CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 16 de julh

Gerard Joan Barceló

Dissabte, 16.3.2019 03h00

Necessària convergéncia de las luchas


Comentaris 3 comentaris    
Dolent Fluix Bo Molt bo Fabulós (11 vòtes)
carregant En cargament


Anciana revista catalana Revolta Global (2004)
© barcelona.indymedia.org




Etiquetas
barceló, confederalisme, ConvergénciaLuchas, lucha

Aqueste article, lo publiqui l'endeman de las caumas escolaras pel clima, e lo jorn d'autras marchas ecologistas mentre que passaràn per qualques carrièras de Gilets Jaunes; per quant a eles, d'ensenhaires aprofecharàn de jornadas (en realitat de matinadas) pòrtas dobèrtas per afichar lor desacòrdi envèrs la politica del ministre francés de l'educacion. A Madrid contunha lo jutjament dels independentistas catalans que persistissi de veire coma de nòus procèsses de Moscòu, e d'unes s'indignèron fa qualques jorns de l'elògi que lo faguèt lo president del Parlament Europèu, l'italian Antonio Trajani, d'aspèctes per el positius de la politica del dictator Mussolini. Se parla pas pus gaire dels migrants que defuntan en Mediterranèa, ni dels combats dels curds. Torni en França, e constati que las esquèrras, fàcia al neoliberalisme de mai en mai autoritari de Macron e a la temptacion de l'extrèma drecha, son incapablas de s'unir. Dins fòrça païses un nacionalisme supremacista e exclusent pareis de pojar, coma en Ongria, Turquia, Itàlia o Espanha.

Vos aurai fach un inventari a la Prévert, coma lo qu'escriguèt aqueste poèta libertari del sègle XX, que prepausava dins son poèma "Inventaire", publicat dins la rejoncha Paroles, una lista eteroclita? "Un Gilet Jaune, un migrant african, un Estilo Roge, un raton lavaire..." Non pas!

De pertot me sembla que monte una contèsta de çò que gausi pas qualificar d'òrdre mondial per passar pas per un conspiracionista, mas qu'es malgrat tot un modèl de societat planetari. Ten doas caras: un caire dobèrtament autoritari dins las dictaturas e las democraturas; un caire liberal e consumista mas que se pòt revelar el tanben autoritari quand se sent en perilh. Es benlèu per aquò que los catalans del Principat son oficialament pauc sostenguts, o atrason la mesfisança dels poderoses: cossí lor exigéncia progressista de democracia radicala lor agradariá?

Per natura, las esquèrras se devesisson sovent, en causa dels debats d'idèas que se fan de còps tan vius que pòdon menar a d'afrontaments sagnoses, coma los de la guèrra civila espanhòla. E me pensi pereu que la fin de l'URSS e del blòc sovietic, malgrat las derivas totalitàrias evidentament condemnablas, a portat tòrt al camp progressista; malgrat los defauts, las injustícias e mai las orrors dels regims diches comunistas, l'esperança socialista inspirava los que volián un autre modèl social que l'òrdre capitalista inegalitari e, o vesèm plan uèi, destruseire de la vida.

Per ansin, en plaça de las divisions que nos daissan febles davant d'un costat lo neoliberalisme, e de l'autre las pojadas autoritàrias e xenofòbas, cresi tan necessària coma urgenta una convergéncia de las luchas. Benlèu, o disi tornarmai, lo modèl confederalista democratica es una draia interessanta, en associant l'ecologisme, l'antimasclisme e la volontat de convivéncia e de progrès coma responsas a l'opression generala.


abonar los amics de Jornalet



publicitat
BANER1-2-3: DGPL DICTADES



Comentaris

18 de març 22.44h

Es vrai que tot vèn d'un sistèma coërent de mal legir o descriptar,
e que le concèrnament de las gents es direct e selectiu.
L'article traça una bona dralha, socio- e geopolitica.





Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

17 de març 10.31h

Lo monde es dominat per l'argent. Los PDG, los caps d'estats e òmes importants son mas de las marionetas au servici de l'argent qu'es tengut per una minoritat que parla en bilhons de dolars mas pas en centimes de dolars o d'euròs. Rotschild posseda 164 banques e son pas de las pus petialetas.
Emben l'argent, l'òm crampa tots los poders: poder politic; poder juridic, los medias las autoritats religiosas, scientifica filosoficas. Sufis de botar a lòr testa un cap qu'es sos la pression ... Legir la seguida


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

16 de març 08.12h

Un còp de mai, mercé GJB per tas analisas que balhan d'espèr.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions