Bandièra01 1180x150: Comuna de Tolosa

Opinion

Amazonia, non Amazon

Tant de destruccions socialas, economicas e environamentalas son aduchas per Amazon, e o sabèm, e i crompam pasmens, alienats per lei pressions imperativas de la societat que nos sentèm obligats de bastir per nos destruire
Tant de destruccions socialas, economicas e environamentalas son aduchas per Amazon, e o sabèm, e i crompam pasmens, alienats per lei pressions imperativas de la societat que nos sentèm obligats de bastir per nos destruire
Gerard Joan Barceló

Gerard Joan Barceló

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

Mai d’informacions
Coma ieu auretz passat la jornada de divendres amb de publicitat per lo Black Friday, lo Divendres Negre d'aquela operacion comerciala sortida deis Estats Units. L'endeman de Thanksgiving, non se tracta pus de regraciar Dieu ò lei sieus, mai de se liurar au consumisme, esperlecats per de promessas de remesas e rebais. 

Lo mesme jorn, m'assabentavan qu'Amazonia aviá perdut 10 000 km2 de seuva aquest an; aperaquí la superfícia de Liban ò de Jamaica, sòrti de lo verificar. Es non solament, amb la vida que i caup, lo bòsc qu'es menaçat mai pereu lei culturas que i resistissián, e leis occitan·a·s qu'encara resistissèm, siam de tot segur dau caire d'aquelei que vòlon pas perir.

D'un caire, Amazonia, d'autre caire Amazon. Quau i a crompat sensa desconéisser lo modèl capitalista sauvatge que lo propaga aqueu pofre d'Internet? Tant de destruccions socialas, economicas e environamentalas son aduchas per Amazon, e o sabèm, e i crompam pasmens, alienats per lei pressions imperativas de la societat que nos sentèm obligats de bastir per nos destruire.

D'unei, maugrat la violéncia policiera de l'estat borgés que crenh la revòuta, son a blocar d'entrepaus d'Amazon. Ieu de l'ostau estant non crompi pus ren an aqueu Leviatan que fasèm créisser chasque jorn per fin que nos devòre.

Se volèm subreviure, preferiguem Amazonia a Amazon! 





 abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
3.

Ah macanica !

E la Greta morre de coja que torna en europa sus un vuèlièr, qu'es pilotat per l'eskiper britanica Nikki Hendersen, qu'es venguda als estats-unids en avion plan segur per tornar ambe la Greta , tot aquò dins un vuèlièr...

Granda trufandiza
Foutage de gueule à tous les étages.

  • 0
  • 3
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
2.


Plan jogat ! un remirable còp de mestre!

Amazon a retirat de la venda tot çò qu'èra occitan o parlava d'occitània.

https://www.amazon.fr/occitan-Livres/s?k=occitan&rh=n%3A301061

  • 4
  • 3
Black Blòc Joe
1.

Tant de destruccions socialas, economicas e environamentalas son aductas per Amazon, e o sabèm, e i crompatz pasmens, alienats per las pressions imperativas de la societat que vos sentètz obligats de bastir per vos destruire… Es per aquò que per lo Black Blòc Friday, tot va dispaéisser.

  • 3
  • 1

Escriu un comentari sus aqueste article