, e per tant fòrça mai que fòrça peticions occitanistas en linha–, m’obliga de reagir. Me temptèt la vivacitat, mai ai comprés la necessitat de la serenitat. 

Aquela peticion ten una dobla ambigüitat. La promiera es que parla dau nom d’Occitània per la region LRMP sensa dire que cau un qualificatiu per aqueu tèrme. Lo risc es evident: l’identificacion d’Occitània a una region administrativa de França, e solament a aquela region administrativa. E coma consequéncia concreta, leis occitans serián aquelei qu’an l’astre de viure en “Occitània”, e ieu, dins mon territòri quora istoricament daufinenc quora culturalament provençau, que seriáu? Me caudriá proclamar: “Ieu tanben siáu occitan” mentre que leis autres se poirián simpletament dire occitans pr’amor que vivon sus lei bònei ribas d’Ardecha e de Ròse? Tanben, mentre que lo Collectiu Provença se pòt regaudir de sa victòria simbolica –ara que lo president de region Estrosi a nomenat una joventa reina d’Arle per conselhiera culturala–, es necite que d’occitanistas li vengan confirmar qu’en fin finala, Occitània es Lengadòc, e que, coma o repetisson de lònga lei regionalistas antioccitanistas aimadors de costums dau sègle XIX, “Provença es pas occitana”? Siam obligats de donar d’arguments a aquelei que nos òdian? Trobam que la situacion es pas pron complicada en Provença ò dins d’autrei parçans d’Occitània que lei discors antiunitaris i son frequents? Imaginem, per exemple, qu’en Catalonha finiscan que pensen que vau mai far una “lei de l’aranés” que non pas “de l’occitan” –tèrme oficiau ara– puei que l’aranés se parla pas en “Occitània”?

La segonda ambigüitat es l’emergéncia dei noms “occitan” e “Occitània” dins aquela nòva region; emergéncia que l’autor de la peticion, que non es gens occitanista, çò’m par, n’es la pròva concreta. D’unei i veson una esperança, e militan amb estrambòrd per que la region pòrte lo nom d’Occitània coma s’aquò siguèsse ansin lo som de l’accion occitanista; mai per ieu es puslèu un perilh. Lo perilh que l’occitanisme, que jamai non siguèt un regionalisme mai un movement de defensa d’una civilizacion, devenga un regionalisme lengadocian que se dona lo nom d’occitan: valent a dire una identificacion a un territòri limitat, a l’entorn de Tolosa e de Montpelhier, e non pas a la lenga nòstra, a tota la cultura, a tot çò qu’es de verai Occitània.
Respostarez, benlèu: “Mai enfin Occitània existirà!” E ieu vos respondrai: “Avèm pas de besonh de l’autorizacion de París per existir. E se la volèm far existir, abandonem pas çò essenciau de nòstre país, organizem pas son desmantelament, sigam solidaris de totei lei luchas nòstras, pertot ont encara se parla la lenga qu’es l’esséncia de nòstra civilizacion!”
Decidiscam nosautres cu volèm èsser. Ieu, dins mon Daufinat provençau, vòli trabalhar per tota Occitània. Siáu daufinenc, siáu provençau, siáu occitan.







publicitat
BANER1-2-3: DGPL AN LAFONT



Comentaris

22 de febrièr 00.07h

Podren dire "Troçes d'Occitanie e de Catalunha" o "Isola d'OC"...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

22 de febrièr 00.06h

Podren dire "Troçes d'Occitanie e de Catalunha" o "Isola d'OC"...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

22 de febrièr 00.06h

Podren dire "Troçes d'Occitanie e de Catalunha" o "Isola d'OC"...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

16 de febrièr 20.54h

Plan d'acòrdi amb los comentaris de GJ Barceló e de mon vesin Gwenn. E trapi tanben la comparason facha per J-C Valadier (amb de paises parlant inglés, castelhan, francés etc..) completament fumosa e fantasieirosa, e las conclusions que ne tira completament irresponsablas al regard del dever e de la necessitat qu'avèm de far comprene e acceptar çò qu'es Occitaniá TOTA. Una comparason que nos poiriá far soscar, es pas a anar quèrre plan luenh . Al País Valencian, a las Illas Balearas... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

15 de febrièr 23.44h

Es vertat que cal absoludament far aparéisser lo nom Occitània !! Me pensi que sus aquò tot lo monde son d'acòrdi. Lo veire marcat sus una mapa seriá per nosautres la resulta d’un trabalh long sul terrenc, dins los establiments, dins los jornals ! Seriá un grand plaser atanben.

Çaquelà, lo metre sol podriá jogar contre nosautres.

I a dejà de monde dins de parçans occitans que « nombrilizan » lo debat e de « desoccitanizan » lo nòstre territòri e la nòstra lenga d’òc. Qu... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

14 de febrièr 16.00h

#5 Perdon, Sénher Valadier, mai podètz pas dire a l'encòp que cau apelar la region "Sud Occitània" (aquí siáu consent) e que, "per devesir pas lei vòtes", devèm prepausar "Occitània" coma nom solet: es evident que se fasèm aquò, li diràn "Occitània" a la region... Tanben me sembla confús de comparar nòstra situacion amb la de país que parlan una lenga originària d'un autre territòri: se parli occitan dins mon Daufinat provençau, es pas lo resultat d'una colonizacio... Legir la seguida


Valora aquest comentari:   votar positiu 14   votar negatiu 9
Respondre comentari replica Comentari inadequat   Formulari d'abús de comentari

14 de febrièr 15.37h

SUD OCCITÀNIA

Es una discussion impotanta car lo mitan occitanista a l'escasença de s'amassar a l'entorn d'un nom comun per far aparéisser Occitània subre las mapas de França e mai del monde. Sud occitània es la promessa d'autras Occitània al nòrd e mai a l'est e l'oest. Es tanben la promessa d'un respècte per Catalonha Nòrd coma Aran es respectada per Catalonha. Cal afirmar que volèm una region a estatut especial per Catalonha Nòrd e Bascoat Nòrd en Aquitània coma l'estatut de... Legir la seguida


Valora aquest comentari:   votar positiu 13   votar negatiu 9
Respondre comentari replica Comentari inadequat   Formulari d'abús de comentari

14 de febrièr 10.23h

Fau dire qu'avètz ben rason pense.
Una soleta region charjada dau nom Occitània sens adjectiu, sejarà mentalament un tròç d'Occitània d'un autre.
Seriá coma separar jau e jalina. Mas es benlèu l'objectiu, tuar lis uòus occitans. Divisir per mielhs renhar, es una devisa qu'existe despuèi longtemps. E lis occitan devem pensar collectiu, trabau collaboratiu, multipolar.


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

14 de febrièr 09.56h

Partegi d'a fons aquela opinion, e nosautres, occitanistas de MPLR, auriam una brava responsabilitat, avalisèssem lo nom d'Occitaniá per aquela sola region.


Valora aquest comentari:   votar positiu 11   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions