capÇALERA: oplo

Jornalet, gaseta occitana d'informacions

Dijòus, 2 de julh

Gerard Joan Barceló

Dimècres, 27.5.2020 19h45

Per una Democracia Europèa


Comentaris Pas cap de comentari    
Dolent Fluix Bo Molt bo Fabulós (13 vòtes)
carregant En cargament


     En arribant a çò que me pareis d'èsser la fin de la crisi de la covid-19, me pensi necite d'anar mai luènh que la sorna actualitat del comptatge dels mòrts e espitalizats. Pretendi pas de vos aduire lo grand lume d'una pensada tras qu'originala mas fau partida dels que creson indispensable de chifrar collectivament a l'endeman del confinament. E mentre qu'a Brussèlas discutisson d'un plan de relançament de las economias europèas, la manca de cooperacion e mai los egoïsmes dels estats tre lo començament de la pandemia an donat de novèls arguments contra l'Union Europèa ja controversiada per mai d'un motiu.

Cèrtas, en nom de valors democraticas e socialas votèri contra lo projècte de Constitucion europèa que la nos impausèra totun contra lors ciutadan·as l'union dels govèrns; pasmens, coma internacionalista occitan, catalan e còrs que sos ancessors pairals nasquèron en Africa, non vesi pas coma solucion viabla la fin de l'UE al profièch exclusiu dels chauvinismes estatals. Ja, a Madrid, fan de competicions de bandièras e nostalgia franquista, e  pels occitans, França es una preson benlèu mai aimabla qu'un brutal regim totalitari o un país abandonat a la misèria o estraçat per la guèrra, mas un càrcer ont gapís nòstra cultura.

Per ansin, somondrai la setmana venenta un raconte utopic per vos expausar quina Euròpa deuriam, a mon vejaire, contribuir a bastir: Democracia Europèa.

abonar los amics de Jornalet



publicitat
BANER1: AOF



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions