CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dimècres, 24 d'abril

Gerard Joan Barceló

Dissabte, 25.11.2017 03h00

Reconeissença d’una nacion


Comentaris 11 comentaris    
Dolent Fluix Bo Molt bo Fabulós (13 vòtes)
carregant En cargament


A mens de quatre setmanas de las eleccions convocadas illegalament pel govèrn espanhòl après suspendre l’autonomia de Catalonha que, ça que la, aviá proclamada son independéncia, l'actitud normala del defensor del pòble catalan mesclariá decepcion de la libertat non atencha, ànsia de l'avenidor malsegur o nieus desespèr de la situacion presenta.
 
Vos confessarai que lo 27 d'octòbre passat, lo jorn de la proclamacion de la nòva republica, m'arribèt una sensacion d'euforia. Me semblèt que mos compatriòtas de l'autre caire dels Pirenèus avián plan capitat. Que Finlàndia, Eslovènia, e d'autras nacions del Mond reconeguèran lèu-lèu Catalonha.
 
Mas non. S'es pas reconegut l'estat catalan. Per nat estat. Nieus per Russia, que los espanholistas acusavan de conspirar. Nieus per Veneçuèla. Nieus per Israèl, coma crenhián los amics de la causa palestiniana. Nieus per Palestina, malgrat lo supòrt de l'esquèrra catalana als palestinians. Nieus per la diplomacia de Trump, malgrat de prepauses ambigús abans lo referendum d'independéncia.
 
Tornam a la realitat. La màger part dels estats existents son fruch de la violéncia, de la guèrra, de procèsses doloroses de descolonizacion e de las luchas de liberacion nacionala. Òr, Catalonha e son pòble an facha l'escomesa de ganhar l'independéncia de biais pacific e democratic. Es evident qu'Espanha auriá pas trantalhat de far rajar la sang se lo govèrn catalan aguèsse volgut contrarotlar l'administracion del nòu país. Es evident que la dralha que l'an causida los catalans es complicada. Que pesa l'utopia democratica al mièg d'un Mond cinic?
 
Pasmens, una realitat: sèm sonque al començament del combat vertadièr.  Las manifestacions multitudinàrias, las cadenas umanas, las mobilizacions per carrièras o sus Internet alestissián lo conflicte. Ara i sèm.
 
E la bona nòva es que desenant, Catalonha es pas pus una region d'Espanha. La premsa de tota la planeta a destapat qu'Espanha es pas la realitat nacionala monolitica que la propaganda voldriá far creire. I a un conflicte entre doas culturas que non se comprenon ges, e dos modèls de tot en tot antitetics d'estat. Entre doas nacions.
 
Catalonha es pas encara reconeguda coma estat. Mas o es enfin coma nacion.
 
 




abonar los amics de Jornalet
 



publicitat



Comentaris

6 d'abril 21.30h

Adieu,
D'accordi . Catalonha existís pel monde coma una nacion diferenta. An assachat de dubrir una dralha novèla, an viscut amassa d'eveniments que s'oblidan pas jamai, e que lor serviràn per l'avenir.
Los eveniments an mostrat tanben las raras de l'ue. Los catalans an jogat los dabansiers , qu'esperavan, tant coma nosautres, quicòm mai d'aquela Euròpa. Parlam pas de França que crentava mai que los autres encara la contagion e per son estatut de poténcia imperiala, donaira de leiçon... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

29 de novembre 23.09h

Avant aquesta afar d'independéncia, me dobtavi pas de l'òdi dels espanhòls non-catalans devèrs les catalans, i-comprés en França, expatriats o descendents, dinc a de gents costumièrament senuts.
E me pensi que i'a quicòm d'irracional entre eles.
Le procès de la separacion inevitable a començat, mès la comunitat internacionala serà mai que harta per ne far un exemple...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

28 de novembre 15.53h

#4 sio au mens tant informat coma un blaver de Valéncia, amb probable mens de prejujats, car sio pas un fanatic dau nacionalisme. Fau simplament la diferéncia en termes de nocivitat entre lo nacionalisme dau PP que s'apiela sus una istòri espanhòla e opressiva lonja, e lo nacionalisme catalan qu'a fach mens de mòrts.
Lo PSPV, es l'anexi locala dau P "SO" E ?


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

28 de novembre 02.11h

#7

si tu mateix creus el que tu dius "una Euròpa que protegís los corromputs mas daissa en preson de personas sonque colpablas d'èsser independentistas?" estàs visquen en una burbulla imaginària, fóra de la realitat ja que a europa es persegix la corrupció i tanquen als engalifiadors, per altra part al ser un bloq democràtic es fustiga als feixistes d'una corrent o d'altra, Carlos Puigdemonte ha enganyat als catalans i ara vorem com queda


Valora aquest comentari:   votar positiu 4   votar negatiu 4
Respondre comentari replica Comentari inadequat   Formulari d'abús de comentari

27 de novembre 19.08h

#6 E ben, quin interès pòt representar una Euròpa que protegís los corromputs mas daissa en preson de personas sonque colpablas d'èsser independentistas? Almens Puigdemont es democrata amb sas idèas de consultar lo pòble, e compreni que los espanhòls sètz pas acostumats a la democracia...

Echenique? Lo meteis que se ridiculizèt fàcia a Rufián amb lo referendum pachat. Un referendum pachat amb Rajoy, Rivera, lo TC e Sánchez, çò li respondèt lo deputat d'ÈRC...


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

27 de novembre 17.55h

El secretari d'Organizacion de Podèm, Pablo Echenique, a criticat aqueste diluns los "plantejaments irreales", "prèps a çò de magic" e qu'"an pas ni de pès ni cap" que ponon sobre la taula, a lo sieu jutjament, las dirigentas dels independentistas, coma l'expresident de la Generalitat e cap de lista de Junts per Catalonha, Carles Puigdemont, o la secretària generala d'ERC e numeròti doas de la lista, Marta Rovira.

O a assegurat aital en la ròda de premsa qu'a ofrit en la sedença de Po... Legir la seguida


Valora aquest comentari:   votar positiu 10   votar negatiu 8
Respondre comentari replica Comentari inadequat   Formulari d'abús de comentari

27 de novembre 17.18h

#3

des de montpelier estàs tan assabentat de les coses? a mi el PP no em fa gens de gràcia, preferisc el PSPV, però molta gent es vota a ells ....la culpa no es PP es nacionalisme desbocat d'una part o d'altra


Valora aquest comentari:   votar positiu 0   votar negatiu 5
Respondre comentari replica Comentari inadequat   Formulari d'abús de comentari

27 de novembre 17.18h

#3

des de montpelier estàs tan assabentat de les coses? a mi el PP no em fa gens de gràcia, preferisc el PSPV, però molta gent es vota a ells ....la culpa no es PP es nacionalisme desbocat d'una part o d'altra


Valora aquest comentari:   votar positiu 0   votar negatiu 5
Respondre comentari replica Comentari inadequat   Formulari d'abús de comentari

27 de novembre 10.53h

#2 Cò que vòlon los demócratas espanhòls e catalans es una Espanha e una Catalonha liuras dels neo-franquistas dau PP e de lors satelitas de "Ciudadanos", los premiers responsables de la crisi catalana.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

27 de novembre 04.30h

"m'arribèt una sensacion d'euforia" ... no es pot viure d'il.lusions, cal baixar a la realitat.

"Catalonha es pas pus una region d'Espanha" en aixó tens raó mante

"Catalonha es pas encara reconeguda coma estat. Mas o es enfin coma nacion" en açò tens tambè tota sa raó ....

no el calfes el cap tant que a la fi rebentaràs sense trellat, catalunya ÉS UNA NACIÓ CULTURAL DINS UN ESTAT ESPANYOL DEMOCRATÌC I LLIURE, L'ESPANYA DE LES NACIONALITATS I AUTONOMÌES, això sí, eixa és la ... Legir la seguida


Valora aquest comentari:   votar positiu 4   votar negatiu 6
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions