CAPÇALERA2 DINTRADA2018

Jornalet, gaseta occitana d'informacions

Dissabte, 22 de setembre

Gerard Joan Barceló

Dissabte, 10.3.2018 03h00

Erranta Itàlia, erranças europèas, Republica Catalana


Comentaris 4 comentaris    
Dolent Fluix Bo Molt bo Fabulós (4 vòtes)
carregant En cargament


Còrs e latinista, soi pro naturalament un admiraire de la cultura italiana, de sa lenga, de sa literatura,  de son ric patrimòni arquitectural e artistic. Se ditz qu’en Euròpa la majoritat d’aqueste seriá dins lo "Bel Paese". Res d'estonant, quand se sap totas las influéncias que passèron per aquela peninsula, dels grècs als etrusques, que foguèt al centre d'un poderós empèri que persistís un pauc dins la Glèisa de Roma.
 
Quand, tardièrament, m'interessèri a l'occitan, m'alegrèt de saber que se parlava encara la lenga nòstra dins las Valadas e de comprene l'influéncia prefonda de la cultura occitana sul fondador de la literatura italiana, Dante. Me soi estat dich que lo toscan èra un occitan qu'aviá agut l'astre d'aver non solament de grands autors mas tanben lo supòrt de gordas ciutats-estats que lo difusèron coma lenga comuna. Volguèri nieus far lo professor d'italian, en partida per me consolar de restar tròp luènh de Corsega, en partida per protestar d'aver d'ensenhar la lenga del rei de França en Occitània.
 
Vos devi confessar que m'es simpatic, tanben, l'Estat italian, perque me dona tostemps l'impression d'èsser pas seriós. França e Espanha son d'ancians empèris e contunhan d'agir ansin, aquò se vei per Corsega e Catalonha, lors doas nacions rebèllas respectivas. De quina glòria viu Itàlia que son influéncia es bensai mai febla dempuèi que s'unifiquèt a l'entorn del reialme de Piemont-Sardenha?
 
Totun, inquietanta es Itàlia. Istoricament a sovent davançat la rèsta d'Euròpa, e non solament en bona part coma los sonets de la poesia toscana o las bèlas arts de la Renaissença. En marrida part tanben: foguèt lo primièr Estat faissista.
 
Amb las darrièras eleccions generalas, çò es parlamentàrias, Itàlia se mòstra, cèrtas, un còp de mai ingovernabla, mas amb de tendéncias que chepican. L'esquèrra es inexistenta: a pena un 4% per Libres e Egals. Lo primièr partit de centresenèstra, lo Partit Democrata, illustra plan l'evolucion del dich progressisme europèu: fusion improbabla d'ancians comunistas e de democrestians, es ara una vaga fòrça centrista, sonque un pauc orientada vèrs la senèstra per de questions de societat. Lo reviscolament de la reaccionària Liga, qu'a abandonat son pseudoindependentisme padan, testimònia de la pojada de la xenofobia, en particular dins lo nòrd del país. Mentretant, lo Movement Cinq Estelas es lo trionf del confusionisme ideologic: prometon l'errança a totòm.
 
Itàlia sap pas pus ont anar. E nosautres en Euròpa tanpauc. Espanha es pas clara tanpauc: d'un caire se mobilizan cinc milions de femnas per defendre lors dreches dins de manifestacions multitudinàrias, e d'autre caire degun sembla pas de protestar de verai contra la volontat d'ofegar lo pòble catalan. Las valors europèas, s'an existit, pareisson defuntadas. Errança espanhòla e europèa.
 
Precisament, la Republica Catalana que vòli pereu aranesa a las idèas claras. Benlèu assajan de l'estofar per aquel motiu.
 
 
 


abonar los amics de Jornalet
 



publicitat



Comentaris

13 de març 21.43h

esl italians en un 98% se seten identificats amb la seua terra, diversa de nord a suden molts sentits, rica cultura, diverses llengues, cants, folklore, art, religió, gastronomía TOT BAIX LA MARCA ITALIA.
Ara bé, un grapat considerable d'espanyols catalans, cada volta menys, es consideren només catalans, i CAL DIR QUE SER CATALÁ ÉS UNA MANERA ELEGANT I FANTÁSTICA DE SER IBÉRIC, DE SER ESPANYOL.
Catalunya, País Valencià, galiza ... SON NACIONALITATS CULTURALS HISTÒRIQUES DINS la his... Legir la seguida


Valora aquest comentari:   votar positiu 10   votar negatiu 7
Respondre comentari replica Comentari inadequat   Formulari d'abús de comentari

11 de març 15.21h

Ciutadan Barceló, disiètz que Italia "sap pas pus ont anar", e que los Europèus tanpauc.

Soi pas exactament del vòstre vejaire. Los Europèus, Italians compreses, vòlon anar cap de jorns melhors. La politica ordoliberala gravada dins lo marbre indicutible de las estructuras eurocratas los empacha d'anar ont que siá, endacòm mai qu'aquí ont se tròban tenguts d'estar : al país dels paures sempre mai paures, dels trabalahires sempre mai precaris, sempre mai cargats de trabalh per sempre... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

11 de març 08.44h

#1 Avètz rason.
Benlèu qu'aquò marcha dins la republica de Portugal per amor qu'es lo sol "petit país" del mond latin e qu'an capitat una aliamça contra lo mostre austeritari de l'UE....
de meditar...


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

10 de març 08.38h

Portugal, l'excepcion latina
Ne austeritat, ne populisme, Portugal sièc la seu via d'esquèrra de contra-pèd de Bruxellas;
Requilhada e creisséncia...
Silenci mediatic crapulós


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions