CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimècres, 11 de decembre

Gerard Joan Barceló

Dissabte, 23.11.2019 03h00

"Aürós aquelei qu'an fam e set de justícia perque se sadolaràn"


Comentaris 8 comentaris    
Dolent Fluix Bo Molt bo Fabulós (9 vòtes)
carregant En cargament


Sovent, legissi lo Presic de la Montanha, entre lei capítols 5 e 7 de l'Evangèli de Matieu. Coma o sabètz ben, aqueu discors, onte l'evangelista vouguèt condensar l'ensenhament de Jèsus, es au centre de l'etica crestiana, e un de mei versets favorits es aquest: "Aürós aquelei qu'an fam e set de justícia perque se sadolaràn". Quand me gachan la lassiera e la tristor, i torni per i posar vam e encoratjament.

Curdes abandonats a la barbariá, argerians que volètz tombar lo regim, indigènas bolivians qu'avètz recobrat la dignitat mai crenhètz lo revenge racista e reaccionari, palestinians que vesètz vòstre espaci chasque jorn pus reduch, catalans que volètz decidir vòstre endevenidor, cresents ò non-cresents secutats per vòstreis opinions, omosexuaus e transgenres encara mespresats ò en perilh de mòrt, femnas consideradas coma minoritat negligibla, paures en cèrca d'una decéncia raubada per l'arrogància de quauqueis unei, totei lei pòbles e totei lei personas que fugissètz lei tròp umanei bombas e desastres mai qu'avètz fam e set de justícia, un jorn vos sadolaretz.

E tu pereu, occitan·a que non creses pus que ren pòsque cambiar per ta lenga, per ta cultura, per ton país, umiliats per de poténcias estrangieras que se pensan autorizadas de saupre çò qu'es bòn ò marrit per tu: Dieu garde, non te resignes pas!

Non mendiques pas de brigas d'aqueu que se pretend ton mèstre. Sías ton mèstre se vòles que se repare l'injustícia. Se, chasque jorn, milites per la reparacion istorica de l'avaliment programat de ton èstre, de justícia te sadolaràs.

abonar los amics de Jornalet



publicitat
BANER1-2-3: DGPL DICTADES



Comentaris

30 de novembre 18.12h

Aqueles qu'an fam e set de justicia se sadolaran... un cop que seran morts e qu'agandiran dins un "endacom mai" que se sona lo Paradis. Es tot lo problèma del crestianism que promèt que deman om rasa gratis, en un deman ipotetic situat al-delai d'aquesta vida. Polida intox qu'a de longa grandament ajudat los poders en plaça a plan manténer lor bestial. Fagatz-vos pas de marrida sang se vos prenem tot, perque "un jorn" sètz vosautres qu'o aurètz tot, alara en esperant aquel jorn qu'arribar... Legir la seguida


Valora aquest comentari:   votar positiu 20   votar negatiu 4
Respondre comentari replica Comentari inadequat   Formulari d'abús de comentari

28 de novembre 16.59h

#6 La vision crestiana catara d'aquste mond es totala revòlta e indignacion.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

24 de novembre 14.00h

Le crestianisme es una religion de consolacion.
L'òrdre promis del rèire-mond serà al revèrs del sus tèrra, e le justifica aital
al uncòp.
Aquella faula josiva desactiva indignacion e revòlta...


Valora aquest comentari:   votar positiu 19   votar negatiu 4
Respondre comentari replica Comentari inadequat   Formulari d'abús de comentari

23 de novembre 16.59h

#3 As rason de me dire qu'ai massacrat lo nom de Joan Barcelo. I bòta pas d'accent perque es pas lo caractera "o" emben l'accent. Merci de me l'aver fach remarcar. L'ai pas far expres. Tòrna legir quatre o cinc còps çò qu'ai escrich e pertant i a totjorn de las fautas d'ortografe o d'etordaria.


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

23 de novembre 15.46h

Dieu non garda pas res, se que non lo silenci. Non es mèrte d'aqueste mond. Aqueste mond es sense Dieu. Contra l'injustíca, avèm sonque la luta e la dignitat. Res jamai non davalarà pas del cèl. Çò que tendrem, l'anarem quèrrer.


Valora aquest comentari:   votar positiu 18   votar negatiu 0
Respondre comentari replica Comentari inadequat   Formulari d'abús de comentari

23 de novembre 10.35h

#2 lo Jornalet te permet de t'exprimir doncas dins aquel jornal al mens "las diversitat de las opinions es presa en compte". Cal pas escopir dins la sopa que a mon vejaire aquela del Jornalet es bona e es lo solet diari digital en occitan, al jorn d'uèi.
De primièr, me sembla que siá imperatiu de respectar las personas e doncas lor nom. Per quina rason amagada ( es par anticatalanisme ?) apelas Joan Barceló, Barcelòna ?
Aquò dich, soi totalament d'acòrdi amb ta critica de la macron... Legir la seguida


Valora aquest comentari:   votar positiu 15   votar negatiu 8
Respondre comentari replica Comentari inadequat   Formulari d'abús de comentari

23 de novembre 09.25h

Argerians, catalans, indigenes, femnas e autras que volan una reconaissença de lòr identitat mas qui son aquel monde?
Dau brave monde qu'an set e fam de justice, que van se revoltar e far una societat justa. Me, ai jamai volgut la guerra dins la familha au trabalh, entre estats mas quand la guerra es aqui sei estat obligeat de l'assumar e de far emben. Quò es lo paubre colhon que dit qu'un jorn la justiça renhara sur terra; la justiça mai l'abondança. Qui se sembla s'assembla; aitau da... Legir la seguida


Valora aquest comentari:   votar positiu 8   votar negatiu 15
Respondre comentari replica Comentari inadequat   Formulari d'abús de comentari

23 de novembre 06.34h

"Non mendiques pas de brigas d'aqueu que se pretend ton mèstre".
Son pas las micas que volèm, ja es le pan sencer que volèm. La pan que nos an panat e qu'es nòstre. E se pretenden les nòstris mèstres? Quinis mèstres? Les que s'impausèguen e s'impausan per la fòrça e la violéncia? E ben, bravis mèstres que son, tè. Le sol mèstre qu'avèm, cadun, es nosautris mateishis. E ja, n'i a ben pro de mèstre.


Valora aquest comentari:   votar positiu 14   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions