CAPCALERA: VILA DE TOLOSA
CAPÇALERA2: IEA-AALO

Jornalet, gaseta occitana d'informacions

Dimars, 20 de novembre

Gerard Joan Barceló

Dissabte, 27.10.2018 03h00

Lo 27 d'octòbre de 2018: letra a la presidenta Carme Forcadell


Comentaris 6 comentaris    
Dolent Fluix Bo Molt bo Fabulós (8 vòtes)
carregant En cargament


Carme Forcadell a la Via Catalana (2013)
© Wikipèdia occitana




Etiquetas
27-O, barceló, CarmeForcadell, catalonha, libertat

Dòna Presidenta,

Sabi pas se las règlas protocollàrias me permeton de vos apelar "presidenta", mas vesi primier en vos la digna presidenta del Parlament de Catalonha, e quand disi "digna", cresi de saber çò que disi: avètz mostrat a cada instant dins vòstras foncions seriós e dignitat, e tot aquò malgrat l'indignitat de las menaças espanholistas.

Una persona qu'aimi, una professora de catalan qu'un jorn vos trobèt per un motiu professional, m'a confirmat las qualitats que senti en vos, e mai nos conescam pas. La dignitat, d'efièch, es un atribut que vos correspond prigondament, coma valenta presidenta de l'ANC, puèi coma presidenta del Parlament, e ara embarrada dins aquela freja preson ont non accèpti pas que siatz.

Perque vòstre empresonament es una injustícia suprèma. Dins lo contèxt d'una lucha per l'independéncia, es frequent que l'estat que refusa la libertat d'una nacion enseguisca los caps de l'executiu. Se pòt doncas comprene –non ai pas dich "acceptar"– que lo govèrn d'un estat espanhòl incapable de democracia vòlga metre en preson un president e un vicepresident de govèrn, e mai un ministre de l'Interior.

Mas a vos, coma o justificar? Coma justificar que s'embarre la presidenta d'un parlament? Aviatz pas de foncions executivas, tot çò que faguèretz es permetre un debat, çò qu'es la quita esséncia del poder legislatiu, çò es lo poder de debatre e de votar d'idèas e de leis; cèrtas, se tractavan d'idèas, de leis e un referendum qu'agradavan pas ges a Espanha, mas se pòt pas reprochar, en democracia, a una assemblada parlamentària democraticament elegida d'exercir simplament sas foncions legislativas. Per tant, en vos empresonant, Espanha confirma internacionalament qu'es contrària a la democracia.

Dòna Presidenta, ma letra es del 27 d'octòbre 2018. Fa exactament un an, lo Parlament de Catalonha votava una declaracion d'independéncia que seriá estada "politica", coma s'una tala declaracion poguèsse èsser quicòm mai que politica. Una declaracion d'independéncia es un acte politic per definicion, çò'm par, e me pensi que seretz d'acòrdi amb ieu. Lo 27 d'octòbre foguèt una jornada tras que particulara. Coma d'autres catalans –ai oblidat de vos dire que, sens viure en Catalonha ni aver lo ciutadanatge espanhòl, e malgrat que siái tanben occitan, o bensai perque soi occitan, me considèri catalan–, tremolavi, m'esmoviái, m'entosiasmavi, crenhiái, e finalament sabiái pas pus çò qu'èra a passar, cabussat dins l'incertitud d'un moment istoric. Ara sètz silenciosa, entre las parets d'una preson que se situa tristament e ironica dins lo país que volètz, que volèm liure, mas jamai non ai cessat de me demandar çò que pensàvetz vos, aquel jorn, entre los crits e lo mesprètz de l'unionisme, entre las cridas d'esperança de tot un pòble inquiet. Me respondretz?

Dòna Presidenta, vos vòli liura coma vòli liure tot lo poble qu'avètz defendut fins al sacrifici personal. E vos vòli liura non pas dins un an, dins sièis meses, dins cinq setmanas o dins quatre jorns: vos vòli liura ara.

E d'Occitània estant, vos acompanhi en pensada cada jorn per que recobretz çò que cercam: la libertat.



abonar los amics de Jornalet
 



publicitat



Comentaris

7 de novembre 11.31h

Per tots on unes heroïnes i uns herois. L'Amor per la Terra i la Pàtria els ha portat a fer el que han fet, un gran sacrifici, només unes persones grans d'esperit i molt generoses ho podrien fer.
Tot el suport a elles i ells, i que es digui d'un cop i tothom, del que es espanya, un cau de m...
Visca la Terra...Lliure!
I amb tot el suport:
L'Ernest, "El Tàrrega".


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

30 d'octòbre 17.37h

"gardis de preson"


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

30 d'octòbre 17.33h

òc, çó que cercam totis (pas los gardis de peson): la libertat


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

28 d'octòbre 20.39h

Senyor Gerard Joan Barceló, no conec la llengua occitàna, germana del català, excuseu-me. Vull expressar-vos les més sentides gràcies per les emotives paraules dirigides a la presidenta del Parlament, MH Carme Forcadell, injustament empresonada per haver permés el normal funcionament de la Cambra, ço és: parlamentar.
Gràcies.


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

27 d'octòbre 17.43h

Un còp mès, una contribucion digna, en defensa d'una persona digna injustament embarrada e d'una causa justa e digna.
Plan mercé.


Valora aquest comentari:   votar positiu 9   votar negatiu 0
Respondre comentari replica Comentari inadequat   Formulari d'abús de comentari

27 d'octòbre 08.41h

Excellenta demonstracion del caractèr non-democratic del regime espanhòl
- La detencion politica preventiva
- L'atteinta politica al póder legislatiu
S'analisa coma la condemnacion d'un dreit d'expression (parlementari) sus la realizacion d'un autre dreit d'expression (popular). Un comble!
Aquò se nomma le terrorisme d'Estat.
La plena democracia inclutz le dreit d'expression geopolitic dins le dreit d'expression politic, e judiciariza pas l'opinion politica.
La non-condemnacion en Espanha e... Legir la seguida


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions