CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dimenge, 22 d'octòbre

Gerard Joan Barceló

Dijòus, 21.9.2017 03h00

Defensa de Catalonha e Aran, defensa de la democracia


Comentaris 16 comentaris    
Dolent Fluix Bo Molt bo Fabulós (10 vòtes)
carregant En cargament


Despuèi l’anonci del referendum de Catalonha e Aran sus l’independéncia lo 1r d’octòbre, tot s’accelèra tan lèu qu’a l’ora d’escriure aquestas linhas,  cada jorn soi incapable de dire çò que se passarà l’endeman. Senti que m’empòrta lo revolum de l’Istòria.
 
Pasmens, voldriái defendre, net e clar, non solament Catalonha e Aran, mas tanben e subretot la democracia. Qu’es a se passar jos nòstres uèlhs? Nonmàs lo conflicte entre doas nacions, entre un estat establit e un autre a mand d’espelir? Es mai qu’aquò.
 
Çò que vesèm en realitat jos nòstres uèlhs esbalausits es l’engana de la Transicion pòstfranquista, del regim espanhòl de 1978. Lo govèrn de l’oximoricament nomenat "Partit Popular" viòla sens vergonha totes los principis democratics. D'en primièr, la separacion dels poders, que la presava tant nòstre compatriòta bordalés Montesquieu, es escarnida de longa. Lo govèrn ordena, los jutges, constitucionals o non, executan sens discutir. E ansin tot es criminalizat: debatre d'una lei, far votar los ciutadans, far la publicitat del referendum, collaborar coma cònsol màger al 1r d'octòbre. Se manda la polícia per barrar de sits web, quichar de jornalistas, confiscar de bulletins de vòte e d'afichas, corsejar d'urnas devengudas subran mai perilhosas que de bombas jihadistas. Tanben se cèrca d'asfixiar l'economia catalana e de suspendre son autonomia, e puèja la temptacion d'encarcerar los dirigents del govèrn de Catalonha, coma se demostrèt ièr amb lo còp d'estat institucional espanhòl contra las autoritats catalanas. Coma se foguèssem tornats en 1939, a la victòria dels falangistas e nacionalcatolics.
 
Non, Sénhers e Dònas del regim espanhòl de 1978, de votar e de far votar non son pas de crimes! Es nieus la condicion sine qua non de la democracia. De qué avètz paur?
 
Disi "del regim espanhòl de 1978", e pas solament del PP o de son clòne Ciutadans, perque lo PSÒE, que ja aviá pas pus res de socialista ni d'obrièr, sosten aquela politica sens nat problèma de consciéncia. Sabiam qu'aviá renonciat al retorn a la Republica, ara renóncia nieus a la democracia! Ben isolats semblan los progressistas de Podèm e de Senèstra Unida, los sols que se dessolidarizan d'aquela deriva antidemocratica.
 
Que òc, "antidemocratica", malgrat la nòvlenga del PP, de Ciutadans e del PSÒE, que, coma dins lo roman d'Orwell, fan servir los mots antonimicament. Quitan pas de dire que "defendon la democracia espanhòla", e fan coma s'aquesta foguèsse una dictatura!
 
E del temps que los democratas, eles los fan passar per de criminals, tot va fòrt plan pels dirigents del regim. A Valéncia se crèma dins un tribunal de documents importants suls afars de corrupcion del PP dins un incendi sul qual degun enquista pas. Coma s'enquista pas tanpauc sus las mòrts suspèctas de personas implicadas dins aqueles afars de corrupcion.
 
Per ansin fau una crida solemna a la defensa de la democracia en Catalonha e Aran. Mas fau tanben aquel apèl en Espanha perque los espanhòls patisson totes aquelas mancanças democraticas grèvas. E tanben en Euròpa perque los europèus nos fasèm glòria de garentir la democracia.
           
                      
           

fffff   fffff
  Retorn sur l’article de la setmana passaa
                                    
Entendo per "pòble" l'ensems dals òmes e fremas de totas originas que vivon sus nòstra tèrra, Occitània. E òc, eissaio de definir las basas d'un programa que tot l'occitanisme poiriá far sieu, se n'a la volontat.
                                    
 
     

 



publicitat



Comentaris

25 de setembre 11.03h

#14 "La societat d'òc", coma o-disètz polidament, fa bèl temps qu'es venguda afrancesada e qu'es tombada amb delici dins l'illusion parisenca.


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

25 de setembre 10.38h

E per ce qu'es de "La Dintrada" narbonesa, quau ne'n sap mai ?


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

25 de setembre 10.25h

#12 Mossur Barceló.
Crese que se fai l'ora, per nautres occitans, d'èstre oportunistas dinc lo bòn sens e de profichar de la butada catalana per entrincar una dinamica de desrevelh de las conscienças (ce qu'es pas estat fach despièi las annadas 80). Un vrai desrevelh que tòque LA SOCIETAT. Es a dire de milhons d'abitants qu'an pas jamai agut quauqua relacion que siágue emb de l'occitanisme.
Escrivètz : "... eissaio de definir las basas d'un programa que tot l'occitanisme poiriá far si... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

25 de setembre 09.24h

Capitère una frequença sus la ràdio lo còp passat e crese ben qu'èra "France Inter" o quicòm d'aquesta mena. E ben discutiguèron de Catalonha, de la situacion actuala. L'entrevistaire faguèt parlar una universitària, especialista de la societat e de la politica espanhòla. Pòde pas dire qu'un o l'autre prenguèron partit.
Per còntra, las atrapère fonsadetas las questions dau jornalista, puslèu "catalanosensiblas" e gromandas de compréner mai la situacion dins lo detalh.
Malerosame... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

23 de setembre 23.29h

#11 Mercés de vòstre interés. Deman trobaretz dins un article de Jornalet mai d'informacions sus aquesta peticion que cal signar e difusar, d'efièch! Bona nuèch :-)


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

23 de setembre 22.20h

#7 Adishatz, Qu'ei en tot lhegir eth article vòste e despus damb era curiositat de veir çò que s'en comenta d'aqueth costat deras montanhas, que soi caijut sus er'anoncia dera PETICION.
Que non en sabiài arren auants. Qu'ac èi signada e comentada !!!!
En guèitant quin i auià laguens, qu'èi trobat noms coneishudis, e tambès que i mancaua bèth pialer de gent que soi mès que segur que l'auerien signada tambès..... s'ac pòden trobar !
Un anonci que comença per "A prepaus" en eths come... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

23 de setembre 11.25h

Tot es un tic falangista del segle XXI, tot el que fan es anti-demòcrata, com ésser falangista ara, doncs apoderant-se dels tribunals, escudant-se amb lleis, fent actuar al policia i la g. civil, sota ordres de jutges i tribunals de dubtosa procedència, seguint les ordres del pp i ciutadans i del psoe, que tres quarts del mateix, totalment polítiques, els jutges no fan política.
Interpretan, la llei tal com ells volen, i com que dit queda be...doncs ala, contra el Català.
Això els cos po... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

22 de setembre 22.51h

#8 Escrivètz lo catalan coma un galapian de la planèta Pluton ? Qu'es aqueste sabir de grafia fantasista e pintorèsca ?


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

22 de setembre 16.15h

No heyá à Europa NI UN país més tolerant ni an més llibertads que España. Axò ha permês que Cataluña sigui sa regió de Europa que té més autonomía. Cataluña no se merex à tots aquets polítichs catalanistes que lo únich qu'han fet ês transformá sa democraci catalana emb una oclocraci.


Valora aquest comentari:   votar positiu 0   votar negatiu 15
Respondre comentari replica Comentari inadequat   Formulari d'abús de comentari

22 de setembre 12.14h

#6 A prepaus, i a dempuèi ièr una peticion de change.org adreiçada al president de la Comission Europèa: https://www.change.org/p/la-catalogne-doit-voter


Valora aquest comentari:   votar positiu 9   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions