CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 23 d'octòbre

Gerard Joan Barceló

Dissabte, 28.9.2019 03h00

Non-omenatge a Jacques Chirac


Comentaris 14 comentaris    
Dolent Fluix Bo Molt bo Fabulós (16 vòtes)
carregant En cargament


La colèra de Jacques Chirac durant la finala de la Copa de França, quand de suportaires de Bastia siblèron "La Marseillaise"
© L'Équipe




Etiquetas
Barceló, eròis, JacquesChirac, occitan, Occitània

Es mòrt l'ancian president francés Jacques Chirac. Se ditz que diluns, dins leis escòlas e administracions, se farà a tres oras de l'après-dinnar una minuta de silenci en son onor. Compreni l'esmoguda de la gent que l'aimava, de seis amics,  de sa familha, de sei partisans, e me i senti pas de tot en tot insensible: ciutadan francés maugrat ieu, aguèri de seguir sa longassa carriera politica lòng de ma vida.

Mai en qué, en quau rendre omenatge? A la foncion presidenciala francesa? O laissi an aquelei que creson encara en aqueu sistèma politic, es sa libertat - ò son alienacion. A sa politica? Coma president de la republica, ajudèt fòrça au melhorament de la seguretat sus leis estradas, çò pareis. Auriá ajudat ais andicapats e ai malauts dau càncer. Reconeguèt la part de responsabilitat de França dins lo genocidi que ne fuguèron victimas lei jusieus. Diguèt de non a George W. Bush quand se tractèt d'envasir Iraq. Mai tanben contunhèt la politica neocoloniala françafricana, agravèt per son adesion au liberalisme economic la fractura sociala qu'aviá promés de la combatre en 1995. Fuguèt violentament repressiu còntra l'independentisme canac coma primier ministre. Espandiguèt amb sei ministres l'estimagtizacion dau migrant.

Coma politician, Jacques Chirac s'illustrèt mai que mai per son oportunisme, lei traïsons successivas deis autrei politicians que li avián ajudat, la manca d'una ideologia prefonda franc de la despietadosa cèrca dau poder, franc de l'obsession de s'arrapar ai foncions suprèmas. En mai d'aquò, son ambicion politica desmesurada lo mesclèt mai d'un còp a d'afars de corrupcion.

Me diretz qu'en partejant sa carriera politica entre Lemosin e París, e amb son nom d'origina occitana, èra un pauc dei nòstres? Au contrari, manifestèt totei lei tendéncias nacionalistas de la drecha bonapartista e doncas gaullista:  non faguèt ren per l'occitan ni per leis autrei lengas non francesas; s'opausèt a la ratificacion de la Carta Europèa dei Lengas Regionalas e Minoritàrias; aguèt tant la colèra quand de suportaires còrses siblavan l'imne estatau qu'obliguèt lo president de la Federacion Francesa de Fotbòl de demandar excusa publicament, e compeliguèt que se votèsse de leis que refortiguèsson la proteccion dei simbòls de la Republica. D'efiech, per eu e sei partisans, aquestei simbòls si que valián un aparament legau, non lei lengas nòstras, non lei pòbles nòstres.

Per ansin, me permetretz un non-omenatge a Jacques Chirac.

Uei, mei pensadas van puslèu an aquelei que luchan chasque jorn per la lenga nòstra. Elei son d'eròis que s'ameritan nòstra reconeissença.



 



publicitat
BANER1-2-3: DGPL DICTADES



Comentaris

4 d'octòbre 11.34h

Un paquet de vieux ossements
La terr' n'a jamais produit, certes
De canaille plus consommée
Cependant, nous pleurons sa perte
Elle est morte, elle est embaumée
Il est toujours joli, le temps passé
Un' fois qu'ils ont cassé leur pipe
On pardonne à tous ceux qui nous ont offensés
Les morts sont tous des braves types


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

2 d'octòbre 22.14h

Aüei que lo Chirac es mòrt, s'auvís de pertot lo mot «plassou» o «plaçon» en linga lemosina brava e qualitosa : daus papierons que la gent li botavan dins las pòchas per aver de las favors quand èra elegit deputat de Corresa, un biais locau de clientalisme... mas d'ente ven vertadierament l'origina de quela apelacion ? D'una tradicion religiosa que los cresents corresians damandavan de vòts emb daus papierons dins quauque endreit religiós simbolic ? O quaquarren coma quò ? Mercés.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

29 de setembre 14.17h

#11
E ont avetz legit aquò ? Que soi per .....

Cal pas desconar tanpauc !

Segur que sem pas del meteis mond. Iò respecti los mòrts amics o enemics, e agachi la realirat uèlhs dins uèlhs. Vivi pas dins los sòmis de ventalha....


Valora aquest comentari:   votar positiu 3   votar negatiu 16
Respondre comentari replica Comentari inadequat   Formulari d'abús de comentari

29 de setembre 14.03h

#10 Çò segur es que se sètz de los que creson amb son dieu de farlabica que los filhs deurián pagar per la fauta dels paires, sèm pas de la meteissa cantina religiosa ! Ni dieu ni mèstre !…


Valora aquest comentari:   votar positiu 11   votar negatiu 3
Respondre comentari replica Comentari inadequat   Formulari d'abús de comentari

29 de setembre 11.35h

#9
Segur que setz pas d'aquel monde, vos setz apertezit.
E la grandor a pas jamai estat un "non omenatge".

Entà mureth auriam degut ésser los vinçidor, fuguèc brica lo càs...
Avem perdut la batalha que calia pas perdre, en despièg de nòstra superiorotat numerica, militari.

Avem pas estat bons.


Valora aquest comentari:   votar positiu 2   votar negatiu 16
Respondre comentari replica Comentari inadequat   Formulari d'abús de comentari

29 de setembre 10.05h

#8 La grandor es Paratge — exactament çò que l'Edmond Rostant, dins lo sieu Cyrano, apèla "Le panache"…

La grandor es Geralda de Lavaur e lo sieu fraire, Amalric…

La grandor es Pèire d'Aragon, que va morir a Murèth pel pòble que l'a causit rei. La grandor es son pòble que morís als sieus costats sul prat batalhièr de Murtèh, mai que de se sometre als fanatics catolics de França…

La grandor es Larrada, Godelin, Garròs, de la Belaudièra, puèi Mistral, Perbòsc e Estieu,... Legir la seguida


Valora aquest comentari:   votar positiu 16   votar negatiu 2
Respondre comentari replica Comentari inadequat   Formulari d'abús de comentari

29 de setembre 08.57h

La grandor es de conlaudar sos enemics quora an quitat nòstra monde.
Un enemic t'ensenha tas flaquessas, mentre que l'amic te brega lo monilh.
Tanben se ploran los amics tanplan coma los enemics.
L'auròst : lauzemnes, un òme s'es anat cap a " uçmağ" ( lo paradis dels turcs)

Es aquò la grandor !


Valora aquest comentari:   votar positiu 4   votar negatiu 17
Respondre comentari replica Comentari inadequat   Formulari d'abús de comentari

28 de setembre 22.02h

#5 E ben, justament : la foncion presidenciala es fòrça politica… e non pas neutra, ges ni mica ! Un president es un ciutadan elegit subre un programme politic, non pas un sant davalat del non sabi quin cèl…


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

28 de setembre 15.24h

Prepausi puslèu de far omenatge a VGE per sa longevitat, e per aver subreviscut a 2 de sos successors, e aital passar en 1èra plaça del Battle Royal dels ancians presidents.

Sarkozy e Hollanda deurián far mèfi e sarrar lo cuol ...


Valora aquest comentari:   votar positiu 16   votar negatiu 1
Respondre comentari replica Comentari inadequat   Formulari d'abús de comentari

28 de setembre 14.36h

#4 l'aumatge public qu'ei ligat a la foncion presidenciau, non pas a la politica deus presidents ce'm par'. De tota faiçon, sabem que lo contiengut deu dever d'arreserva qu'ei l'estat qui lo defeneish hahaha


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions