CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 23 d'octòbre

Gerard Joan Barceló

Dissabte, 14.9.2019 03h00

Letra a Son Excelléncia Emmanuel Macron, coprince d'Andòrra


Comentaris 9 comentaris    
Dolent Fluix Bo Molt bo Fabulós (12 vòtes)
carregant En cargament


Bandièra d'Andòrra




Excellentissim Sénher,

Permetètz-me que m'adreice a vos en "pirenenc", lenga d'una partida de vòstres ancessors, çò diguèretz, e que foguèt tanben l'idiòma dels comtes de Fois que sètz lo successor. Lo "pirenenc", li dison mai generalament "occitan", e son espaci, o sabètz, va en realitat dels Alps als Pirenèus, coma o cantava lo grand poèta provençal Frederic Mistral. L'occitan vos deuriá èsser, doncas, d'a fons familiar, e es pas luènh del catalan qu'ausiguèretz ièr sus vòstras tèrras andorranas dins qualques discorses.

Al catalan, li avètz autrejat l'onor, la favor e la gràcia de conclure vòstre parladís tot en francés amb un "Visca Andorra!", mas benlèu, an un moment, vos a semblat estranh que la lenga catalana i siá la sola oficiala, mentre que lo meteis jorn, dins un autre país catalan, mai al nòrd, se sabiá que i auriá pas, pel primièr còp dempuèi 1992, de pòst de professor al CAPES de catalan.

Sètz, ne dobti pas, un òme modèrne, totun, lèst per totes los desfises e totas las escomessas, e vos fau doncas aquesta solemna proposicion: perqué, Excellentissim Sénher, o demostrariatz pas en aprenent lo catalan? Los ciutadans d'Andòrra vos mercejarián de l'atencion que lor portariatz, e coma los comtes de Fois parlavan pirenenc, perdon: occitan, intrariatz dins l'Istòria coma lo primièr president francés e coprince andorran qu'a instituit la lausada tradicion d'estudiar la lenga del territòri plaçat jos vòstra nauta responsabilitat. Se pòt tanben imaginar que tocat per una sobda esmoguda davant la coneissença de la rica literatura de la lenga catalana, entendriatz l'imperiosa necessitat de la daissar pas morir al Reialme de França, perdon: en Republica Francesa. Imitariatz ansin lo bolivian Evo Morales en protegissent enfin las lengas de vòstres païses.

En mai d'aquò, coprince d'un país catalan, soi persuadit que quitariatz de prene las parts de Madrid dins lo conflicte amb Catalonha: demandariatz una solucion politica e democratica, e lavariatz la vergonha francesa que vòl que lo president Carles Puigdemont, innocentat en Belgica e Alemanha, liure pertot en Euròpa, siá sempre en França jos la menaça d'una arrestacion sens jutjament que lo liurariá sul pic a la Cort Suprèma espanhòla. Prince, seriatz pas coma Loís XIV e Felip V, òmes de guèrras e de revenges, de fòrça e d'imposicion, e retrairiatz al rei occitan de Navarra Enric, òme de patz e de dialòg que metèt fin a las Guèrras de Religion.

Me fisi de vòstra saviesa, Excellentissim Sénher, per qu'acceptetz ma proposicion.

Vòstre leial e fidèl subjècte,



 



publicitat
BANER1-2-3: DGPL TRADUCTOR



Comentaris

30 de setembre 02.19h

#2 Cert, a Andorra ja s'escolta més castellà que no pas català.

Primer, per la immigració.
Segon, pels mitjans de comunicació, TV bàsicament.

Per això si es vol mantenir la llengua l'objectiu núm. 1 és tenir bons mitjans de comunicació. I no oblidar mai les criatures, la programació infantil és fonamental, el rovell de l'ou.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

16 de setembre 12.34h

#7 Aquí n'apreni una ! Pensavi que lo Fossar de les Moreres èra vesin de Santa Maria del Mar, amb un monument solemne per o recordar a totes…


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

16 de setembre 08.38h

La França de Macron es dins la continuïtat d'aqueles que liurèron un autre president de la Genaralitat al govèrnament de Madrid. Aquel òme acabèt fusilhat dins lo "Fossar de les Moreres" a Motjuïc.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

15 de setembre 19.14h

MERCES A MACROS PRESIDENT DE FRANÇA HE DESCOBERT UN ALTRE LENGA ANOMENADA PIRINENCA.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

15 de setembre 09.22h

#3 Non soi ieu d'acòrdi amb lo títol que l'autor acòrda al mariòl que la se jòga coprince, per las rasons qu'evòcan la trèva de Chabèrt de Barbairan, ni encara mens amb lo títol que l'autor s'atribuís a el meteis. Soi pas lo subjècte de res ni de degun. A aiçò près, tot çò que çò que ditz me conven… e supausi que los títols fan partida d'un jòc estilistic d'escritura.


Valora aquest comentari:   votar positiu 9   votar negatiu 1
Respondre comentari replica Comentari inadequat   Formulari d'abús de comentari

14 de setembre 22.08h

#2 Complètament exact...
La populacion de nacionalitat andorrana es minoritària (cerca del 40%), nacionalitat de sang o per maridatge. Andòrra a una economia de commèrci destaxat (alcoòl e tabac) e de torisme, e emplega fòrça immigrats, del sud d'Espanha e de Portugal; cal precisar que'l dreit del trebalh i es inexistent... la fòrça de trabalh de l'estacion d'esquí son de professionals sudamericans qu'an la sason d'ivern al revèrs...ta i montar un afar, cal préner un cò-sòci andor... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

14 de setembre 20.30h

TOTALMENT D´ACORD AMB JOAN BARCELO E LO MAINATGE DEL CANALET.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

14 de setembre 19.47h

Per bon o mal astre o sabi pas èra en Andòrra lo divendres 13. Atant que vos disi qu'esperèri pas las sièis oras per entendre lo dich del coprínce. Pasmens i a un brave quicòm qu'arremarquèri es la diglòssia generalizada en Andorra. Quand òm passeja per Andòrra la Vella e qu'òm trèva los magazins (i a pas qu'aquò) òm s'avisa que totes los emplegats e disi totes sens cap d'excepcions parlon castelhan e çò meteis pels policièrs de la circulacion e los obrièrs , quand òm s'apr... Legir la seguida


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

14 de setembre 13.33h

Son excelléncia ? E qué seriá excellent, aqueste mariòl ? Es un ciutadan coma un autre… Te'n fotriái, de coprinces ! Un senhor se bat, l'espada a la man, non pas contra son pòble, mas amb el e per el… Se que non, val pas res mai qu'un cap de mafia !

Son excelléncia !!! Se reconeis un arbre a sa fruita, non ? Demandatz al Gilet Jaune en qué es excellent, lo tipe, tè !


Valora aquest comentari:   votar positiu 12   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions