Bandièra01 1180x150: Comuna de Tolosa

Opinion

Letra al pòble de Catalonha

Gerard Joan Barceló

Gerard Joan Barceló

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

Mai d’informacions
Per O. e los que luchan

Pèiralata, lo 3 de novembre de 2017
 
 
Pòble de Catalonha,
 
Non sai se fau partida de tu. Mon nom d’ostal es catalan, mas vivi luènh, tròp luènh de tu, e ma vida vidanta es occitana, o puslèu, per parlar en tota sinceritat, francesa. Coma o escriguèri endacòm mai, mon pairegrand pairal s’exprimissiá en la meteissa lenga que tu amb sos parents, mas amb l’accent malhorquin al mièg del francés e de l’arabi d’Argeria. Et podria escriure en català, mas aicí t’escriurai en occitan, puèi que reconeisses ma lenga al ponch de li donar una foncion oficiala que França refusarà totjorn. E, digam-o, tanben es important que tornem trapar nòstra antica relacion de proximitat frairala, en aquestes tempses complicats ont los occitans podèm a pena existir mentre que tu cèrcas ta liberacion definitiva d’un regim que te vòl ofegar.
 
Encara resistisses, pòble de Catalonha, malgrat lo trist an 1714 ont l’Espanha que l’avián fondada l’aliança entre Castelha e Aragon decidiguèt per fòrça e drech de conquista de devenir sonque Castelha, en usurpant lo nom d’Espanha que supausava lo respècte de la diversitat peninsulara. Te volguèron umiliar e mai asservir, mas tres sègles puèi los a sauput desfisar en proclamant ton independéncia, ta republica que ven d’espelir, fragila e mespresada per la brutalitat espanhòla qu’arriba pas de t’amudir.
 
Ara los tempses son durs, ben o sabèm. Ton president es exiliat a Brussèlas, amb quatre ministres de son govèrn, e ton vicepresident es encarcerat, coma d’autres sèt ministres. Trenta ans de preson, çò t’anóncian tos enemics que se fan a l’encòp policièrs agressius e jutges expeditius, perque si qu’es un crime per un politician de complir una promessa electorala. La lor èra de te menar a la pòrta de l’independéncia. I sès, al lindal de ta libertat, e per ieu ja es legitima la republica catalana que vòli tanben aranesa. Cossí non seriá pas legitima una republica volguda pel pòble, per mejan d’eleccions liuras e d’un referendum ont t’arrisquères la pèl per poder votar ta libertat?
 
Vesi que contunhas de luchar, que jamai non renóncias. E que nos mòstras un camin per seguir. M’èri distanciat de la nocion de republica per dire que valiá mai parlar de democracia, mas tu, concílias absoludament los dos concèptes, t’esfòrças de ne far la meteissa realitat: la Republica Catalana se confond amb ton crit de democracia. E la democracia, la demòstras: creses a la fòrça dels arguments e dels debats, as pas paur de votar ni de far votar, e las carrièras son plenas de ta ferma volontat. A las falsas solucions de la violéncia que d’unes pensan mai eficaça, t’estimas mai d’escometre sus la longa estrada de la desobesissença civila. Perque te preocupan la justícia e la vida.
 
Pòble de Catalonha, vòli far partida de tu.
 
T’abraça
 

Joaquim
 






abonar los amics de Jornalet 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
15.

Carles sembla mentida que tant gran es puguin dir tantes tonteries, pensa una mica no en saps?
No has o heu vist les òsties que clavaven a la gent els polis? I perquè volien votar, això que us fa tanta por, la Democràcia, i de segretar res, sou vosaltres que heu segrestat el País, amb els vostres drecets i imposicions pròpies del Falangisme, de li·legal res, si no es pot, es modifica la llei!
No teniu res, ni País, heu perdut Catalunya, i ara cerqueu com podeu aguna cosa que ja no troveu, ni trovareu.
Es la vsotre manera de fer, la cagueu, i no ho veieu, per vosaltres farà
Visca la Terra...Lliure!
L'Ernest, "El Tàrrega".

  • 8
  • 0
carles països valencians
14.

#13


pobra catalunya, fotuda i arrimada al marge per culpa de del feixistes de la dictadura independentista, coste que coste i caiga qui caiga voleu imposar la quimérica republica ... cal tenir seny, al meu poble diu cal tindre trellat, peró no patiu d'aci uns mesos ja estará tot arregladet.

  • 4
  • 10
Pom Pom Pom Pidou Bedariu
13.

#12 Lo fachista èra Franco, pas LLuis Companys. Lo neo-Franquista es Rajoy, pas Puigdemont. Portugal es Portugal, pas Espanha. Catalonha es Catalonha, pas Espanha. Los païses catalans son catalans, pas espanhòls. E tu sias un troll espanholista enamorat del neo-franquista Rajoy.Bon profit !

  • 13
  • 0
carles països valencians
12.

#11

visca catalunya LLIURE del feixistes independentistes, visca el pais valencià LLIURE dels catalanistes i visca espanya plural, la espanya del les nacionalitats culturals.

ja està be demanipulacions i mentides.
Catalunya sempre unida a espanya mai separada

  • 5
  • 13
Pom Pom Pom Pidou Bedariu
11.

#10 Per quins catalans plori ? Pels joves, pels vièlhs, per las femnas que venian pacificament votar l'un d'octòbre e que foguèron salvatjament matracats per la policia de mèrda dels teus companhs franquistas. Non vòls o non pòdes comprène aquò e personalament me'n foti que de tot biais ieu parli pas amb aquesta mena de gent que sias . Ni Dièu Ni Mèstre ! Visca Catalonha independènta ! Visca la reunificacion e l'independènça dels païses catalans ! As comprès, l'òme ?

  • 18
  • 0

Escriu un comentari sus aqueste article