CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 20 d'agost

Gerard Joan Barceló

Dissabte, 3.8.2019 03h00

Quin occitan volèm? Lenga de clubs o de la societat?


Comentaris 7 comentaris    
Dolent Fluix Bo Molt bo Fabulós (14 vòtes)
carregant En cargament


© Cecília Hautefeuille




Etiquetas
barceló, lenga viva, occitan, occitanbarceló

Sovent, quand presenti a d’escolans la lenga nòstra, la devi justificar. L’occitan non es pas mòrt, es socialament aflaquit, es un parlar escondut que cal cercar per veire enfin qu’es viu. Es un esfòrç intellectual que còsta als adolescents de mon entorn que sòlon pas ausir ni per carrièras ni a l’ostal la lenga occitana, per eles una mena de latin que se seriá escantit un pauc après lo gloriós patés de Roma.

 

Lor repròchi pas lors jutjaments cochoses ni lors testards dobtes, qu’al contrari nos ajudan a melhor compréner l’enjòc de far de nòstra lenga una lenga de la societat.

 

Òr, en Occitània, la lenga nòstra es mai sovent una lenga de clubs, limitada a qualques corses, a de cercles e cafès occitanistas e de curioses. Aran, solet territòri de l’oficialitat totun imperfiècha, e qualques encontradas ruralas e/o montanhòlas, pasmens pro fragilas pr’amor de la problematica generala de la transmission, son las excepcions que daissarián esperar que l’occitan recobre qualque jorn un usatge social.

 

Alavetz, que volèm? Que l’occitan se mantenga coma practica nostalgica, ludica o utopica? Es çò que tenèm, ara, e conven d’admetre qu’i resistís fòrt plan.

 

O fasèm l’escomessa que los joves calandrons o sortits d’autras classas, que los mens joves, que las familhas e los amics, o quitament nòstres enemics amb los quals partejam ça que la la meteissa lenga, nos podèm organizar per far de l’occitan una lenga de la societat.

 

Ieu i cresi, mas la fe es mòrta sens las òbras.

 

 

 

 



publicitat
BANER1-2-3: DGPL DICTADES



Comentaris

5 d'agost 20.40h

soc catalocitá, apasionat d´occitánia bresol de catalónia.


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

5 d'agost 09.22h

Ten, coma socializacion possibla, n'i a activitat plan comuna, me sembla, qu'es de 'visar de las serias TV. Sem totplen a telecharjar de las serias suventas vetz en VOST. Me demande si de la gent serian interessat per la VOSTOC (version originala sostitulada en occitan). E zo vos demande, ten, si seria prest a 'visar vòstra seria americana preferida en VOSTOC.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

4 d'agost 19.55h

#4 Eres occitan señor?


Valora aquest comentari:   votar positiu 0   votar negatiu 2
Respondre comentari replica Comentari inadequat   Formulari d'abús de comentari

4 d'agost 19.00h

A LES PUBLICACIONS OFICIALS ESTE DE UTILITZAR LO OCCITÁ ESTANDAR, A LES PUBLICACIONS PARTICULARS ESTE DE UTILITZAR LES VARIANTS LOCALS.


Valora aquest comentari:   votar positiu 2   votar negatiu 3
Respondre comentari replica Comentari inadequat   Formulari d'abús de comentari

3 d'agost 14.36h

N'averam pas jamèi mei que çò qui avem, qu'ei segur. Que demorarà ua practica marginau, malaja!


Valora aquest comentari:   votar positiu 5   votar negatiu 4
Respondre comentari replica Comentari inadequat   Formulari d'abús de comentari

3 d'agost 13.23h

Far d'occitan es una activitat lingüistica d'interès lingüistic, e doncas limitat socialament.
Pensi en de clubs occitanistas de tota mèna, de començar ambe d'activitats popularas generalas accessiblas a totes e totas: caminada, petanca,...
Una oralitat conviviala, que passarà d'un jòc de ròtle cap a quecòm de natural al contèxte.
Cal tornar bastir d'espacis recreatius de contextualitat occitana.
D'occitan dobèrt, fòra les parets!



Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

3 d'agost 09.11h

Volem ni la lenga de clubs, ni lenga de societat.
Volam saber perque esser occitan? Qu'i a que nos platz? que pòdam nos fas valer?

Quò es pas l'òbra qu'a fach la religion mas lo curat emben son discors de la dimanchada.
Quò es pas Marx qu'a fach lo comunisme mas lo discors daus militants.
Lo discors era fach per adaptar la teoria a la realitat economica, sociala e crear una psicologica qu'apelava los uns e los autres a se solidarisar.
Soladirisar qui contre qui, es benleu aqui lo fon... Legir la seguida


Valora aquest comentari:   votar positiu 1   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions