CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dissabte, 19 d'octòbre

Gerard Joan Barceló

Dissabte, 10.11.2018 03h00

Occitans, totes al Conselh per la Republica!


Comentaris 6 comentaris    
Dolent Fluix Bo Molt bo Fabulós (12 vòtes)
carregant En cargament


Cars legeires que non sai, jamai non ai escondut mon supòrt a la bastison d'una Republica de Catalonha vertadièra, e pas solament simbolica coma cal reconéisser que o foguèt lo 27 d'octòbre d'arunan. Benlèu foguèri ninòi de creire qu'arribariá tre sa proclamacion, mas cresi encara qu'es necessària fàcia a una Espanha que se vòl tornar centralizar e refusa de rompre amb sas tendéncia autoritàrias, e legitima perque me sembla que la vòl la majoritat del pòble de Catalonha, après lo referendum coratjós e mai eroïc del primièr d'octòbre de 2017. E tornarmai mas pensadas van als presonièrs e exilhats politics catalans, que lo solet espèr de liberacion es l'arribada de la republica catalana.

Vivèm pereu un periòde estranh ont se pòt constatar que los dos camps semblan vencuts. D'un caire, los independentistas an pas daverada la libertat del país e pareisson d'aver pas pus d'estrategia clara, mas d'autre caire, Espanha govèrna Catalonha sonque amb la repression, e l'agressivitat de l'unionisme es lo signe indiscutible que se sap minoritari en tèrra catalana. La situacion es blocada e la resisténcia interiora complicada.

Coma refusi de me resignar perque sabi que la resignacion significa la desfacha, ai decidit de jónher lo Conselh per la Republica, que, jos la direccion de Carles Puigdemont, se balha l'ambicion de menar, de l'estrange estant, Catalonha cap a la libertat.

O ai fach non solament perque me considèri catalan, mas tanben perque, enfin, l'independentisme catalan trespassa lo quadre estatal espanhòl: l'ai pogut jónher en declarant una residéncia en "França" e un ciutadanatge francés. Amb sa lucha per la libertat, la nacion catalana va delà lo drech del sòl e lo drech de la sang, e afortís, pr'amor de sas valors intrinsècas de democracia e progrès, sa dobertura a tot lo Mond!

Vos farai doncas una demanda: que jongam totes lo Conselh per la Republica, e pas solament los que, coma ieu, se senton tan catalans coma occitans.

I vesi doas rasons màgers. La primièra es la solidaritat amb la nacion vesina, que sa lenga es encara tan pròcha de la nòstra, e mai ajam seguits de camins desparièrs. A travèrs d'aquela solidaritat de la proximitat, podèm tanben afortir lo drech universal dels pòbles de decidir liurament lor avenidor.

E la segonda, que nos deuriá èsser pereu evidenta, es que la republica catalana es potencialament tanben occitana; pòt èsser, perqu'es son territòri es a l'encòp catalan e aranés, doncas a l'encòp catalan e occitan, un espaci binacional. Per tant, en jonhent lo Conselh per la Republica, amb nòstres fraires e sòrres d'Aran, poirem refortir l'occitanitat de la Republica, e servar sencer l'espèr d'èsser liures nosautres tanben un jorn.

Fraires e sòrres d'Occitània, totes al Conselh per la Republica!

 
 
 


Vesitatz: consell.republicat.cat
 
 


abonar los amics de Jornalet


 



publicitat
BANER1-2-3: DGPL DICTADES



Comentaris

7 de genièr 10.52h

#5

1/ Cò'i sigur que d'occitans que fau 0,4% di votes quand sou en plëno formo podou faire proudèl i Catalôs qu'au uno autounoumìo dempuèi quage quaranto ons. lol

2/ Republico ? digitalo soulomen

3/ catalano -occitano ? coumo lou pastet de lauzeto : un chaval / uno lauzeto lol

Sèns coumta que la Val d'Aran voutet Ciudadanos.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

12 de novembre 11.17h

#3 Ai vist sus TV3 ( television catalana), l'entrevista (pel Vicent Sanchís, plan grand jornalista) de l'Inés Arrimadas- d'origina andalosa, de Jerez de la Frontera, que foguèt aculhida calorosament per Catalonha e los catalans, onte a fach la siá carrera professionala ( advocada e consultanta) e politica ( diputada e cap del partit "Ciutadans), pòrtaparaula de certs catalans qu'an renegat de lor patria de soca o d'adopcion e escopisson sul seu país.

Aprèp aquela entrevista, pensi que c... Legir la seguida


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

10 de novembre 09.39h

#3 Mercés! Basta de clavar sul ligam en blau dins l'article.
http://consell.republica.cat


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

10 de novembre 08.59h

Plan bona iniciativa ! Mercés al Gerard-Joan Barceló.

Conssí faire per s'inscriure e participar al Conselh per la Republica, de l'Estat francés estant ?

VISCA LA TERRA !
VISCA CATALUNYA LLIURE !
NI UN PAS ENRERE !


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

10 de novembre 08.11h

La libertat per rappòrt a que? A Espanha qu'es coma França sos la dominacion de las fòrças poderosas?
A saber si podem far una revolucion sens l'argent daus poderos?


Valora aquest comentari:   votar positiu 4   votar negatiu 4
Respondre comentari replica Comentari inadequat   Formulari d'abús de comentari

10 de novembre 08.11h

La libertat per rappòrt a que? A Espanha qu'es coma França sos la dominacion de las fòrças poderosas?
A saber si podem far una revolucion sens l'argent daus poderos?


Valora aquest comentari:   votar positiu 2   votar negatiu 4
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions