Bandièra01 1180x150: Comuna de Tolosa

Opinion

Democracia Europèa: II

Gerard Joan Barceló

Gerard Joan Barceló

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

Mai d’informacions
[Democracia Europèa: I]

Lo nom de Democracia Europèa s'impausèt pas sens mal. Cèrtas, s'èra eliminada lèu-lèu la proposicion de tornar  batejar l'organizacion politica d'Euròpa Union Europèa, tant la luenchenca entitat territoriala aviá daissat  dins las ments, tanben las mai joves, un remembre desastrós; mas fòrça avián militat pel nom de Republica Europèa. D'unes se ramentavan, d'efièch, que lo nom de Republica aviá fach pantaissar, tant en França coma en Catalonha; mas fòrça desparièras èran estadas las realitats. Roma e sos dos Brutus avián associat aquel nom a una idèa de libertat, quora dels reis etrusques, quora del dictator perpetual Cesar e de sas ambicions monarquicas. Als republicans d'autres respostavan que, malgrat la referéncia al pòble que cap dins l'expression latina res publica, quasi totas las republicas avián mespresat lo pòble e mai los pòbles; abans morir dins l'agonia de las guèrras civilas, la republica romana èra estada marcada per un govèrn dels rics e una organizacion sociala e politica inegalitària. Enfin, qualques unes clavavan lo debat en fasent remarcar qu'en Espanha s'èra trapat de republicans que defendèsson una monarquia corrompuda, mentre que de regims oficialament monarquics autrejavan mai de libertat que de republicas "democraticas e socialas" autoproclamadas. 

Per ansin, tot comptat e rebatut, un consens aviá finit que s'èra manifestat que tanben caliá, se se voliá un cambiament radical politic, cambiar de nom per qu'un nom nòu aduguèsse d'idèas nòvas. Se decidiguèt de crear una Democracia Europèa perque la nocion de democracia èra mai clara que la de republica.

Lo primièr problèma que los europèus qu'avián causit de se governar ensems aguèron de resòlver foguèt de trobar una organizacion per que los pòbles foguèsson pas espotits per un poder central e luenchenc.

[de seguir]

abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Durutti Barcelona
1.

Lo primièr problèma que los Europèus qu'avián causit de se governar (ensems) aguèron de resòlver foguèt de trobar una organizacion per que los pòbles foguèsson pas espotits per un poder central e luenchenc : e per aiçò, consultèron los arquius de la CNT castelhana, aragonesa e catalana qu'o avián ja teorizat, practicat e esprobat entre 1936 e 1939. E aital, la messa èra dita ! Mas sense las colomnas fascistas mandadas d'Italia, l'aviacion de la Luftwaffe nazi, las rasclanhas falagistas colonialas ni las taupas estalinianas, foguèt fòrça aisit per las fòrças de progrès de tonar metre en practica çò que s'èra ja complit mai de 70 ans abans…

  • 5
  • 0

Escriu un comentari sus aqueste article