CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dijòus, 12 de decembre

Gerard Joan Barceló

Dissabte, 13.7.2019 03h00

Quin occitan estandard volèm? Crida solemna a la rason


Comentaris 72 comentaris    
Dolent Fluix Bo Molt bo Fabulós (24 vòtes)
carregant En cargament


"Otària" o "otaria"? "Organizaire" o "organizator"? "Fondador" o "fondator"? "Ibrida" o "ibrid(e)"? E mai "Occitània" o "Occitania"?

Aqueles dobtes ieu assagi coma corrector de Jornalet de los resòlver, en me concentrant suls principis del modèl de lenga que lo seguís nòstre mèdia occitan. Coma primièr corrector al sens cronologic, Domergue Sumien a ja facha una òbra remirabla, en agachant los melhors trabalhs anteriors, en establissent de critèris d'autenticitat, de coeréncias etimologica e morfologica, de comparason amb l'ensemble de las lengas romanicas en contacte o en relacion de proximitat amb la lenga nòstra; tanben en seguissent una tradicion de codificacion (Alibèrt, Pèire Bèc, Robèrt Lafont, Patric Sauzet e lo Conselh de la Lenga Occitana) sens oblidar l'òbra lexicografica encara preciosa de Frederic Mistral.

Per malastre (mas sabi que ja d'unes respostaràn "per astre"), de lingüistas e de collègas occitanistas que ne contèsti pas brica la bona fe seguisson d'autres critèris, e prepausan, e de còps quitament impausan ansin d'autras causidas. Consequéncia de tot aquò? Qui vòl aprene la lenga nòstra risca de se fòraviar. O vivi amb mos escolans quand me vesi obligat de lor explicar perqué tala forma me pareis melhora qu'una autra: capisson pas totjorn lo perqué, voldrián una lenga mai establa; son joves mas vòlon pas pèrdre de temps, qu'an plan entendut que la lenga es a córrer contra lo temps que la poiriá escafar.

Per tant, fau una crida solemna a l'unitat e a la rason: arrestem de nos contradire e metam-nos a l'òbra tornarmai ensems. Seriam venguts bauges de non comprene pas que l'occitan s'amerita melhor que nòstras vanas controvèrsias? S'es un jòc, vesèm pas qu'es perilhós? Se jòga pas pus quand se tracta d'empachar la mòrt de la lenga: totes l'aimam e la volèm viva, non?

Ieu contunharai de far mon trabalh de corrector, fàcia a mos dobtes, de còps que i a, mas nos demandi quicòm: joguem pas amb lo fuòc quand la lenga occitana es ja a cremar.

Se los guaranís o an pogut far, perqué los occitans ne seriam incapables?





publicitat
BANER1-2-3: DGPL AN LAFONT



Comentaris

22 de julh 08.51h

#11 Era Acadèmia deth Consistòri deth Gai Saber n'ei pas era sola Acadèmia. Tanben auem era Acadèmia Aranesa dera Lengua Occitana. E eth Congrès. E er Alibèrt. E eth Sumièn. E frem autes. E era lengua neutra des editoriaus deth Jornalet. E s'engana (o menteish) en copiar es secessionistes qui disen qu'era paraula Occitania ei recenta e sabenta. Es atestacions imprimides mei vielhes son de 1549 (italian: Historia delle cose di Francia, raccolte fedelmente da Paolo Emilio da Verona, e reca... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

21 de julh 22.47h

Torni de vacanças e m'avisi que l'occitanisme a pas cambiat.
Mon punt de vista es pròche de Martèl. Cadun se pataça coma pòt, los aprenents e los ensenhaires, e aquò fonciona pas tròp mal.
Pr'aquò (ça que la/ çaquelà/ totun... ) vesi l'interès d'un estandart: pas dins la necessitat d'impausar una forma de lenga, mas dins la necessitat ont sèm, de còps que i a, d'ensenhar l'occitan a de monde sens ligam amb la lenga e dins un encastre non occitanofòne. M'expliqui: vos trapatz a en... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

18 de julh 16.38h

#63 Un pauc com los sembla Gascons de Baiona qui son susquetot anti bascos arraujats e qui son occitanistas de paréisher. Com los de Biarn Tostem o de l'IBG, qui son susquetot francés dinc a la mèussa deus sons òs e tanben anti bascos arraujats (com daubuns occitanistas).


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

18 de julh 15.17h

#68 Granmercés!


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

18 de julh 15.10h

#67 Aquò òi !


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

16 de julh 20.26h

Quin occitan estandard e volem? Pas nat!!

Qu'ei pro simple totun, que sufeish de parlar lo parlar deu país on demoram. L'intercompreneson qu'ei au còr de la logica occitanista. E qu'ei shens qu'un dògme: n'èi pas jamei avut nat chepic tà devisar dab qui que sia e d'on qu'estosse...


Valora aquest comentari:   votar positiu 14   votar negatiu 9
Respondre comentari replica Comentari inadequat   Formulari d'abús de comentari

16 de julh 19.41h

#62 As rason. Personalament defende pas un lenga nauta per lo gascon que siá pas gascona. E los que va defendon fan una error grèva d'analisi. Soi per que Gasconha s'autodetermine (lingüisticament au pus mens) e que defendam man dins la man nòstra istòria e cultura comuna fàcia a l'oblit e l'escafament estatal.


Valora aquest comentari:   votar positiu 6   votar negatiu 3
Respondre comentari replica Comentari inadequat   Formulari d'abús de comentari

16 de julh 18.33h

#64 Solide, mensh e j'a pòbles occitans, mei pòden díser e har n'impòrta que. Totun, ne pensi pas que, maugrat las enganas, l'occitanisme e sii responsable d'aqueth desòu. Lo malaja anar de l'istòria qu'èra tròp hòrt. N'ei pas ua escusa totun enda assordir enqüèra mei l'ahar.


Valora aquest comentari:   votar positiu 6   votar negatiu 2
Respondre comentari replica Comentari inadequat   Formulari d'abús de comentari

16 de julh 18.25h

#60 D'acòrdi a 200 % emb de vos ! E l'occitanisme qu'o vòu pas entendre : malaisada es la remesa en question quand s'es mancat lo trin de l'Istòria e de son pòple...


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

16 de julh 15.53h

@occitanus magnus
"Qu'as causit l'occitanisme e nosautes ne'n volem pas, qu'ei autan simple com aquò"
Pas tan simple qu'aquò "nosautes" , t'ac pòdi díser. I a per exemple Occitanixtaires gascons, de mala fe plan solide, endarrerits a fet -desencusatz Hilh- que los mès barjacaires d'aqueths hican sus sites internet fotiròlas anti- occitan a tot pip-pap . De tot biais, la lenga occitana o (gascona com volhatz) se'n foten coma de la lor purmèra camisa sonque ensajan de har-se valer atau... Legir la seguida


Valora aquest comentari:   votar positiu 5   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3
-
4
-
5
-
...8 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions