CAPÇALERA: Nit arpiatana occitana cat
CAPÇALERA2: FAI-TE SOCI

Jornalet, gaseta occitana d'informacions

Dimenge, 16 de junh

Gerard Joan Barceló

Dissabte, 28.7.2018 03h00

Governem-nos!


Comentaris 17 comentaris    
Dolent Fluix Bo Molt bo Fabulós (12 vòtes)
carregant En cargament


Aficha electorala de la CUP per las eleccions del 27 de setembre de 2015
© Candidatura d'Unitat Populara




Etiquetas
autogestion, barceló, emancipacion, libertat, occitanisme, volontat

Tèsta aquí, contunhi d'agachar devèrs Catalonha, admiratiu d'autrei caputs, lei catalans que resistisson a l'estat espanhòu e encara pantaian de libertat, d'independéncia e de republica. Vos devi confessar que leis ai pas totjorn comprés, que me demandèri durant de longàs mes perqué avián pas activat la republica totun proclamada quauquei setmanas après lo referendum dau primier d'octòbre. Mai ara tot me pareis clar: an fach la chausida d'averar l'independéncia per mejan de la democracia e dau pacifisme. Vòlon pas que rage lo sang. Es mai valent que çò que se pòu pensar. Intraràn mens lèu dins la republica mai o faràn amb pus de dignitat, sensa aver de se reprochar la mòrt d'innocents. E d'Occitània estant, ieu que siáu catalan per la lenga e l'origina malhorquina, per ansin catalana insulara, li donarai sempre mon plen supòrt.

E manlèvi a un partit, ò pus exactament a una coalicion de partits qu'ai ja lausat, la CUP, la Candidatura d'Unitat Populara, un lèma que me sembla util a nòstra lucha occitana.
"Governem-nos!". Un exemple de frasa perfiechament comuna a l'occitan e au catalan. O diguèron fa quasi tres ans, quora lei catalan·a·s votavan per lo primièr còp per aver una majoritat independentista a son parlament, lo 27 de setembre de 2015.

N'ausissi ja que me dison: "Pecaire, i a ren a veire entre Catalonha e Occitània". E ben, figuratz-vos que o sabi. Quau o saup pas? Elei son a mand de se bastir un estat e nosautres siam pas manco a l'estat de nacion. D'unei protestaràn, m'acusaràn de traïson a l'ideau occitanista politic, mai aquò depend de çò que li disèm "nacion". S'es un sinonim de "pòble", es segur que siam una nacion, que cau ben un pòble per parlar una lenga. Mai ieu, vesètz, preferissi de parlar de nacion quand i es la volontat politica d'un pòble d'aver una capacitat de decision. Òr, la volontat politica, la trobam gaire dins leis occitan·a·s. E leis occitanistas son pas manco segurs de voler far d'Occitània una entitat politica. M'es sovent de grèu, mai es ansin, es la realitat qu'avèm, que nos agrade ò non.

Totun, torni au "governem-nos". Es un concèpte que cresi centrau. D'un caire, precisi pas se s'agís d'autonomia ò d'independéncia, ni la forma de govèrn. La formula nos laissa liures de chausir çò que volèm. D'autre caire, aquò met l'accent sus nòstre besonh particular. Nos fai mestier de poder governar coma volèm. Que siga pas un estat que nos impause sa volontat. Que siga pas tanpauc leis interès d'una classa sociala ò de poderosei multinacionalas que destrugan nòstra societat ò nòstrei condicions de vida. Que sigam pas, enfin, esclaus, d'un sistèma economic e sociau que nos conven pas.

Maugrat l'evidenta desparietat dei situacions catalana e occitana, cresi que devèm plenament reïntegrar aqueu "governem-nos" a nòstra pensada e subretot a nòstra accion.

Governem-nos!



abonar los amics de Jornalet
 



publicitat
BANER1-2-3: DGPL AN LAFONT



Comentaris

30 de julh 22.24h

"Fascam/fagam entre nosautres!"
Ça'm par plus général e plus pòple..


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

29 de julh 13.04h

Le séparatisme catalan es un geopolitisme transpolitician, que resulta d'una convivialitat identitària, d'un ben-èsser entre-se. Manca una reconneissència internacionala d'aquella especificitat, qu'en s'ouccupa Puigdemont...


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

29 de julh 10.33h

#14 quiò segur, non parlèvi pas de l'idéologia deu catalanisme de uei mes deu son procès qu'ei representatiu justament


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

29 de julh 08.46h

#13 E non, avètz rason, a pas res a veire ! Ne soi demorat (tròp nostalgicament ?) al catalanisme de 1936-1939… Cal dire que mas consideracions, se pòdon foncionar amb tota nacionalitat, reconeguda o non, non se pòdon júnher amb le nacionalisme el-meteis, que tròbi ieu incapable de constutuïr una fin en se.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

29 de julh 02.27h

#12 be pr'aquò lo catalanisme mentavut tot au long de l'article n'a pas arren a véser dab aqueth anarquisme


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

29 de julh 01.19h

#1Darrièr "governèm-nos" es l'anarquisme que se tròba. S'agís de quitar de delegar lo poder per via electorala, e de redigir e votar las leis sense l'ajuda alienanta de cap representant elegits, corruptible, enganable, crompable, amenaçable, manejable…

Non cresi pas que i aja gaire de monde aprestat per o far a de bon. Mas sense utopia, avançam pas jamai.


Valora aquest comentari:   votar positiu 14   votar negatiu 0
Respondre comentari replica Comentari inadequat   Formulari d'abús de comentari

28 de julh 22.23h

Quand disètz "Governem-nos", qual es aqueste "nos" ? La pichonèla minoritat dels estatjants del Miegjorn que tènan encara per miracle una consciènça occitana ? E que son pas pus qu'un reliquat reduch a l'estat de sècta dins un Midi que se sentis ultra-majoritàriament francès ? Fa gaireben 50 ans cantava lo Claudi Marti : "Escota plan mon fraire, lo sòmi que m'an fach, escota plan mon fraire un sòmi de damnat." E ben, al jorn d'ara es encara pièger, e cèrts cabussan encara pus dins l... Legir la seguida


Valora aquest comentari:   votar positiu 19   votar negatiu 3
Respondre comentari replica Comentari inadequat   Formulari d'abús de comentari

28 de julh 19.43h

#9

Agara enrè de tu... i a monde ???


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

28 de julh 18.32h

Gobernem-nos!
E diràn, Aquell "nos", quales son?


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

28 de julh 17.18h

Aquí un tite chanut e prometós ! Una bandièira per s'imajar l'eime e ausar pensar autrament : una veritat que comença... dinc la comuna, dinc l'entitat comunala.

Mès la mentalitat d'en cò nòstre saique es pas la mentalitat catalana. La coneisse pas la mentalitat catalana. Mès la nòstra, la constate chasca jorn. Vos fariá perdre la fe, de còps...

Perquò, crese ben qu'es aicí que tot comença e qu'un occitanisme "descolorat", ojectiu, emparciau, renovelat finalament, deu metre sa... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions