CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dissabte, 16 de decembre

Gerard Joan Barceló

Dijòus, 14.9.2017 03h00

Revendico lo pòble


Comentaris 15 comentaris    
Dolent Fluix Bo Molt bo Fabulós (10 vòtes)
carregant En cargament


"Balanço pas: vòlo èstre pòble" (La Bruyère)
 
Chars lectors que non sai, m’agradariá de perlonjar un pauc mon article de la setmana passaa. D’unes pareisson d’aver interpretat ma constatacion de l’extrèma feblesa de l’independentisme en Occitània e nieus dins l’occitanisme coma un abandon de l’idèa d’independéncia.
 
Non pas. Per tornar prene l’eslogan de la CUP catalana, sio convencut que nos fa mestier de nos governar. Finissio, en mai d’aquò, mon article sus l’idèa de lenga, de cultura… e de país. Mal ne sacha a qualques unes, encara me considèro coma un patriòta occitan, prefondament estachat a aquest país, e quora parlo de país, non es pas una tèrra sensa òmes ni fremas, es un territòri abitat. Per ansin, tanben penso al pòble. Al nòstre pòble.
 
Segon qu’an comentat d’unes, seriá inutil o nos portariá tòrt de parlar de pòble. Nos chaldriá acontentar de la lenga. Òr, precisament diguèro que la lenga e lo pòble se poián ren dissociar. Non desconeisso pas qu’amb l’istòria de nacions, de las colonizacions e descolonizacions, de las frontieras chambiadissas, tenon de lengas partejaas amb d’autras, ni que de pòbles an perdut lor lenga pròpria, ni que d’autres critèris lor permeton de se destriar los unes dals autres. Tanben sabo que l’occitan atrai de gents de totas originas e de totes ciutadanatges, e es una fòrça nòstra a la quala se tracta pas, evidentament, de renonciar jamai.
 
Per tant, revendico lo pòble. E mai aquest aia pas, aüra, una consciéncia clara de n’èstre un, sensa pòble, o torno dire, coma far espelir una volontat generala de recobrar çò nòstre? Sensa pòble, coma las gents d'en cò nòstre serián envejoses d'aprene e de parlar occitan pertot? L'occitan non es ren lo latin, lenga qu'ensenho, o sabètz: se tracta pas de far estudiar per una minoritat de saberuts de tèxtes d'una civilizacion despareissua, simplament per lo chale legitim de la cultura. L'occitan es pas tanpauc lo chinés, lo rus, l'arabi ni totas las lengas que voldretz: es la lenga nòstra. Coma nos poèm dire occitans o occitanistas sensa n'aver consciéncia?
 
Passèro mon enfança e ma joventut en Corsega. Enlà, me trufèro durant de lònjas annaas dals nacionalistas que parlavan de contunh de "populu corsu". Me recòrdo que me disio per me rire que lo pòble èran renmàs eles. Me chalguèc de temps, fòrça temps, per m'avisar quant m'enganavo: en parlant ansin, de contunh, de pòble, s'obligavan de se preocupar dals problèmas dal pòble. Es d'aquela maniera, e non pas per la violéncia armaa, que capitèron a convéncer una partia totjorn mai granda de la societat qu'avián rason. Es en parlant, non solament de cultura e de lenga, mas de torisme de massa, de las dificultats de se lotjar decentament, d'aver una economia justa per totes, de trabalhar al país e tanben de la necessitat de se governar per trobar de solucions, qu'an progressat.
 
Cèrtas, la lenga resistís un pauc melhor en Corsega qu'en Occitània; cèrtas, l'istòria insulara es despariera e lo remembre de la Corsega independenta i es mens luenchenc qu'aquel dals prestigioses Aquitània e Comtat de Tolosa, o nieus de la Navarra dal bòn rei Enric; cèrtas, Corsega es un territòri mai estrech que l'accion locala i es de melhor far. Tot aquò, o sabo coma vosautres, coma sabo que siam pauc nombroses.
 
Mas se siam a l'encòp pauc nombroses e devesits, siam perduts, e creo necessari de nos amassar a l'entorn de la nocion de pòble, benlèu mai concreta e mens discutia qu'aquela de nacion, per aüra, per tal de nos donar una vision d'ensems, per tal de veire çò que volèm prepausar al pòble occitan, coma poèm respondre a sos chepics de chasque jorn e li far comprene que nos chal nos governar, que volèm decidir al país per recobrar nòstra plena dignitat, mespresaa per los estats d'aüra.
 
 
 
 


abonar los amics de Jornalet
 



publicitat



Comentaris

20 de setembre 13.00h

Cal pas oblidar los mites fondators dels pòbles e de las independéncias.
Sovent se fan las meteissas causas sus un territòri pus petit e/o amb una autra lenga.
Çò d'important es lo rapòrt de fòrça amb los poders economics...


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

18 de setembre 14.24h

"Es en parlant, non solament de cultura e de lenga, mas de torisme de massa, de las dificultats de se lotjar decentament, d'aver una economia justa per totes, de trabalhar al país e tanben de la necessitat de se governar per trobar de solucions, qu'an progressat." Ne'n veiqui na brava definicion, un brave programa per l'occitanisme politic.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

18 de setembre 11.18h

#12 Apondrai que l'identitat se viu a un premier gra que diriáu "locau". Es aquí que nais la premièra dei consciéncias, perque avètz localament vòste viscut, enfància e banh dins l'ambient comunautari locaus. Ne'n pòt gaire èstre autrament per pron de monde.
Coma Fidladèlfa, "Pujol" se sent gascon avans de se sentir occitan (sens renegar occitan), a ben rason. Comença per aquò locau e vai agandir una consciéncia pus globala. Completament coërent aquò d'aquí ! Es aquò que l'occi... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

18 de setembre 10.40h

"Hèi EDS GASCONS ! QU'EM U VIELH PÒBLE
D'arrasa pura e de sanc nòble
A Ronsa-vau coma a Muret.".....

Filadèlfa de Gèrda era no's pausava cap questions, un pòble que "cridava", gascon....mes que fuc felibressa dera Occitania "de Bordèu entiò Marselha" e qu'adoptèc era grafia deths salvat, Privat (ed. 1930 deths Crids). "Eds us, eth vestit, e era lenga" ! e desesperada que fuc de véser que baishèssam eth cap !
Se volem reviscolar Filadèlfa?

Era revendicacion dera lenga que'i trob... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

18 de setembre 10.01h

#6 A Mossur "Bricomercat", ne'n sabe mai que d'un de papets ! E vos afortisse que s'i coneisson gaire dins lo parlar dei nistons de Calandreta. Calandreta se còpa de la basa occitanofòna locala per faire a sa saussa. Per nosar tornar tot aquò emé un parlar artificiau eis aurilhas de la populacion locala, venguetz pas plorar que n'i ague per se plànher... Benlèu qu'amatz mai lo monde que sofrigon en silenci ? Aquò se ditz "dictatura" en bòn pan-occitan !
Per çò qu'es de l'egemonisme l... Legir la seguida


Valora aquest comentari:   votar positiu 4   votar negatiu 3
Respondre comentari replica Comentari inadequat   Formulari d'abús de comentari

17 de setembre 09.02h

#5 Vai-te'n veire a tota zuerta lo Couleitièu Prouvènço ! Que seis amics e sostens reaus son totei d'identitaris nacionaus-parisencs que vòlan ren de mai que la mòrt deis pateses, dialectes, jargonadas e autreis sembla-lengas "metècas" que salopèjan la grandor de FRANCE etèrna.


Valora aquest comentari:   votar positiu 14   votar negatiu 3
Respondre comentari replica Comentari inadequat   Formulari d'abús de comentari

17 de setembre 09.02h

#5 Vai-te'n veire a tota zuerta lo Couleitièu Prouvènço ! Que seis amics e sostens reaus son totei d'identitaris nacionaus-parisencs que vòlan ren de mai que la mòrt deis pateses, dialectes, jargonadas e autreis sembla-lengas "metècas" que salopèjan la grandor de FRANCE etèrna.


Valora aquest comentari:   votar positiu 11   votar negatiu 2
Respondre comentari replica Comentari inadequat   Formulari d'abús de comentari

17 de setembre 09.02h

#5 Vai-te'n veire a tota zuerta lo Couleitièu Prouvènço ! Que seis amics e sostens reaus son totei d'identitaris nacionaus-parisencs que vòlan ren de mai que la mòrt deis pateses, dialectes, jargonadas e autreis sembla-lengas "metècas" que salopèjan la grandor de FRANCE etèrna.


Valora aquest comentari:   votar positiu 12   votar negatiu 4
Respondre comentari replica Comentari inadequat   Formulari d'abús de comentari

16 de setembre 22.45h

Aquel article sosten una estrategia independentista fondada sus la nocion de pòble occitan, mès lo prepaus demòra teoric sens definicion del pòble occitan e d'una persona occitana.
En delai d'aquò:
Se lenga fa pòble, quant d'occitanofones?
Se pòble pòt préner lenga, quant son prestes a cambiar de lenga?
Quina diferéncia entre Occitània e Corsega o Catalonha?
Occitània d'una virtualitat a una realitat...


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

16 de setembre 22.29h

#5 N'i a un que m'es vengut explicar, fa pas gaire qu'èra "pas occitan per çò qu'èra gascon". Un pauc come se foguèsse estat pro pèc per m'explicar qu'èra pas dins l'ostal estant qu'èra dins la cosina…

1) Lo lengadocian èra çò que parlava mon papet a Carcassona.

2) L'occitan estandard es quicòm mai que de lengadocian, e que non se pòt ni se deu confondre amb de lengadocian objectiu, estudiable per un linguïsta L'occitan estandard es un projècte politic de lenga nacionala ofi... Legir la seguida


Valora aquest comentari:   votar positiu 8   votar negatiu 4
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions