CAPCALERA: Lo Diari

Jornalet, gaseta occitana d'informacions

Diluns, 28 de setembre

Gerard Joan Barceló

Dimècres, 8.4.2020 03h00

Andrà tutto bene


Comentaris 2 comentaris    
Dolent Fluix Bo Molt bo Fabulós (8 vòtes)
carregant En cargament


picchionews.it




Ara que siam confinats a gachar ansiós qu'arriben de nòvas de nòstrei benaimats, ò de la planeta devenguda fòla, coneissèm totei la frasa italiana "andrà tutto bene", de còps que i a "tutto andrà bene", que nos fa pas mestier de la traduire, e qu'es una convidacion a l'espèr per resistir au desastre.

D'unei, en particular dins ma cara que non sai Catalonha, repotegan e la tròban messorguiera e mai indecenta. Lei capissi ben. Coma, d'efiech, pensar que tot anarà ben quand sentèm la dolor dei separacions d'amb nòstrei pròches ara tan luenchencs? Quand vesèm a nòstre entorn d'amics ò de parents a redobtar la pèrda d'un paire ò d'un maire, e mai d'un fieu?  Quand nos indignan de govèrns irresponsables que, coma aqueu d'Espanha, ja desiran de levar tre la setmana venenta la proteccion de l'embarrament per satisfaire ais egoïsmes de quauqueis interès economics? Coma un vertige de cachavièlha s'amolona lei victimas que lei pòdon pas manco dignament sepelir sei familhas, forçadas de retardar a un mausegur avenidor lo dòu qu'an de faire. Per lei vièlhs dins lei residéncias de retirada que degun pòu pus vesitar, l'embarrament es una preson, coma es un infèrn per lei femnas e lei mainatges liurats chasque jorn a son agressor dins un ostau d'onte pareis que s'escaparàn pus.

Ai totjorn dich que i a dos optimismes. Un ninòi ò enganaire, coma lo de Mèstre Pangloss dins lo cònte de Voltaire Candide, que cèrca de nos far creire que lo mau e lo malaür existisson pas. Mai l'autre assaja pas de leis escondre, n'assumís au contrari la crudèla realitat mai es tot entier orientat devèrs l'esperança. Es l'optimisme d'una volontat sensa la quala auriam ges de possibilitat de cambiar lo Monde. Ansin e solament ansin es possible que tot vague ben.

O torni dire per que me capiguetz: alestiguem ensems l'endeman de nòstre embarrament.

Per l'alestir, vos parlarai la setmana venenta de Pasolini. Aguem suenh de nosautres e dei nòstrei.

abonar los amics de Jornalet


 



 



publicitat
BANNER1: IEO Arièja



Comentaris

8 d'abril 12.45h

Andrà tutto bene ? Don't worry about a thing, 'Cause every little thing gonna be all right…


Valora aquest comentari:   votar positiu 3   votar negatiu 3
Respondre comentari replica Comentari inadequat   Formulari d'abús de comentari

8 d'abril 10.30h

RECU DE JIPI STROOBANT MY VERY CHER FELLOW AMI GOOGLE - Allô, Giovanni Pizza ? - Non Monsieur, c'est Google Pizza. - Ah je me suis trompé de numéro ? - Non Monsieur, Google a racheté la pizzeria. - Ok, prenez ma commande donc - Bien Monsieur, vous prenez comme d'habitude ? - Comme d'habitude ? Mais vous me connaissez ? - Compte tenu de votre numéro de téléphone qui s'affiche ici, vous avez commandé ces 12 dernières fois une pizza 3 fromages avec supplément chorizo. - Ok... Legir la seguida


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions