CAPÇALERA2: IEA-AALO

Jornalet, gaseta occitana d'informacions

Dimècres, 21 de novembre

Gerard Joan Barceló

Dissabte, 8.9.2018 03h00

Brèva meditacion sus l'indiferéncia


Comentaris 6 comentaris    
Dolent Fluix Bo Molt bo Fabulós (13 vòtes)
carregant En cargament


Aborrissi leis indiferents. Cresi coma Friedrich Hebbel que "viure vòu dire prene partit"
© Piazza di Vittorio




Etiquetas
barceló, engatjament, indiferéncia, responsabilitat

La constatacion es generala, e trobaretz pertot de citacions de divèrsei personalitats que parlèron ò escriguèron còntra l'indiferéncia, lo pastor baptista negre Martin Luther King, l'escrivan jusieu Élie Wiesel, l'intellectuau comunista sarde Antonio Gramsci. Lo cantador provençau de lenga francesa Gilbert Bécaud la vouguèt crucificar ò esquartierar, e Bernard Lavilliers la denoncièt, mai de fresc, dins sa cançon "Scorpion".

L'indiferéncia nos fai tot acceptar, comprés çò d'a fons inacceptable, e aqueu sentiment que se caracteriza per l'abséncia d'interès e d'esmoguda es bensai lo motor pus poderós de l'Istòria, estent que nos empenh a laissar lei causas se far. La misèria per carrièras? Me'n trufi. Lo patiment de ma vesina? Me'n trufi. La destruccion de la natura? Me'n trufi. L'escaufament climatic? Me'n trufi. Lei refugiats que mòron en Mediterranèa? Me'n trufi. Lei politicians que fan qué que siegue? Me'n trufi. Un musèu onte se crèma lei piadas de pòbles despareguts? Me'n trufi e me'n garci.

Adolescent en Corsega, aviáu un amic d'enfança que presavi e aimavi. Un jorn, quand li parlèri de mon pensament per l'environament, me respondèt que tirava ges de pena d'aquò. E subran son indiferéncia nos aluenchèt. Estranh qu' agui pas oblidat aqueu moment pontuau de duradís desavenir...

Es l'indiferéncia que nafra grèvament Occitània dempuèi de sègles longàs. L'indiferéncia dei parents que non diguèron ren quand seis enfants se fasián umiliar e castigar a l'escòla per aver parlat occitan. L'indiferéncia d'aquelei que fan ren mentre que veson que lo patois es a "se pèrdre", coma dison. L'indiferéncia que fai dire a una collèga mieuna de francés que sa maire parlava encara provençau: "Mai perqué lo monde d'aicí a pas vougut defendre sa lenga coma o fan lei còrses?".

Totun, pus grèva me sembla l'indiferéncia de l'occitan que saup quau es mai se mobiliza pas; quand plori coma una fònt mai refusi de bolegar. Vòli pas èstre aquel òme.














 



publicitat
BANER1: IEA-AALO



Comentaris

11 de setembre 02.12h

Per modestia tanben en un sens. Que pensavan que lo lor univers sociau-culturau n'avèva pas nada valor, e, benlèu que m'engani, mes qu'èi cresut léger devath l'indiferéncia mustrada d'uns locutors naturau qui n'an pas transmetut, un leugèr balanç enter gai e agaçament, qui per jo significava un: "qu'an rason, que'ns enganèm"


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 de setembre 23.36h

Bilingüisme familial.
Fa pas longtemps vivián très generacions a l'un-còp jotz le mesme tèit.
La convèrsa a taula èra bilingüa occitan e francés, recipròca entre grandes e lors enfants adultes.
Les felens parlavan pas que francés, o francitan. Les dos adultes se parlavan occitan davant les grands e francés davant les félins, e quora èran entre elles, éra sovent mixte quand sortián pas del mesme endreit.
Parièra constata ambe familhas estranhièiras, espanhòls, portugueses o it... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

9 de setembre 11.47h

#2 Ives Roqueta disia qu'èra "per amor", per lo sauvar d'un cert biais, que sos parents li avian pas parlat occitan. Penso qu'es exactement aquò, e rejonh çò que dises.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

8 de setembre 17.01h

Qual sap se degun a pas jamai revirat en òc aquel poèma castelhan .
Es de Gabriel Celaya (1911-1991), poèta espanhòl , foguèt publicat en 1955 dins Cantos Iberos.
Tròç causit :

LA POESIA ES UN ARMA CARGADA DE FUTURO

Poesía para el pobre, poesía necesaria
como el pan de cada día,
como el aire que exigimos trece veces por minuto,
para ser y en tanto somos dar un sí que glorifica.

Porque vivimos a golpes, porque a penas si nos dejan
decir que somos quien somos,
nuestros cantares n... Legir la seguida


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

8 de setembre 14.33h

L'autor d'aqueste bona cronica nos parla de : "L'indiferéncia dei parents que non diguèron ren quand seis enfants se fasián umiliar e castigar a l'escòla per aver parlat occitan"…

Los parents del mieu grand que, sul final de vida, poguèt enfin partejar lenga amb ieu (mercés al mieu esfòrç militant e intellectual) non èran pas indiferents que lor disiá que s'èra fait umiliar e castigar. Li respondián qu'èra pel sieu ben, per que non demorèsse un pauràs e que trapèsse un bon m... Legir la seguida


Valora aquest comentari:   votar positiu 23   votar negatiu 0
Respondre comentari replica Comentari inadequat   Formulari d'abús de comentari

8 de setembre 09.30h

Indifferència a l'occitan (escrit) o al patés (parlat)
Ambe dus son percebuts coma una varianta morfologica, mai que mai fonetica del francés, que non affècta pas le lenguatge corrent, nimai le biais de pensar, e que l'utilitat n'es limitada.
L'occitan escrit estant forcedament limitat per quant a l'òuffèrta de lectura.
Amb'aquò, l'apprendre e la practica d'una lengua oblidada o desconnescuda commanda un esfòrt, al qual se vei pas le temps.
O mai simplament, es un non-problèma persona... Legir la seguida


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions